(كيفية التخلص من الاعلانات المزعجة على جوجل كروم) سؤال بيشغل بال أغلب المستخدمين اللي بيتعرضوا لظهور إعلانات طول الوقت، وممكن تحجب محتوي بيتفرّجوا عليه أو أثناء شغلهم على متصفح جوجل كروم، بالتالي ضروري تعرف طريقة التخلص منها سواء على الكومبيوتر أو الموبايل سواء كان نظام تشغيل آبل أو أندرويد.
الكومبيوتر
- افتح متصفح كروم على الكومبيوتر وفي أعلى يسار أو يمين الشاشة حسب اللغة اللي بتكتب بيها هتلاقي 3 نقاط فوق بعض
- ادخل على الإعدادات/ Settings ومنها اختار الخصوصية والأمان/ Privacy and Security واختار إعدادات الموقع/ Site Setting
- افتح النوافذ المنبثقة وإعادة التوجيه/ Pop-ups and redirects واختار منح الإذن/ Allow أو الحظر/ Blocked عشان تلغي ظهور أي إعلانات أثناء استخدام لجوجل كروم
الآيفون
- افتح تطبيق كروم واختار المزيد/ More واختار منها الإعدادات/ Settings
- اختار إعدادات المحتوى/ Content Settings واختار حظر النوافذ المنبثقة/ Block Pop-Ups
- ولو إنت في صفحة فيها صفحة منبثقة/ Pop-Up اقفل علامة التبويب وفعّل وضع الطيران/ Airplan Mode
الأندرويد
- افتح تطبيق جوجل كروم وافتح الـ 3 نقاط تحت بعض واضغط على الإعدادات/ Settings
- اختار الأذونات/ Permissions وادخل على النوافذ المنبثقة وعمليات إعادة التوجيه/ Pop-Ups and Redirects واختار من عندها وقف عشان توقّف نشاطها
إنشاء بروفايل على جوجل كروم
- لو عرفت إجابة سؤال كيفية التخلص من الإعلانات المزعجة على جوجل كروم لكن أكتر مش شخص بيستخدموا جهازك اعرف إنك لازم تعمل بروفايل لنفسك على جوجل كروم
- هيساعدك تغيّر في الإعدادات الخاصة بيك بدون إحداث أي خلل للآخرين وإعداداتهم
- أو لو بتعمل أكتر من نشاط/ عمل مكتبي منفصل عن عمل البيت
- تقدر من خلاله تعمل (Save) لتاريخ التصفح/ (Google Chrome Extensions)/ الـ(Bookmarks) أو تختار (Theme)/ لون/ اسم مختلف لكل (Profile) وتدوس عليه لما تفتح جوجل كروم
- افتح جوجل كروم ودوس على أيقونة اسم المستخدم أعلى يمين الشاشة واختار (Manage People)
- دوس على (Add Person) واختار اسم وأيقونة معينة للـ(Profile) ودوس (Add)
- ادخل حسابك على جوجل عشان تربط الـ(Profile) بيه ولو عايز تتنقل بين (Profile) والتاني دوس أيقونة المستخدم أعلى الشاشة واختار اسم الـ(Profile) من القائمة اللي هتظهرلك
