المحتويات
البرا ليه أشكال مختلفة وبتختلف حسب اللبس وشكل الجسم، واختيار المقاس الصحيح بيساعد على جعم الثدي وحماية الجسم من أمراض مختلفة.
آثار البرا على الجسم
- دراسة فرنسية أثبتت إن لبسه بانتظام بيزود ميل الثدي للترهل لأنه بيضعف عضلات الصدر ودراسة تانية أمريكية أثبتت إن لبسه بالليل بيسبب اضطراب النوم وعدم انتظام دوراته
- لأنه بيضغط الجسم وبيزود درجة حرارته وبيقلل الميلاتونين (هرمون النوم) فيه
- عدم ارتدائه لفترات يوميا بينشط الدورة الدموية وبيقلل نسبة امتصاص وتراكم التراب والعرق في الثدي وبيقلل نسبة الإصابة بالحبوب أو الالتهابات أو الطفح الجلدي في الثدي والمناطق المحيطة بيه
- ارتدائه بمقاس ضيق بيسبب آلام عضلات الصدر والرقبة والشعور بعدم الراحة
- الحمالات الضيقة بتأثر على أنسجة الكتف وبتسبب ظهور الآلام مع الوقت
- دراسة أثبتت إن المقاس الضيق أو ضغطها على الجسم بيأثر سلبا على أنسجة الثدي على المدى الطويل
- وارتدائها طول الوقت بيأثر على نمو أنسجة الثدي الصحية وهي مهمة للوقاية من أمراض الثدي
- دراسة عن العلاقة بين الملابس وجودة العمل والتركيز أثبتت إنه بيقلل القدرة على الإنجاز عند السيدات خاصة لو حجم الثدي كبير وده سبب ميلهم إنهم يخلعوه عند دخول البيت لأنهم بيحسوا براحة وعدم تقيد
علامات لبس المقاس الخطأ من البرا
دراسة بريطانية أثبتت إن حوالي 80% من السيدات بيلبسوا مقاس خطأ من البرا، وده ليه آثار جانبية ضارة على الجسم، وفي علامات معينة ممكن من خلالها تحددي لو مقاس البرا خطأ، زي:
- خروج الثدي من البرا من الجزء الأعلى
- ظهور تجاعيد أو نتوءات على جلد الثدي
- لو في مسافة بينه وبين الثدي من الأسفل أو من فوق
- عدم ارتياح الثدي فيه بشكل كامل
- لو الحمالة الخلفية مرفوعة لفوق
- في حالة ظهور الجلد وخروجه من الحمالة
- لو الحمالات بتقع بشكل متكرر
- في حالة إن الحمالات مترهلة عند الضهر
- لو بتظهر علامات على الأكتاف مكان الحمالات
مقاس البرا وأضراره على الجسم
- الدراسات أثبتت إن المقاس الصغير بيسبب مشاكل في أنسجة الثدي وزيادة نسبة الإصابة بسرطان الثدي مع الوقت
- بيأثر على عضلات الرقبة والأكتاف وبيسبب الآلام المزمنة مع الوقت
- بيسبب احمرار الجلد وتهيجه وبالتالي ظهور الحبوب
- آلام القفص الصدري وممكن يصاحبها ضيق التنفس وصعوبة الحركة
- آلام الثدي والمنطقة المحيطة بيه
- المقاس الكبير بيسبب ترهل الثدي والجلد مع الوقت
- انسداد الغدد الليمفاوية في الصدر
- بيأثر على وضعية كتفك وضهرك وبالتالي وضع قعدتك بيكون خطأ
- لازم تقيسي محيط الصدر مرة كل 6 شهور لأن المقاس بيتغير بسبب التغيرات الهرمونية أو تغيير الوزن
طرق الحفاظ عليه
- البسيه وجسمك جاف من أي كريم أو مزيل عرق أو زيوت
- تجنبي وضع البيرفيوم عليه
- اغسليه كل 2-4 مرات لبس على إيدك ولو في الغسالة يبقى على نظام غسل الهدوم الرقيقة
- سيبيه ينشف على المنشر وبلاش تنشفيه في الغسالة وعلقيه من طرفه بدون شد
- رصيهم في الدرج خلف بعض مقفولين بدون الضغط عليهم
