المحتويات
Excel هو أشهر برنامج جداول البيانات وأداة قوية لتصور البيانات وتحليلها، وبيتيح لك فرصة استخدام الصيغ الحديثة لعمل العمليات الحسابية، وفيه مخططات ورسوم بيانية هتساعدك على تقديم البيانات بشكل منظم.
خطوات إنشاء كتاب عمل (Workbook) جديد
- (Workbook) هو اسم مستند أو فايل جديد على Excel
- دوس على قائمة ملف (File)
- اختار خيار جديد (New)
- دوس على اختيار كتاب عمل فارغ (New Workbook)
خطوات فتح كتاب عمل موجود
- دوس على ملف (File)
- اختار فتح (Open)
- دوس على كمبيوتر (Computer) وبعدين التصفح (Browsing)
- دوس على الفايل اللي حفظت فيه كتاب العمل وافتحه
خطوات عمل جدول على Excel
- افتح ورقة العمل (Spreadsheet) اللي عايز تعمل الجدول فيها
- حدد (Select) الخلايا (Cells) اللي عايز تضمنها في الجدول
- دوس على إدخال (Insert)
- اختار جدول (Table) عشان يظهر صندوق إنشاء الجدول على Excel
- حدد مربع الاختيار (My table has headers) لإضافة أي علامات فوقية فيها معلومات خاصة بكل عمود
- دوس على (Ok)
إدخال البيانات في الجدول
- دوس على الخلية (Cell) اللي عايز تكتب البيانات فيها
- وبعدين اكتب النص أو الرقم في الخلية اللي حددتها
- دوس على (Enter) لإدخال البيانات ودوس على (Tab) للانتقال للخلية اللي بعدها
خطوات إضافة حدود للخلايا (Cells)
- حدد الخلايا (Cells) اللي عايز تضيف لها حدود
- دوس على (Home) وبعدين (Fonts) ودوس على رمز السهم الظاهر جنب رمز الحدود
- اختار نوع الحدود اللي عايزها من القائمة المنسدلة اللي فيها أكتر من نوع
خطوات الجمع التلقائي لجمع البيانات
Excel بيتيح خاصية اسمها الجمع التلقائي (Auto Sum) لإيجاد مجموع الأرقام الموجودة في خلايا معينة وإدراج النتيجة في خلية (Cell) تانية وده من خلال:
- حدد الخلية أسفل الخلايا اللي عايز تجمع الأرقام اللي فيها
- دوس على (Home) أعلى الشاشة وبعدين (Editing)
- اختار الجمع التلقائي (Auto Sum) عشان النتيجة تظهر في الخلية اللي حددتها
خطوات إنشاء معادلة في Excel
ممكن تستخدمه عشان تعمل معادلات رياضية لتطبيقها على بيانات موجودة في خلايا معينة، وإيجاد نتيجة المعادلة وكتابتها في خلية تانية وده من خلال:
- حدد (Select) الخلية اللي عايز نتيجة المعادلة الرياضية تكون فيها
- ابدأ بكتابة إشارة التساوي (=) عشان المعادلة الرياضية لازم تبدأ بيها
- اكتب نص المعادلة الرياضية فمثلا لو عايز تقسم الرقم الموجود في خلية (A1) على الرقم الموجود في خلية (A3).. اكتب المعادلة (A2/A3=)دوس (Enter) عشان النتيجة تظهر في الخلية اللي حددتها
استخدام الاقترانات (Functions) في Excel
هي معادلات رياضية موجودة بشكل مسبق على Excel وتقدر تستخدمها من خلال:
- حدد الخلية اللي عايز نتيجة الاقتران تظهر فيها
- دوس على (Home) وبعدين على السهم الظاهر جنب رمز الجمع التلقائي
- اختار مزيد من الاقترانات (More Functions)
- حدد الاقتران (Function) اللي عايز تستخدمه من القائمة اللي هتظهرلك ودوس (Ok)
- حدد مجموعة الخلايا اللي عايز تطبق الاقتران على محتوياتها من خلال اختيار (Range)
- دوس (Ok)
خطوات حفظ كتاب العمل (Workbook)
- دوس على اختيار ملف (File)
- اختار حفظ كـ (Save As)
- حدد المكان اللي عايز تحفظ الملف فيه واكتب اسم الملف وبعدين دوس (Save)
