المحتويات
معجون اسنان بيحمي من التسوس وبيحافظ على مينا الأسنان هو أساس اختيار أي معجون أسنان مهما كانت علامته التجارية، بس اعرف إن الفلورايد هو المعدن الطبيعي الموجود في كل معاجين الأسنان وبالتالي ابحث عن نسبة تركيزه في أي معجون بتشتريه مهما كانت الفوائد الطبية المعروفة للعلامة التجارية.
مكونات معجون الأسنان
- المكثفات وهي المركبات اللي بتدمج كل المكونات مع بعضها وبتزوّد فرص تماسكها
- الجليسرول والمواد الحافظة للرطوبة هي مواد وظيفتها الأساسية منع جفاف المعجون داخل العبوة
- المحليات الصناعية زي السكرين وبعض المواد المانحة لطعم معجون الأسنان (في شكل نعناع أو قرفة وغيرها من النكهات)
- الكالسيوم والكربون والسيليكون وغيرها من المواد اللي بتشيل طبقة الجراثيم من الأسنان
- مكونات الرغبة زي كبريتات الصوديوم الموجود في الصابون السائل والشامبو ولكن بنسب قليلة لإنتاج الرغوة المتراكمة في الفم وقت فرك الأسنان
- الفلورايد وهو معدن طبيعي بيساعد على منع التسوس وبيقاوم المادة الحامضية اللي بتسيبها البكتيريا القادمة من الأطعمة المتراكمة في الأسنان
- بيعتبر الفلورايد هو المادة الأساسية في تركيب معجون الأسنان وبالتالي ضروري تتأكد من تركيزه في المعجون قبل الشراء
كيفية اختيار معجون اسنان مناسب
- اعرف الأول حالة فمك واستشير دكتور عن وضع الأسنان واللثة وضروري تستشير طبيب متخصص بتثق فيه لأن نسبة بسيطة من الأطباء بيقترحوا أسماء علامات تجارية متعاقدين معاهم بهدف تحقيق الربح
- افتكر إن بعض الأشخاص بيعانوا من حساسية الأسنان والمعجون اللي بيحتوي على مركبات محددة زي نترات البوتاسيوم بيغلق أجزاء من السن وبيوقف إشارات الألم
- تجنب أي أنواع بتحتوي على أي نكهات بتسبب التسوس زي السكر
- الدراسات قالت إن المعجون اللي فيه مادة كبريتات الصوديوم (SLS) بنسبة كبيرة بيزود خطر الإصابة بقرح الفم وبالتالي تجنب استخدامه قدر المستطاع
- بتتوافر بعض الأنواع مصنوعة من مكونات طبيعية زي بيكربونات الصوديوم أو الفحم كمواد بديلة للفلورايد وكبريتات لوريل الصوديوم للتخلص من الجير وزيوت الصبار والقرفة للتخلص من البكتيريا
فوائد معجون الأسنان
- معجون الأسنان بالفلورايد بيساعد على حماية الأسنان ووقايتها من التسوس وتقوية مينا الأسنان
- جمعية طب الأسنان الأمريكية بتقول إن الأطفال أقل من 3 سنوات ممكن يستخدموا معجون أسنان الفلورايد ولكن نقطة بحجم حبة الأرز
- أما من سن 3 سنوات لـ 6 سنوات بيستخدم الطفل المعجون ولكن بكمية أكبر (حجم حبة البازلاء)
- بيقلل حساسية الأسنان نتيجة شرب سوائل باردة أو ساخنة
- بيساعد على تبييض الأسنان ومكافحة الأصباغ بسبب مادة بيكربونات الصوديوم وبيزوّد الإحساس بالانتعاش
- بيحتوي على مواد زي البوتاسيوم والنيتروجين وكلوريد السترونتيوم وهي بتساعد على سد الشقوق الصغيرة في الأسنان وبتمنع تغيرات درجة الحرارة من الوصول للأعصاب والإحساس بالألم
كيفية عمل معجون أسنان في البيت
النعناع
المكونات:
- معلقة كبيرة بيكربونات الصوديوم
- معلقتين كبار زيت جوز هند
- معلقة صغيرة ملح
- 3 نقط زيت نعناع
الطريقة:
- دوب زيت جوز الهند في الميكروويف أو على حمام مائي
- ضيف بيكربونات الصوديوم والملح والنعناع وقلب كويس عشان تتجانس المكونات
- احفظ المعجون في برطمان محكم الغلق واحفظه في مكان بارد وجاف
الفحم
المكونات:
- معلقة كبيرة أقراص فحم مطحونة
- معلقتين كبار بيكربونات الصوديوم
- معلقتين كبار زيت جوز هند
- 5 قطرات زيت قرفة
الطريقة:
- دوب زيت جوز الهند في الميكروويف أو على حمام مائي
- ضيف الفحم وبيكربونات الصوديوم وزيت القرفة وقلب كويس
- احفظ المعجون في برطمان محكم الغلق واحفظه في مكان بارد وجاف
قشر البرتقال
المكونات:
- معلقة كبيرة من ملح وبيكربونات الصوديوم وقشر برتقال ناشف ومطحون
- معلقتين كبار نبات مرمية جاف
- معلقة صغيرة زيت نعناع
- معلقتين كبار مياه
الطريقة:
- اخلط كل المكونات لحد ما تبقى في شكل عجينة لينة
- احفظ المعجون في برطمان محكم الغلق واحفظه في مكان بارد وجاف
