أخطاء المكياج المختلفة وطرق تصليحها بخطوات بسيطة

المكياج من العادات اليومية للسيدات، وبيحتاج خطوات متعددة وأدوات مختلفة حسب نوعه ودرجة التغطية اللي عايزاها، وعمل خطأ أثناء وضعه شيء محتمل لكن تصليحه سهل وبخطوات بسيطة.

أخطاء المكياج وطرق تصليحها

كلكعة الفاونديشن

• حطي كمية بسيطة من كريم مرطب خفيف ووزعيه بأطراف أصابعك في حركات دائرية
• استخدمي (Sponge) مبللة عشان تشيلي أي زيادات للفاونديشن بعدها
• أو ممكن تستخدمي منديل عشان تعملي (Blotting) على الأماكن اللي فيها فاونديشن زيادة

في حالة وضع بودرة (Powder) زيادة

رشي الـ(Setting Spray) على الفرشة وامشي بيها على الأماكن اللي فيها كمية زايدة

لو الحواجب شكلها تقيل مع المكياج

• سرحيها للأعلى وبعدين للأسفل باستخدام فرشة الحواجب
• أو ممكن تستخدمي فرشة (Spooly)
•  ممكن تحطي مزيل الميكاب على الـ(Sponge) وتمشي بيها على حواجبك

خروج الروج خارج إطار الشفايف

• استخدمي عود قطن أو (Sponge) مبللة عشان تمسحي الروج الزيادة
• باستخدام فرشة رفيعة أو عود قطن.. وزعي كونسيلر على نفس الأماكن عشان تشيلي أي بقايا ليه

لو الماسكارا اتلخبطت

• استخدمي عود قطن فيه مزيل ميكاب على الأماكن اللي فيها ماسكارا وامشي عليها بالراحة لحد ما تتمسح تماما
• أو اغمسي فرشة الآي شادو في الـ(Translucent Podwer) وامشي بيه على المكان عشان تشيلي أي بقايا

لو تشققات الشفايف ظاهرة بعد الروج

• حطي عليها مرطب شفايف فوق الروج باستخدام الطبطبة بأصابعك

لو استخدمتي فاونديشن أغمق من درجة بشرتك بالغلط

• امزجيه مع درجة فاونديشن أفتح منه
• أو حطي كريم مرطب على وجهك ووزعيه مع الفاونديشن ببيوتي بلندر مبللة

في حالة وضع (Blush) زيادة

• حطي كمية بسيطة من الفاونديشن عليه وامزجيه كويس
• أو ممكن تستخدمي الـ(Loose Powder)

لو ظبطي الآيلاينر في عين والتانية لأ

• اغمسي عود قطني مدبب في مزيل مكياج مش بيسيب أثر
• امسحي الجزء الخارجي منه عشان تظبطيه

لو حطيتي كمية كبيرة من البرونزر مع المكياج

• استخدمي فرشة (Fluffy) في (Translucent Powder) وامشي بيها على المكان
• أو امشي على المكان بـ(Sponge) مبللة عشان تشيلي أي بقايا

 في حالة استخدام مكياج فيه جليتر وساب أثر في مكان غلط

حطي عليه كمية بسيطة من كريم الوجه أو العين واضغطي عليه بـ(Sponge) مبللة