مكاتب خشب شكلها مميز وفي نفس الوقت عملية وسهل نقلها من مكان للتاني وتتحمل أغراض متعددة بأوزان مختلفة بتعتبر هي الاختيار المثالي لو محتاج مكتب خشب تذاكر أو تشتغل عليه لساعات طويلة كل يوم سواء في بيتك أو في مكتبك، عشان كده هنقولك نصائح قبل اختيار المكتب الخشب وطريقة تصميم مكتب كامل في أصغر المساحات الممكنة داخل بيتك أو مكتبك.
نصائح قبل اختيار مكتب خشب
- اختار مكتب غامق خصوصًا لو هتقعد عليه كل يوم عشان تسهل على نفسك مهمة التنضيف لأن المكاتب الفاتحة بتحتاج تنضيف مستمر بالمياه ممكن يضر الخشب مع الوقت
- المكتب الخفيف هيسهل عليك تحريكه من غرفة للتانية أو حتى في زاوية مختلفة داخل الغرفة عشان تقلل إحساسك بالملل من ثبات مكانه
- حدد لون الخشب حسب الديكور وطبيعة عملك
- ارفع مقاسات المكان الأساسي للمكتب عشان تعرف مقاس المكتب المناسب ليك
- اتأكد إن تحت المكتب فيه فراغ تقدر تحرّك فيه كرسي المكتب بانسيابية وبقى مرتاح أثناء الجلوس عليه لفترة طويلة
أفكار لعمل مكتب في المساحات الصغيرة
- ممكن تستغل المساحة اللي تحت الشباك وتعمل مكتب لاصق في الحيطة عشان توفر في المساحة
- لو في حيطة عرضها صغير.. اختار مكتب خشب بنفس العرض لأنه هيعمل طابع أنيق وحديث
- استغل المساحة اللي بين حيطتين واعمل مكتب مسطح بينهم وعلق لوح خشب على الحيطة في الضهر عشان ورق الملاحظات
- المكاتب الشفافة بتاخد مساحة قليلة ومناسبة لكل الأعمار
- المكتب الخشب على شكل رف مناسب للزوايا أو تحت الشباك وممكن تستغله في الديكور
- ممكن تستغل سطح الدرج الطاير كمكتب خاصة إن مساحته صغيرة
- في أنواع مكاتب لاصقة في الحيطة وقابلة للغلق والفرد عند الحاجة
- ممكن تستغل آخر رف في مجموعة الأرفف في الغرفة وتجيب كرسي مناسب لارتفاعه
- ممكن تستغل ترابيزة صغيرة في غرفة الجلوس كمكتب وتعلق فوقها لوحة بسيطة عشان تكون متعددة الاستخدامات
- المكتب اللي ضهره متحرك تقدر تستغله كترابيزة أو الرف الأخير في الدولاب الجرار بس اتأكد إن ارتفاعه مناسب ليك
- ممكن تعمل رف خشب لاصق في الحيطة وقابل للفرد عشان تستخدمه وقت الحاجةأو تعمله بشكل أعرض وأطول لو غرفة النوم بس مهم لونه يتناسب مع لونها ولو المكتب حجمه يسمح استغل الجانبين في عمل أدراج
أشكال مكاتب خشب مختلفة
