التهاب الملتحمة من الالتهابات اللي بتصيب العين وبيحصل بسبب عدوى فيروسية أو بكتيرية، ممكن ينتج عنها ضيق وشعور بعدم الارتياح لكنها مش بتأثر على حدة البصر في أغلب الحالات.
تعريف التهاب الملتحمة
- هو عبارة عن التهاب أو عدوى في الغشاء الشفاف أو الملتحمة وهو الغشاء المبطن للعين وتحديدًا للسطح الداخلي للجفن
- بيعتبر غشاء لتغطية بياض العين ووقت التهاب الأوعية الدموية في الغشاء (الملتحمة) بيزيد وضوحها وبالتالي بيتحول بياض العين للأحمر
- أحيانًا بتبقى حالة معدية وبالتالي ضروري تتعامل بحذر مع المحيطين لو شكّيت في إصابتك بيها
- الأدوية بتخفف الضيق الناتج عن الالتهاب واعرف إنه نادرًا لما بيأثر على حدة البصر ومش بيتسبب في ضعفه
الأعراض
- الإحساس بعدم ارتياح في عين واحدة أو في الاتنين
- بيزيد احمرار العين بسرعة وبتحس بوجود رمل بداخلها
- بتزيد إفرازات العين خلال النوم وبتكوّن طبقة قشرة بتصعّب فتح العين وقت الاستيقاظ
- الرغبة في حكة العين باستمرار
الأسباب
- وجود فيروس داخل العين وأحيانًا بيظهر بوضوح خلال وجود إفرازات شفافة من العين (لزجة أكتر من الدموع)
- أحيانًا بتظهر العدوى الفيروسية بعد الإصابة بعدوى تنفسية
- فيروس الهربس أو النطاقي الحماقي وفيروسات تانية كتير ممكن تبقى المصدر الرئيسي لالتهاب الملتحمة
- التلامس المباشر أو غير المباشر مع السوائل القادمة من عين الشخص المصاب
- ارتداء العدسات اللاصقة مع تنضيفها بشكل غير صحيح
- أحيانًا بيحصل بسبب الحساسية من مواد معينة وبالتحديد حبوب اللقاح وبتتسمى التهاب الملتحمة التحسسي
- بتزيد إفراز المواد المسببة للالتهابات في الجسم زي الهيستامين وظهور أعراض الحساسية المختلفة زي الحكة
- دخول بعض المواد الكيميائية للجسم وتحديدًا العين أحيانًا بيزوّد فرص الالتهاب
المضاعفات
- إهمال العلاج مع بداية ظهور الأعراض ممكن ينتج عنه الإصابة بالتهابات شديدة في القرنية ممكن تأثر على البصر
علاج التهاب الملتحمة
- كمادات العين بتساعد في تقليل الالتهاب سواء باردة أو دافية
- لو عين واحدة بس اللي مصابة خليك حريص في استخدام قطعة القماش وبلاش تخليها تلمس العين التانية
- قطرات Artificial Tears دورها أساسي في العلاج بس ضروري تستشير طبيب قبل استخدامها
- الأدوية المضادة للهيستامين سواء في هيئة قطرات أو مراهم للعين هتساعد في تقليل الالتهاب
- بلاش تلبس عدسات لاصقة نهائيًا لحد ما تخف تمامًا من الالتهاب
الوقاية
- استخدم الفوطة الخاصة بيك لتجفيف الجسم والوجه وبلاش تستخدم فوطة شخص تاني
- غير كيس المخدة كل يومين عشان تمنع تراكم أي بكتيريا عليه خصوصًا مع عرق الصيف
- اغسل إيدك باستمرار وبلاش تلمس عينك بإيدك مباشرة
- بلاش تتشاركي مستحضرات التجميل خصوصًا الماسكارا مع حد تاني واختاري مستحضرات تجميل جودتها عالية
