المحتويات
جفاف الفم أو المعروف بإسم زيروستوميا هو عدم إفراز الغدد اللعابية في فمك الكمية الكافية من اللعاب عشان يكون رطب، واللي ممكن يكون عرض جانبي لبعض الأدوية أو مشاكل الشيخوخة أو أمراض الغدد اللعابية.
فوائد اللعاب
- بيحمي الأسنان من التسوس من خلال إبطاء مفعول الأحماض اللي بتنتجها البكتيريا
- بيقلل نمو البكتيريا وبيعمل على إزالة بواقي الطعام
- بيحسن عملية التذوق والمضغ والبلع
- إنزيمات اللعاب ليها دور كبير في تحسين عملية الهضم
- بيساعد على إبقاء الفم رطب وبيزود شعورك بالارتياح
أعراض جفاف الفم
في حالة عدم إفراز اللعاب الكافي أو نشفان الريق، هتلاحظ أعراض زي:
- لزوجه اللعاب
- رائحة نفس كريهة
- صعوبة المضغ والكلام والبلع
- جفاف وآلام الحنجرة ووجود بحة في الصوت
- جفاف اللسان
- تغير مذاق الأشياء
- صعوبة تركيب الأسنان الصناعية
- التهاب وتشقق الشفتين
- تشقق الغشاء المخاطي للفم
- عسر الهضم
- التهابات فطرية
- زيادة الحاجة لشرب المياه وخاصة بالليل
- تشقق أو التهاب اللسان وأمراض اللثة
- التهاب الحلق
أسباب جفاف الفم
الأدوية
- ارتفاع ضغط الدم
- مضادات الهيستامين
- أدوية علاج الإسهال
- السلس البولي
- مرخي العضلات
- بعض أدوية الشلل الرعاش
- أنواع معينة من مضادات الاكتئاب
علاجات
- العلاج الإشعاعي
- أنواع العلاج الكيماوي
التقدم في العمر
بسبب الاستمرار على تناول بعض الأدوية وتغيير روتين الحياة اليومية وتغييرات في قدرة الجسم على معالجة الأدوية والتغذية غير المناسبة والأمراض المزمنة
بعض الحالات المرضية
حالات تانية
- قضاء وقت طويل في مكان حار
- التعرض لجراحة أو إصابة معينة واللي بيسبب تلف في منطقة الرأس أو العنق
- التدخين
- قلة شرب المياه أو أكل الخضار والفاكهة اللي نسبة المياه فيهم عالية زي البطيخ والخيار والخس
تشخيص جفاف الفم
في حالة المعاناة من أمراض جفاف الفم أو الريق الناشف لفترة طويلة ومستمرة، لازم تستشير دكتور واللي ممكم يطلب منك:
- التصوير بالأشعة السينية (X-Ray): عشان يقدر يشوف أي عيوب أو مشاكل في الغدد اللعابية في الفم
- الخزعة: وهي عينة صغيرة من أنسجة الغدد اللعابية
علاج الريق الناشف
بعض الخطوات إتباعها هيساعد على التخلص من جفاف الفم، زي:
- شرب المياه بشكل منتظم على مدار اليوم
- لعق مكعبات تلج
- تجنب التدخين وشرب الكحول والكميات الكبيرة من الكافيين فترة العلاج
- قلل كمية السكر والملح في يومك
- جهاز تنقية وترطيب الهواء أثناء النوم هيساعدك في التغلب على جفاف الفم بالليل
- امضغ لبان أو حلوى خالية من السكر لزيادة تدفق اللعاب
- استخدم مضمضة الفم الخالية من الكحول بشكل دوري
- جرب بدائل اللعاب المتاحة بدون وصفة طبية اللي بتساعد على زيادة إنتاجه
- اتنفس من الأنف وليس الفم
- استخدم معجون أسنان فيه فلورايد
- اكشف عند طبيب الأسنان بشكل دوري عشان تتأكد من عدم إصابة أسنانك بالتسوس
