المحتويات
فتق الحجاب الحاجز بيحصل مع انتفاخ الجزء العلوي من المعدة، والحجاب الحاجز عبارة عن عضلة بتفصل بين البطن والصدر، وفي أغلب الأوقات مش بيسبب الفتق مشاكل صحية خطيرة ولكن بينتج عنّه رجوع الأكل وأحماض المعدة للأعلى، وبالتالي ممكن يبقى سبب رئيسي لحرقان المعدة، وعلاجه في بعض الأحيان ممكن يتطلب جراحة عاجلة نتيجة صعوبة علاجه بالأدوية.
الأسباب
- أنسجة العضلات الضعيفة بتسبب انتفاخ في المعدة وبروز في الحجاب الحاجز وبيحصل ده لأسباب مختلفة منها:
- تغيرات في عضلة الحجاب الحاجز بسبب السن
- الضغط المستمر والشديد لمدة طويلة على العضلة وقت السعال أو القيء أو التبرّز أو رفع الأشياء الثقيلة
- أحيانًا بيتولد بعض الأشخاص بوجود فرجة حجابية أو فتحة أقرب للفتق
- الإصابة نتيجة حادث معيّن أو جراحة في منطقة بالجسم بجانب المعدة
- بتزيد فرص الإصابة بيه عند الحوامل إذا كانت الحامل بتعاني من السمنة أو من تجمّع السوائل في البطن
- بعض المشاكل الصحية ممكن تسبب بعض التقلصات فيه زي التهابات القصبة الهوائية ومشاكل المرارة
الأعراض
- أحيانًا بتظهر بدون أعراض ولكن مع تفاقم الفتق بتظهر بعض الأعراض زي:
- حرقان المعدة
- صعوبة البلع
- آلام الصدر والبطن
- الإحساس بالتخمة بعد وقت قصير من بداية تناول الطعام
- خروج دم مع القيء أو براز أسود وقت التبرز
- ضيق التنفس
- الإحساس بارتجاع حمض المعدة إلى المريء
- ضعف القدرة على إخراج الغازات أو البراز
التشخيص
- عن طريق الأشعة السينية على الجهاز الهضمي وبيتناول المريض مادة معيّنة بتسمح برؤية القناة الهضمية بكل تفاصيلها
- أو عن طريق إدخال منظار من أسفل الحلق لفحص داخل المريء والتحقق من وجود الالتهابات من عدمها
العلاج الدوائي
- الأطباء بيستخدموا في البداية مضادات الحموضة عشان تقلل تأثير الارتجاع المزعج ومن ضمنها:
- كونترولوك (Controloc)
- نيكسيوم (Nexium)
- نابيزول (Napizole)
- زوركال (Zurcal)
- انتودين (Antodine)
- جاسترودومينا (Gastrodomina)
- مالوكس (Maalox)
- لكن بلاش تستخدم أي دواء منهم إلا تحت إشراف طبيب متخصص يقيّم الحالة
التدخل الجراحي
- أحيانًا بتفشل الحلول الدوائية وبيضطر الطبيب لإجراء عملية جراحية
- سواء بسبب شدة الالتهاب والاقتراب من حدوث بعض المضاعفات زي الانسداد أو القرح الشديدة أو اقتراب حدوث نزيف ممكن يؤدي لالتهاب الرئة
- بتتسحب المعدة لأسفل البطن بنسبة بسيطة وتصغير فتحة الحجاب الحاجز
- عن طريق شق في الصدر وبعض الشقوق الصغيرة في البطن
- بيدخّل الجراح كاميرا صغيرة بتستعرض جهازك الهضمي كله على الشاشة وبيستخدم بعض الأدوات الدقيقة لإجراء العملية
الوقاية من تقلصات الحجاب الحاجز
- تمارين الإحماء قبل الرياضة أو أي مجهود بدني بتقلل التقلصات
- ابعد عن التدخين أو أي تلوث والبس الكمامة طول الوقت لأن دراسات كتير أثبتت خطورة الملوثات على الجهاز الهضمي
- فكّر في أي شيء إيجابي وابعد عن السلبيات والتوتر
- دراسة بتأكد إن ممارسة تمارين التنفس باستمرار هتقللها
- اتنفس بعمق واكتم نفسك قدر المستطاع وخرّج النفس على 5 مرات وكرر التمرين 3 مرات
- قلل السكريات والنشويات وقسّم أكلك على وجبات وقطّعه لأجزاء صغيرة قبل البلع واشرب مياه بكميات كبيرة سواء قبل الأكل أو خلال اليوم كله
- ابعد عن الأكلات الحارة واستبدلها بالخضروات والفواكه
