تابلوهات مودرن أنيقة ومناسبة لألون الدهانات والأثاث هي أساس استكمال شكل الديكور المميز في بيتك بس ضروري تختار تابلوه مصمم بعناية لإضافة منظر مختلف لبيتك وإيحاء بعمق ووسع مش مجرد تثبيت تابلوهات على الحائط بدون تفكير مسبق.
قواعد اختيار تابلوهات مودرن
- اختار تابلوه مقاسه مناسب لحجم الحائط (مش واخد مساحة كبيرة من الحائط زيادة عن اللزوم أو مساحة صغيرة وحواليه فراغ كبير) لأن النسبة والتناسب بين مساحة التابلوه وباقي الحائط والأثاث عنصر أساسي في الاختيار
- لازم عرض التابلوه يبقى مش أطول من تلت طول الكنبة أو الكرسي اللي تحتها
- اختار أشكال فيها عمق زي صور المدن اللي فيها مياه أو مسطح أخضر عشان تزوّد إحساسك بالعمق والوسع
- التابلوهات الجديدة اللي جزء من أطرافها في شكل مرايا بتعكس اللي قدامها بتعتبر اختيار مثالي لو مساحة بيتك ضيقة لأنها بتزوّد الإحساس بالاتّساع
- اللوحات الزيتية أو الرسومات المطبوعة على الخشب مناسبة حتى لو ديكور بيتك مودرن بس ضروري تختار أشكال عصرية متوافقة مع الإطار العام لديكور البيت وطبيعة الأثاث
نصائح وقت تركيب التابلوه
- اختار مكان في مواجهة الإضاءة عشان تبرز التفاصيل الجمالية في التابلوه
- بلاش تشتري تابلوهات كبيرة الحجم موحدة الشكل وتثبّتها على مسافة قريبة ولو حابب تعمل كده ضروري تنسقهم بشكل مختلف عشان يكمّلوا صورة جمالية مميزة وضروري تسيب مسافة مش أقل من 5 سم بين كل لوحة والتانية
- سيب مسافة بين الكنبة أو الكرسي والتابلوه مش أقل من 10 سم
- استعين بفني متخصص في تركيبها (ويفضل يبقى تابع للمحل اللي اشتريت منّه التابلوه) عشان يركبها بشكل صحيح يحافظ عليها ويحافظ على أبعادهم المنتظمة وقت التركيب
أشكال تابلوهات مودرن مختلفة
