موتيليوم: دواعي استعماله وأعراضه الجانبية والجرعة المناسبة

موتيليوم هو دواء مضاد للغثيان ومن أكتر الأدوية المستخدمة لعلاج القيء وبطء حركة المعدة، هنقدملك أهم المعلومات عن فوايده وأضراره والجرعة المناسبة منه.

ما هو موتيليوم؟

هو مكون من مادة الدومبيريدون اللي بتمنع المادة الكيميائية في الدماغ المسببة للغثيان والقيء وبتساعد على تنظيم حركة المعدة وتحريك الأكل بسرعة في الجهاز الهضمي

الشكل الدوائي

• أقراص: 10 مجم من المادة الفعالة دومبيريدون لكل قرص
• أقراص قابلة للذوبان في الفم: 10 مجم من مادة الدومبيريدون لكل قرص
• شراب: كل 1 ملليلتر من الدواء فيه 1 مجم من المادة الفعالة
• لبوس: موجود بتركيز (60-30-10) مجم

دواعي استعمال موتيليوم

• لتخفيف أعراض الغثيان والقيء المصاحبة لالتهاب القولون
• علاج بطء حركة الطعام في الجهاز الهضمي المصاحب لداء السكري والتهاب المعدة
• بيقلل آثار مشاكل المعدة اللي بيسببها تناول الأدوية بانتظام
• بيساعد في حركة المعدة وبالتالي بيقلل أعراض الانتفاخ والتجشؤ والشعور بالامتلاء وتقليل الغازات
• بيحسن الهضم السريع وتفريغ المعدة بانتظام

الجرعة وطريقة التناول ومدة العلاج

الجرعة

الدكتور بيحدد الجرعة المناسبة حسب الحالة ولكن الجرعة العادية هي:

• جرعة الأقراص: قرص واحد (10 مجم) بحد أقصى 3 مرات يوميا 
• الأقراص القابلة للذوبان في الفم: قرص واحد (10 مجم) يوميا بحد أقصى 3 مرات يوميا
• شراب للأطفال أكبر من 12 سنة: 10 مجم (ما يعادل 2 معلقة صغيرة) يوميا 3 مرات يوميا
• للأطفال أقل من 12 سنة: من 0.2 لـ0.4 مللي لكل واحد كجم من وزن الطفل 3 مرات يوميا

طريقة التناول

• أفضل وقت ليه هو قبل الأكل لأن تناوله بعد الأكل هيبطأ امتصاصه
• تجنب تناول أكتر من 3 أقراص يوميا
• لا تمضغ القرص
• تناوله مع كمية كافية من المياه أو أي سايل تاني

مدة العلاج

تختفي الأعراض عادة بعد 3-4 أيام ولا تستخدمه لمدة أكتر من 7 أيام

الأعراض الجانبية

تنقسم لمجوعتين حسب نوعها وهم:

الأعراض الشائعة

• جفاف الفم 
• الدوخة والنعاس
• الشعور بالقلق
• الضعف العام
• الإسهال

الأعراض غير الشائعة

• حركة لا إرادية في الوجه أو الذراعين أو الساقين
• رعشة الإيد
• تشنجات عضلية
• العصبية
• قلة الرغبة الجنسية
• الطفح الجلدي والحكة
• الشرى
• ألم أو حساسية الثدي
• إفراز اللبن من الثدي
• الاكتئاب
• صعوبات في الرضاعة الطبيعية
• اضطراب أو تورم الثديين
• عدم انتظام الدورة الشهرية

موتيليوم والحمل والإرضاع

• لا توجد دراسات كافية عن إذا كان استخدامه ضار ولا آمن أثناء الحمل فمهم تستشيري الدكتور
• الموتيليوم بيكون موجود في حليب الثدي بكميات صغيرة وممن يسبب آثار ضارة على قلب الرضيع وبالتالي تجنبي تناوله أثناء الرضاعة الطبيعية إلا بعد استشارة دكتور

موانع استخدام موتيليوم

1. لو عندك حساسية تجاه أي مكون من مكونات الدواء
2. في حالة المعاناة من نزيف المعدة وألم البطن المستمر ولون البراز الداكن
3. الإصابة بانسداد الأمعاء أو ثقب فيها
4. في حالة المعاناة من اضطراب في الأيض تجنب تناول الأقراص القابلة للذوبان في الفم لأن فيها مادة الأسبارتم
5. وجود مرض متوسط أو خطير في الكبد
6. لو بتعاني من مشكلة في القلب اسمها (إطالة فترة QT المصححة)
7. وجود مشكلة في القلب بتسبب عدم قدرته على ضخ الدم بكمية كافية لباقي أجزاء الجسم
8. الإصابة بمشكلة بتسبب انخفاض مستوى البوتاسيوم والمغنيسيوم أو ارتفاع مستوى البوتاسيوم في الدم
9. لو منتظم على أدوية لعلاج:

• العدوى الفطرية
• العدوى البكتيرية 
• مشكلات القلب وارتفاع ضغط الدم
• اضطرابات الجهاز الهضمي 
• الحساسية
• الهوس
• الاكتئاب
• فيروس نقص المناعة البشرية (الإيدز)
• الملاريا
• التهاب الكبد الوبائي C
• السرطان
• مرض باركنسون
• أدوية تانية زي ديفيمانيل أو ميثادون أو بيبريديل

تحذيرات

لازم تستشير الدكتور في حالة المعاناة من:

• مشاكل في الكبد
• مشاكل في الكلى
• لو مصاب بعدم تحمل السكريات لأن الأقراص مغلفة بطبقة رقيقة من اللاكتوز (نوع من أنواع السكر)
• لو حسيت باضطراب في نبضات القلب أو فقد الوعي أو ضيق التنفس بعد تناوله

التفاعلات مع أدوية تانية

تجنب تناوله لو منتظم على أدوية لعلاج:

• العدوى الفطرية
• العدوى البكتيرية 
• مشكلات القلب وارتفاع ضغط الدم
• اضطرابات الجهاز الهضمي 
• الحساسية
• الهوس
• الاكتئاب
• فيروس نقص المناعة البشرية (الإيدز)
• الملاريا
• التهاب الكبد الوبائي C
• السرطان
• مرض باركنسون
• أدوية تانية زي ديفيمانيل أو ميثادون أو بيبريديل

بدايل موتيليوم

• موتينورم
• دومبي
• دومبيدون
• جاستروموتيل

سعر الدواء

42 جنيه (العلبة مكونة من 4 شرايط وكل شريط فيه 10 أقراص)