المحتويات
الكابوس أو الحلم المزعج ممكن يأثر عليك بشكل سلبي زي الاستيقاظ في وسط الليل مع الإحساس بالخوف أو الضيق، وتغييرات المزاج طوال اليوم، وبعض الأشخاص بيتكرر حدوثه وده بيأدي الأرق، وصعوبة في التركيز ونوبات صداع، وهنقولك على أسباب الكابوس وإزاي تتخلص منه.
ما هو الكابوس؟
- هي أحلام مزعجة أو غريبة، غالبًا بتحصل أثناء نوم حركة العين السريعة (REM)، وهي مرحلة النوم المرتبطة بالأحلام
- حوالي 50% من الكبار بيحلموا بالكوابيس، والسيدات بتشوفها أكتر من الرجال
- ما يقرب من 1% من الكبار بيحلموا بنفس الكابوس بشكل متكرر وغالبًا بيحتاجوا لمساعدة نفسية
- الكوابيس المتكررة أكتر شيوعًا عند الأطفال بين 3لـ6 سنين، وبتقل مع التقدم في العمر، لكن في بعض الحالات بتستمر في سن المراهقة والبلوغ
أسباب الكابوس
- القلق والتوتر والضغط العصبي
- تغيير مواعيد النوم أو عدم انتظامها
- بيصاحبه بعض اضطرابات النوم زي توقف التنفس الانسدادي واضطراب حركة الأطراف الدورية
- بعض أنواع الأدوية: زي بعض مضادات الاكتئاب وأدوية ارتفاع ضغط الدم ولعلاج مرض باركينسون
- بعض الأمراض النفسية زي الاكتئاب
- الأمراض الجسدية زي أمراض القلب والسرطان
- تناول الطعام قبل النوم مباشرة
- بتزيد فرصة حدوث الكوابيس بسبب التاريخ الوراثي (لو بيعاني شخص في الأسرة منها، واضطرابات سلوكية تانية زي الكلام أثناء النوم)
الآثار الجانبية للكابوس
لو كانت بيحصل بشكل متكرر ومستمر، وبيتعارض مع النوم، بيسبب
- اضطراب فى نوعية النوم أو كميته
- قلق وتوتر أثناء النهار بيزيد باقتراب الليل وبيوصل لدرجة الخوف من النوم
- صعوبة فى التركيز أو التذكر
- التفكير المستمر فى أحداث الكوابيس وتذكر مشاهد منها
- النعاس الزائد أثناء النهار والشعور بالإرهاق
- صعوبة فى أداء وظائف العمل أو الدراسة أو الروتين اليومي
- مشاكل سلوكية مرتبطة بوقت النوم أو الخوف من الظلام خاصة فى الأطفال
تفسيرات بعض الكوابيس
الخبراء وضحوا إن الكوابيس والأحلام بتعكس أنماط السلوك واللي بيدور في الأذهان، وحددوا مجموعة كوابيس مشتركة بين ملايين البشر
الموت ورؤية الموتى
- بتعبر عن إحساس الاشتياق ورغبتهم في رجوعه
- إلا إنها في الكوابيس بتعبر عن خوف الشخص من المجهول
- الكوابيس المتعلقة بالموت بتدل على خوف الحالم من فكرة التعرض لمرض أو حادث مميت أو الفقد
سقوط الأسنان
- الأسنان بتستخدم للقطم والمضغ والعض وتمزيق شيء
- بيعكس كابوس فقدها الخوف من العجز أو الفقد لثروة أو ممتلكات أو أشخاص
- الأسنان مرتبطة كمان بالمظهر فسقوطها بيدل على عدم الثقة بالنفس
المطاردة
- بتدل على الهروب من مشكلة أو حدث ما
- اللي بيطاردك في الكابوس بيمثل جانب من حياتك زي الغيرة أو الخوف أو الغضب أو القلق
فشل العثور على الحمام
- بتدل على صعوبة التعبير عن احتياجك في موقف معين
- وبيمثل إن احتياجات الآخرين أولوية عن احتياجاتك
التعري في مكان عام
- بيدل على عدم قدرتك إيجاد نفسك أو شعورك بالذنب والخطأ
- لو بتحاول ستر نفسك بيدل على خوف داخلي من معرفة الناس لأمور وأفكار بتخفيها
التأخير
- لو متأخر على معاد طيارة/ اجتماع/ أي حدث مهم بيدل على خوف وقلق شديد
- الخوف ده بيكون مرتبط بتخيب آمال أشخاص بيثقوا فيك أو الإحساس بعدم القدرة على تحمل الأعباء
- التأخر على الامتحان بيعكس انعدام الثقة وعدم القدرة على التقدم إلى المرحلة التالية في الحياه
السقوط
- النوع ده من أكتر الكوابيس المنتشرة
- السقوط من مكان عالي بيدل على عدم الأمان والقلق بشأن موقف
- وبيعكس الإحساس بعدم تحكم الشخص في حياته
عدم السيطرة على العربية
- بتعكس إحساس بالخروج عن المسار الصحيح للحياة
الجروح والإصابات المختلفة
- بتدل على شعور الحالم بالنقص أو الأذى من شخص أو حدث ما
الحبس
- بيدل على وقوع الشخص في مشاكل كبيرة وحلها صعب زي ضائقة مالية أو مشكلة في الشغل أو علاقة عاطفة
الكوارث الطبيعية
- بتدل على مشاعر سلبية شديدة زي القلق والغضب والخوف بيخفيها الشخص داخله
نصائح لمنع تكرار الكوابيس
- حدد مواعيد نوم ثابتة وحافظ على عدد ساعات كافية من النوم (مش أقل من 8 ساعات)
- قلل توترك قدر المستطاع وركّز في فكرة إيجابية قبل النوم
- دراسة بتأكد إن مشاهدة الفيديوهات على مواقع التواصل اللي فيها جرايم أو عنف بتزود فرص رؤيتك ليها
- تجنب تصفح مواقع التواصل قبل النوم بساعتين على الأقل
- نام في وضع مريح ليك ونظّم غرفتك قبل النوم
- اتنفس بعمق وارسم صورة جميلة لمكان بتحبه وتخيل وجودك فيه قبل النوم
- عّبر عن مشاعرك قبل النوم بالتفصيل سواء مع شخص بتثق فيه أو بالكتابة
- خصص وقت للتأمل ( مش أقل من 20 دقيقة) قبل النوم
- دراسة بتأكد إن حكي الحلم بتفاصيله أو كتابته بيقلل فرص تكراره
- اتخيل نهاية سعيدة للحلم خصوصًا لو بينتهي بمآساوية
- خطط ليومك الجاي وحدد الأنشطة اللي هتعملها فيه
- استشير طبيب متخصص يحدد سببها ويساعدك تتخلص منها
