المحتويات
العين بتتعرض لقرح وإحساس بالحرقان شديد في أوقات كتير وبالتالي مهم تعرف سببه ومصدره وطرق علاجه، وافتكر دايمًا إن أي مشكلة فيها لازم تتعالج بسرعة عشان تقلل فرص ظهور مضاعفات خطيرة.
أسباب حرقان العين
- توقف العين عن إنتاج الدموع بيزود التهابات انسداد القناة الدمعية وبسببها بيزيد الحرقان وفرص سقوط الدموع بكمية كبيرة فجأة بعد
احتباسها
- استخدام القطرات منتهية الصلاحية
- ارتداء العدسات اللاصقة لفترة طويلة ووجود جسم غريب في العين سواء حشرة أو غبار
- التعرض للمواد الكيميائية أو الجلوس مباشرة في وجه أشعة الشمس لمدة طويلة
- التهاب الملتحمة التحسسي اللي بيحصل لما بيدخل أي جسم غريب فيها
- بيزيد رد الفعل التحسسي اللي بينتج عنه احمرار وحرقان ونزول الدموع باستمرار
- ظهور ظفر العين وهو نمو لحمي على بياض العين في الطرف القريب من الأنف
العلاج الأولي لحرقان العين
- اعمل كمادات مياه دافية على عينك مرتين أو تلاتة في اليوم وكل مرة من 7 لـ 10 دقايق
- اغسل وجهك بعدها بمياه فاترة وقطّع شرايح خيار وغطي بيها عينك مرتين يوميًا
- اشرب مياه كتير عشان تقلل جفافها
- قلل تعرضك للشاشات قدر المستطاع والبس نضارة شمس لو خرجت في الشارع خلال النهار
- لازم تستشير طبيب متخصص عشان يحدد سببها بدقة وتعالجها صح
أسباب قرح العين
- أغلبها في الأساس سببه قرحة القرنية
- دخول جسم غريب فيها أو إصابة أو صدمة قوية
- استخدام العدسات اللاصقة أو انتقال عدوى بكتيرية أو فيروسية إليها
- جفافها وحساسيتها بجانب الإصابة بالالتهابات المزمنة اللي بتصيبها
الأعراض
- نزول إفرازات من العين وحكة واحمرار فيها
- ضبابية الرؤية
- الحساسية المفرطة من الضوء
الوقاية
- بلاش تستخدم العدسات اللاصقة لفترة طويلة أو تنام بيها
- احتفظ بيها في المحلول المخصص بعد استخدامها مباشرة
- ارتدي نضارة شمس في النهار
- بلاش تستخدم فوطة أو أدوات تجميل مرتبطة بالوجه وبتلامس العين من شخص تاني
- استشير طبيب متخصص وعالج أي إصابة مرتبطة بالعين فورًا وبلاش تدعك عينك بإيدك قدر المستطاع
تقوية شبكية العين
- ابعد عن التدخين أو الجلوس جنب أي مدخن وتجنب التعرض المباشر للملوثات قدر المستطاع
- تجنب المكملات الغذائية بدون استشارة الطبيب
- كل 20 دقيقة بص على حاجة بعيدة عنك لمسافة 6 متر وركز فيها لمدة 20 ثانية
- حافظ على مسافة مناسبة (طول ذراع) بين أي شاشة وبين عينك
- كبّر خط الكتابة في أي حاجة بتكتبها أو بتقرأها على الموبايل أو اللاب توب
- البس نضارة شمس وقت الخروج بالنهار
- افحص الشبكية كل 6 شهور بعد سن الـ 50
- لازم تزور طبيب العيون كل سنتين على الأقل للاطمئنان على صحة العيون وعلاج أي مشكلة في بدايتها
أكلات بتحمي الشبكية
- دراسة ألمانية بتقول إن الخضروات الخضراء خصوصًا السبانخ والكرنب فيهم مواد صبغية بتساعد على تقوية الشبكية
- أكلات كتير بتحتوي على فيتامينات كتير بتساعد في تقوية الشبكية زي:
- البطاطا
- البقوليات زي الفاصوليا واللوبيا
- السمك زي السلمون والتونة
- الكوسة
- المكسرات زي اللوز
- وابعد عن السكريات والمقليات
