المحتويات
“كيفية ازالة البقع عن الملابس؟” سؤال بيشغل بال ناس كتير خصوصًا بعد محاولتهم غسل ملابسهم اللي عليها بقع بطرق مختلفة بس النتيجة مش مرضية بالنسبة لهم، لكن الخبراء بيأكدوا إن أنواع البقع المختلفة ممكن إزالتها بطرق مناسبة لطبيعة كل بقعة خصوصًا إن المواد تركيبها بيختلف سواء كانت مشروبات أو حتى مواد كيميائية، وبالتالي تأثيرها على النسيج بيختلف عشان كده مهم تعرف الطرق المختلفة لإزالة البقع.
بقع الحبر
- رش إسبراي شعر عليها وسيبيها تنشف
- حط عليها خليط عصير ليمون مع مسحوق غسيل سائل ساعتين واغسلها
- حط عليها معجون أسنان وسيبه فترة من ساعة لاتنين عشان ينشف
- اخلط خل مع 3 معالق نشا لحد ما يعمل عجينة وخليها على مكان البقعة لحد ما تنشف
- املا البقعة لبن وافركها وسيبها ليلة كاملة واغسلها بالطريقة المعتادة بعد كل خطوة
بقع العرق
- انقعها في خليط كوباية خل مع كوباية مياه نص ساعة
- املا وعاء كبير فيه مياه باردة مع حبوب أسبرين وسيبها ساعتين
- حط عليها صودا الخبز مع مياه وافركها بفرشة أسنان وسيبها عشان تنشف في جو جاف
- بلاش تستخدم الكلور على بقع العرق في الهدوم البيضا واغسلها بالطريقة المعتادة بعد كل خطوة
الكحل
- افركها بحتة قماش عليها مياه وزيت أطفال واغسلها بمياه دافية وصابون
- رش عليها اسبراي شعر وحط عليها منديل وبعدها اغسلها بالطريقة المعتادة بعد كل خطوة
بقع الدم
- اغسلها بمياه باردة لأن المياه السخنة هتثبتها
- ادعكها بصابون أو معجون أسنان واغسلها بمياه باردة
- رش عليها مثبت شعر وسيبيه دقيقة وامسحه بعدها بقماشة مبلولة
- انقعها في خليط مياه وملح 10 دقايق وبعدها مرر عليها مياه من الحنفية واغسلها بالطريقة المعتادة بعد كل خطوة
الحنة
- حط عليها خليط نص معلقة صغيرة صودا خبز مع مياه لحد ما تنشف
- ضيف على البقعة لبن دافي وسيبيها نص ساعة واغسلها بالطريقة المعتادة بعد كل خطوة
الزيت
- افركها بشامبو أو معجون أسنان ومرر عليها المياه بعدها من الحنفية
- غطيها بصودا الخبز وافركها بفرشة وسيبها في هواء جاف لحد ما تنشف
- انقعها في خل 10 دقايق وبعدها اغسلها وسيبها تنشف
- بلاش تعرضها لحرارة لأنها بتثبتها واغسلها بالطريقة المعتادة بعد كل خطوة
إزالة بقع مستحضرات التجميل
المكياج
- افركها بصابون سايل واغسلها بمياه باردة
- حط عليها كريم حلاقة مش ملون وسيبه على البقعة لمدة 5 دقايق وافركه كويس بعد ما ينشف وبعد كده اغسله بمياه سخنة
- حط مزيل مكياج مايكونش فيه زيت وسيبه لمدة 15 دقيقة وبعدها اغسله بمياه فاترة
المناكير
- الأحسن تشيله فورًا لأنه لو فضلت مدة طويلة هيصعب عليك إزالته
- امسحه بحتة قماش عليها زيت جوز هند
- حط عليه جل حلاقة دقيقتين وافرك البقعة بفرشة صغيرة
- رش مثبت شعر على فرشة أسنان وافركها بحركات دائرية واغسلها بالطريقة المعتادة بعد كل خطوة
البيرفيوم
قماش قطن أو صوف أو كتان أو نايلون أو بوليستر أوليكرا
- بلل قطنة أو سفنجة بمياه فاترة وطبطب على مكان البقعة بلطف
- استخدم الطريقة دي مع البقع الحديثة وتجنب فركها عشان تقدر القطنة تمتص البرفيوم
