كرسي مكتب مريح وتقدر تقضي عليه وقت طويل من الخطوات الأساسية اللي تقدر بيها تستمتع بوقتك في الشغل أو المذاكرة، خصوصًا لو الكرسي جيد الصنع ومشاكله قليلة وممكن يسبب راحة نفسية تساعدك على أداء شغلك أو مذاكرتك على أكمل وجه.
طريقة اختيار كرسي مكتب مناسب
- قابل لتغيير ارتفاعه عشان لازم الفخدين يكونوا موازيين للأرض وقدمك مرتاح وثابت عليها
- واختار نوع فيه مسند ضهر قابل للتعديل في الاتجاه والارتفاع وفيه قفل لتثبيته عشان تختار الوضع المناسب
- عرض المسند المناسب بين 30 سم لـ 48 سم عشان تبقى حاسس بدعمه لراسك كويس ومحافظ على استقامتها
- لازم يكون فيه دعم جيد لشكل العمود الفقري واختار شكل فيه انحناء بسيط أسفل الضهر لمنعه من الانحناء والميل
- اختار القاعدة الواسعة العميقة لو طويل والأقل وسعا وعمقا لو قصير عشان ضهرك يكون مسنود ولازم يكون في مسافة 5 سم لـ 8 سم بين ضهر الركبتين وقاعدة الكرسي
- اختار خامة القاعدة المريحة عشان تدعم جسمك وتجنب الأنواع الطرية أو الناشفة زيادة
- لازم يكون فيه مسندين للإيد لتجنب الشد العضلي للأكتاف والرقبة وتحافظ على استقامة جسمك
- ارتفاع الكرسي بين 30 سم لـ 53 سم مناسب لجميع الأطوال ولازم يكون بيلف في كل الاتجاهات لتجنب الشد العضلي
- اشتريه من مكان مضمون واقرأ تقييمات العملاء على نوع الكرسي قبل شرائه عشان تضمن عدم حدوث أي مشكلة فيه
إصلاح صوت صرير كرسي المكتب
- خلي حد يقعد على الكرسي ويتحرك بيه وانزل تحت عشان تعرف مصدر الصوت
- لو مش معاك حد حط حاجة تقيلة عليه وحركه وإنت بتشوف بعدها اقلب الكرسي واتأكد إن المسامير مربوطة كويس
- جهّز مفتاح ربط ومفك عشان تربط أي مسمار أو صامولة مفكوكة
- حط زيت التشحيم بكمية بسيطة على قطعة قطن وادعك المناطق اللي بيدخل فيها المسمار والصامولة للحصول على أفضل نتيجة
- ثبّت العجل الجرار اللي في رجل الكرسي لأنه ممكن يبقى مصدر الصوت
- اتأكد إن رجل الكرسي ثابتة واربط مساميرها بإحكام ورشها بالسليكون من جوه وسيبه شوية لحد ما ينشف قبل ما تقعد عليه
