البطيخ من أشهر الفاكهة الصيفية بتساعدنا على مواجهة حرارة الجو، لأنه بيحتوي على سوايل تعوض الجسم عن اللي بيفقده وبتساعد في ترطيبه، وكمان غني بعناصر غذائية زي مضادات الأكسدة اللي بتقوي المناعة وألياف قابلة للذوبان بتساعد في تحسين عملية الهضم، ويعتبر وجبة خفيفة مثالية لخسارة الوزن ولها فوايد كتيرة للقلب والبشرة والكبد، وبنقدم لك طرق مختلفة ولذيذة.
جرانيتا
- اخلط قطع بطيخ من غير بذر مع سيرب نعناع ومياه غازية
- وزع الخليط في كوبايات ودخلها الفريرز لمدة ساعتين
جيلي البطيخ
- اعصر كمية من غير بذر وصفيها
- دوب نص كوباية جيلاتين في كوباية مياه على النار
- ضيف العصير وقلب على النار لحد ما يبقى مزيج متجانس
- وزع الكمية على بولات وحطها في التلاجة
سلطة بالبطيخ
- قطع البطيخ لمكعبات
- امزج كمية مناسبة مع طماطم وبصل أحمر وأفوكادو
- ضيف عليهم ورق نعناع ومكعبات جبنة بيضاء (فيتا)
موس
- اعصر كوبايتين قطع بطيخ من غير بذر
- امزج العصير مع كوباية كريمة خفق ونص كوباية سكر
- اضربها كويس بالمضرب الكهربائي
- وزع الكمية على بولات صغيرة وحطها في التلاجة