- لو بقعة صغيرة لكن من فترة استخدم مزيج من (معلقة صغيرة جلسرين ومعلقة كبيرة صابون مواعين و8 معالق صغيرة مياه)
- حط كمية مناسبة على البقعة وغطيها بمنديل ورقي وسيبها 10 دقايق
- استخدم قطنة مبللة بكحول على البقعة وغطيها بمناديل ورقية لمدة 10 دقايق
- انقع الهدوم في مياه وبيكربونات صوديوم لمدة 15 دقيقة واغسلها بالطريقة العادية
حرير أو ستان
- انقع البقعة في المياه لأنها هتمنع البرفيوم يستقر في نسيج القماش
- حط نقطة جلسرين على البقعة واغسلها كويس بمياه فاترة
- استخدم قطنة مبللة بالخل على مكان البقعة
جلد أو شمواه
- لو البقعة حديثة تجنب استخدام المياه لأنها هتزودها
- واستخدم منديل ورقي أو قطنة وحركها على البقعة لحد ما تمتصها
- رش كمية من دقيق الدرة على البقعة وسيبها لمدة نص ساعة
إزالة بقع الصمغ
- بلاش تشيل الصمغ بسرعة لأن النتيجة ممكن تتلف القماش والأحسن تسيب الصمغ ينشف
- احتفظ بقطعة الملابس في مكان جاف بعيد عن الشمس لأن الحرارة هتصعّب المهمة عليك
- حط قطعة الملابس على سطح خشبي وافرك البقعة بطرف معلقة عشان تشيل الأجزاء الكبيرة
- بلاش تعمل الخطوة دي لو لبسك مصنوع من قماش خفيف أو صوف
- اغمس قطعة قطن أو قماش أبيض في الآسيتون ومررها على منطقة مش باينة في القماس
- جرب عشان تتأكد إنها مش مؤثرة على لون القماش أو ملمس وشكل النسيج
- اضغط بالقطن/ القماش على مكان البقعة فقط لما تتأكد إن استخدامها مش هيسبب ضرر
- خلي معاك طرف المعلقة تدعك مكان الصمغ بيها وتشيل البقايا الصغيرة
- رش ببخاخ مزيل البقع على مكان الصمغ لو فيه أجزاء بسيطة موجودة
- اشطف مكان البقعة بمياه باردة وحط لبسك في الغسالة واظبطها على دورة متوسطة بمياه باردة
- نشّفها في الهواء في مكان بعيد عن أشعة الشمس لو مش متأكد إنها خالية من الشمع
عجينة السلايم
- اعرف إنك كل ما نضفتها بدري كل ما كان أحسن لأنها بتجف مع الوقت وبتقل فرص إزالتها
- افرك مكعب تلج فوق البقعة لمدة دقيقتين
- ضيف على البقعة معلقتين خل مباشرة عشان يفككوها أو اغمس قطعة الملابس في وعاء فيه خل لمدة 3 دقايق
- ادعك البقعة بفرشة أسنان قديمة وافرك الملابس بإيدك أثناء شطفها من الخل بمياه دافية وضيف عليها نقطتين من سايل تنضيف الصحون
- مرر الجزء الخشن في قطعة الإسفنج على البقعة واغمس قطعة الملابس في وعاء كبير فيه مياه دافية
- رش عليها مسحوق غسيل بكمية مناسبة سيبها 10 دقايق قبل ما تحاول تشيل بقايا السلايم بالملقاط
- خليك حريص وقت إزالته بالملقاط عشان تحمي الملابس من التمزق
- بلاش تحط أي ملابس عليها سلايم في الغسالة لأنه ممكن يلتصق في جسمها الداخلي
الشحم
- غطي البقعة بكمية بسيطة من بودرة الأطفال أو طباشير أبيض أو نشا الذرة أو بوردة تلك حسب المتوفر عندك
- سيبها لمدة 10- 15 دقيقة وبعدين اغسلها بمياه باردة
- استخدم كمية من مسحوق غسالة الأطباق على البقعة وافركها بفرشة أسنان قديمة
- سيب قطعة الملابس لمدة نص ساعة قبل ما تغسلها بمياه دافية
- استخدم سائل غسيل الأطباق لأنه بيدوب الدهون الصعبة وغطي البقعة بالصابون السائل وافركها بقطعة قماش ناعمة
