البيت
نصائح اختيار النباتات للأماكن المختلفة وكيفية الجمع بين أكتر من نوع
إزاي تختار نبات مناسب للمكان؟
المحتويات
النباتات من الخطوات المهمة لتزيين أي مكان لأنها بتساعد على تحسين جودة الهواء وتنقيته من أي ملوثات، واختيار النبات المناسب للمكان هيساعدك تستفيد بمميزاته وتستمتع بخصائصه عن طريق العناية بيه.
النباتات المناسبة للمطبخ
- نبات العنكبوت: أوراقه بتجمع بين ألوان الأبيض والأخضر ومناسب تعلقه على الحيطة أو أعلى الرفوف
- الصبار: مناسب لأنه بيحتاج كمية بسيطة من المياه وأشعة الشمس
- نبات البوثوس: مناسب للأماكن قليلة وكثيرة الإضاءة في المطبخ وسريع التكيف
- اللبلاب: أوراقه عالية ومناسبة لتغطية أماكن زي المنور لكنه بيحتاج أشعة شمس عالية
- نبات دريقة عالية: بيحتاج اهتمام بسيط وإضاءة متوسطة ولونه مبهج
- السرخس بوسطن: بيحتاج إضاءة غير مباشرة ودرجة رطوبة عالية وبينقي الهواء من الملوثات فمكانه المناسب هو أمام الشباك
- نبات عقد اللؤلؤ: شكله مميز وبينمو في الأماكن الجافة.. مناسب لأعلى رفوف المطبخ
- نبات تيلاندسيا: لا يحتاج لتربة لأنه بيسحب المواد الغذائية من الشمس وبيحتاج للري بكميات بسيطة
- الياسمين: مناسب خاصة في فصل الشتاء لكنه هيحتاج عناية زيادة ومكان مشمس
- نبات اليشم: بيحتاج مكان دافي والتعرض للشمس 4 ساعات يوميا
- الثعبان: مظهره مختلف وبيحتاج ضوء قليل ودرجة حرارة عالية وبينقي الهواء من المواد السامة
النباتات المناسبة لغرفة النوم
- الصبار مفيد لأنه بينقي الهواء من الملوثات وبينتج الأكسجين ليلا
- نبات الثعبان بيمتص ثاني أكسيد الكربون بكميات كبيرة وبينتج الأكسجين
- الأوركيد ليه شكل مميز وبيمتص الملوثات اللي بتسببها دهانات الحائط في الهواء وبينتج الأكسجين
- الياسمين بيقلل التوتر والأرق وبيحسن جودة النوم وسهل الاعتناء بيه
- اللافندر رائحته بتهدي الأعصاب وبيساعد على الاسترخاء قبل النوم/ انخفاض معدل ضربات القلب/ مستويات التوتر
- زنبق السلام بيحتاج لضوء قليل والري القليل وبينضف الهواء من الملوثات
- نخل اليوكا بيحتاج مساحة كبيرة واهتمام قليل ومتوفر بأطوال مختلفة وبيساعد على الشعور بالتوازن
- الجاردينيا ليها رائحة مميزة وبيساعد على النوم الجيد
- نبات النيم بيبعد الحشرات عن المكان وبيخلص الهواء من الأتربة
- العنكبوت بينقي الهواء من السموم الضارة
- الزهور الباكية شكلها مختلف وكبيرة وبتساعد على التخلص من عناصر التلوث اللي بيسببها السجاد والهواء
- الريحان والنعناع مناسبين لبلكونة غرفة النوم لأن رائحتهم جيدة وبتساعدك على الاسترخاء وبيبعدوا الحشرات عن المكان
النباتات الطاردة للحشرات
- نبات السترونيلا (حشيشة الليمون) ليها رائحة قوية ومن أكتر النباتات طاردة للحشرات
- الريحان بيطرد الذباب بس لازم يتعرض للشمس من 6-8 ساعات يومية وتربته تكون رطبة
- النعناع ريحته بتبعد الذباب والبعوض وزراعته مناسبة أكتر لفصل الشتاء
- الروزماري مناسب لوضعه أمام الشباك لأن معظم الحشرات غير قادرة على تحمل رائحته
- اللافندر طارد للحشرات طبيعي وزراعته مناسبة لفصل الصيف لأنه بيحتاج جو حار وجاف
- زهرة البتونيا ليها تأثير طارد لمختلف أنواع الحشرات وسهلة في زراعتها والاعتناء بيها