- الشامبو هيساعدك تتخلص من البقعة خصوصًا لو صلبة أو ناشفة وسيبه عليها لمدة 10 دقايق وبعدين حط الملابس في الغسالة
- الصودا في المياه الغازية هتساعدك تشيلها عشان كده حط كمية من المياه الغازية الشفافة فوق البقعة وسيبها ساعتين
- افرد طبقة من جل الصبار على البقعة وسيبها 10 دقايق وبعدها اغسلها بالمياه الباردة
- اعرف إن إجابة سؤال كيفية ازالة بقع عن الملابس مش بس في تطبيق الطرق بدقة بس مهم الاستمرارية وتجربة أكتر من طريقة باستمرار
إعادة صبغ الملابس في البيت
- لازم تكون عارف نوع القماش القطن أفضل وأسهل خامة تقدر تصبغها والنايلون والحرير والجينز والكتان لكن أقمشة زي الصوف والبوليستر بتمتص ألوان الصبغة بصعوبة
- الصبغات الطبيعية أفضل مع الملابس القطنية والأصواف والحرير والموسلين
- لكن الصبغات الكيماوية مناسبة مع الملابس القطنية والكتان والحرير والصوف والأقمشة المصنعة زي الرايون والنايلون
- اغسل الملابس قبل صبغها في دورة دافئة ولطيفة
- اتأكد من إزالة أي بقع وممكن تستخدم المبيض عشان تكون نقية وخالية من أي رواسب أو بقع
- انقع الملابس في مثبت قبل الصبغ بمواد طبيعية لمدة ساعة واشطفها كويس لأنه هيساعدها تمتص اللون بشكل أفضل
- لو هتصبغها بالتوت أو البنجر اخلط نص كوباية ملح مع 2 لتر مياه باردة وانقع فيها الملابس
- لو أي نبات تاني زي قشر البصل الأحمر والرمان والبنجر والسبانخ والكركديه اخلط كوباية خل مع 4 كوبايات مياه وانقع فيها الملابس
- عند صنع الصبغة من النباتات الأخرى حضّر مثبت الخل واخلط 1 جزء من الخل الأبيض مع 4 أجزاء من الماء البارد
- لو هتستخدم الصبغة الكيماوية اختار مثبت مناسب لنوع القماش (الطبيعية زي القطن استخدم كوباية ملح لكن المصنعة زي البوليستر استخدم كوباية خل)
- لو عايز لون برتقالي استخدام قشر البصل والجزر
- لكن لو عايز لون بني استخدم قشر عين الجمل وأكياس الشاي والقهوة
- اللون الوردي هيحتاج إنك تستخدم الفراولة والكريز والتوت الأحمر
- للون الأزرق أو البنفسجي استخدم الكرنب الأحمر واللافندر والتوت الأزرق والعنب الأحمر
- لو عايز لون أحمر استخدم التوت الأسود والبنجر وقشر البصل الأحمر وقشر الرمان والكركديه
- لكن لو عايز لون أخضر استخدم الخرشوف والسبانخ
- اللون الأصفر هيحتاج تستخدم ورق اللورا والكركم
- حط مكون اللون اللي أنت عايزه في حلة كبيرة وسيبه يغلي لمدة ساعة وصفي المياه
- انقع الملابس فيها لمدة 8 ساعات أو لليلة كاملة حسب درجة اللون اللي محتاجها
- قلب الملابس من فترة للتانية عشان تتأكد من توحيد درجة اللون
- واغسلها لوحدها بمياه باردة عشان تخرج اللون الزايد
- لو هتستخدم صبغة كيميائية اغلي مياه على النار (حوالي 8 لتر) ضيف عليها المثبت المناسب سواء ملح أو خل
- ضيف الصبغة وقلبها في مياه عشان تتوزع كويس
- حط قطعة الملابس واستخدم معلقة عشان تضغط عليها عشان تبقى في نهاية الحلة
- سيبها في الصبغة لحد ما تغلي وهدي النار وسيبها لمدة 30 دقيقة وبعدها اشطفها بمياه باردة عشان تتخلص من اللون الزايد وتثبت اللي امتصه القماش