- نبات المريمية رائحته قوية وقادرة على طرد الناموس
- شجر الكافور مناسب لو بيتك ليه حديقة لأن أوراقه فيه تركيبات طاردة للحشرات خاصة الناموس
النباتات الملونة
بتساعد على إضافة شكل جديد ومختلف للمكان وتقدر من تغيير مكانه تغيير شكل المكان
- الكوليس
- كالثيا
- البيجونيا
- بروميليا
- فيتونيا
- إبرة الراعي
- المارينتا
- البنفسج الإفريقي
- البونسيتا
- زنبق السلام
- الياسمين
- كلانشو
- زهرة الربيع
- عباد الشمس
- التوليب
- الفاوانيا
- جيبوسفيلا
النباتات اللي شكلها حلو
- الريحان: بيضيف الجمال لزوايا البلكونات والشبابيك وبيوفر الأكسجين بالليل
- نخيل إريكا: سعرها غالي لكن عمرها الافتراضي بيوصل لـ10 سنين وأوراقها شكلها مميز وبتحول ثاني أكسيد الكربون لأكسجين
- الصبار: الأحجام الصغيرة والملونة منه شكلها مختلف وبينقي الهواء من الملوثات
- العنكبوت: ممكن تعلقه أو تحطه على الأرض وأوراقه مميزة لأن فيها لونين الأخضر والأصفر
- الـ(Pathos): ممكن تعلقها أو تحطها في أوعية الزرع وبيساعد على تنقية الهواء من الملوثات المتطايرة
- زنبق السلام: سيقانها طويلة وتتفتح مرتين في السنة وموجودة بأحجام مختلفة مناسبة للأرض أو الترابيزة
- اللبلاب الإنجليزي: مناسب لزوايا الغرف الكبيرة وأوراقه لامعة وفيها أكتر من لون
- الإسبدسترا: أوراقه قوية ومناسب لزوايا الغرف
- نبات الأفعى: أوراقه طويلة وفيها لونين ومظهره قوي فبيحتاج لمساحة واسعة وفاضية
- البروميلاد: حجمه صغير ومناسب للأشخاص المشغولة لأنه بيحتاج اهتمام قليل
- كلنكوة: مناسب لإضافة الحيوية للمطبخ بسبب لونه البرتقالي وبيتحمل الرطوبة المنخفضة
- التين الباكي: مناسب لتزيين الشبابيك في الصالة لأنه بيحتاج أشعة الشمس غير المباشرة
- اليشم: مناسب للأشخاص اللي بيحبوا الحاجات المختلفة لأن أوراقه مايلة لشكل البلاستيك وبيحتاج رعاية قليلة
نصائح الجمع بين أكتر من نبات
- رتبهم في عدد فردي وغير زوجي لأنها بتفرق في شكلهم.. عدد 3 نباتات في كل مجموعة هو الأمثل في الديكور
- خليهم دايما في أماكن بتقعد فيها كتير حوالين الأثاث زي غرفة الأكل أو المعيشة
- اختار أحجام/ أطوال/ أحجام ورق مختلفة عشان تقدر تعمل بيهم أشكال ديكور مختلفة فمثلا ممكن ترتبهم من الأصغر للأكبر أو تخلي الأكبر في نصف المجموعة
- اجمع بين أشكال وملمس ورق مختلف.. ممكن تخلط بين الأوراق الناعمة والنصف خشنة واللي ورقه معرج
- امزج بين درجات ألوان مختلفة في نفس المجموعة لأن ده هيبرز الجزء ده من المكان
- ممكن تجمع بينهم على أساس احتياج المياه والشمس.. فمثلا النباتات اللي محتاجة كمية أكبر من الضوء تكون جنب بعض عند الشباك
- لو على الأرض.. اختار نباتين لونهم متشابه لكن أوراقهم مختلفة وخلي اللي في النص يكون شكله مختلف
- اختار نباتات ورقها بينمو في اتجاهات أو أشكال مختلفة ورتبهم بالشكل الأنسب للمكان والمساحة
- اهتم باختيار أوعية النباتات على أساس معين.. ممكن تكون ألوانها موحدة أو مختلفة لكن متناسقة مع بعضها ومع الأثاث
- أوعية النباتات ليها خامات كتير زي الفخار/ البلاستيك السادة/ البلاستيك المعرج/ الفخار اللي فيها أشكال
