المحتويات
رفع الرموش من أهم صيحات الموضة مؤخرا، وبتعتمد على 3 حاجات مهمة.. تطويل وتكثيف ورفع الرموش وبتساعدك في الاستغناء عن الماسكارا والرموش الصناعية.
خطوات عملية رفع الرموش
- الموضوع بيبدأ باستشارة الشخص المتخصص في نوع وشكل وطول الرموش الأنسب ليكي
- تبدأ عملية تنضيف الرموش وإزالة أي أتربة أو بقايا مكياج
- بيتم وضع ضمادة من الكولاجين أسفل العين لترطيب المكان
- بتستخدم ضمادة سيليكون على الجفن العلوي من العين لرفعها عليها
- تمشط الرموش للتأكد من عدم لصقها ببعضها
- بعد لصق ورفع كل الرموش بطريقة مظبوطة.. بيتم وضع مادة لينة للتأكد من إن شكلها يكون طبيعي ومثبتة
- بيتم تمشيطها مرة تانية وبعدين وضع مادة لتكثيف شكلها
- بتسيبها 15 دقيقة وبعدين بيتم إزالة الأجزاء الزايدة بعود قطن
- لو لونها فاتح.. ممكن تختار لون غامق لتلوينها وبتستمر على الرموش من 3-5 دقايق
- كخطوة نهائية.. بيتم وضع مادة مرطبة من الكيراتين لترطيبها
- بيتم إزالة الضمادة السيليكون برفق
- بتستمر نتائج رفع الرموش من 4-6 أسابيع والجلسة بتستمر لمدة ساعة لساعة وربع
استعدادات ما قبل رفع الرموش
تجنبي استخدام الماسكارا مضادة للمياه قبلها بـ3 أيام لضمان إن الرموش يكون شكلها طبيعي وجاف للحصول على أفضل نتايج
الفرق بينها وبين وامتدادات الرموش
- امتدادات الرموش Lash Extensions هي واحدة من أكثر الطرق المشهورة لتطويل الرموش ولكن بشعيرات إضافية يتم لصقها مع رموشك الأصلية
- أثناء تركيبها، بيتم لصقها بصمغ خاص لكن احتمالية أن يلتصق الرمش المزيف برمشك الطبيعي ويتم إزالتهما كبيرة جدا
- يتم وضع من 80 إلى 140 رمش لكل عين
- بناء على كيفية تركيب الرموش، سيتغير شكل عينيك ورموشك الحالية هتكون أطول وأكثر اكتمالا
- النتائج عادة تستمر من 4-6 أسابيع وبتحتاج رعاية أقل من تقنية رفع الرموش لكنها بتسبب ضرر للرموش الأصلية
إرشادات ما بعد عمل عملية رفع الرموش
- تجنبي استخدام المياه على عينك لمدة من يوم ليومين وعدم استخدام الماسكارا على الأقل يومين للوصول لأفضل نتايج
- ابتعدي عن الأماكن اللي ممكن تسبب التعرق زي الساونا والجيم
- تجنبي دعك العين
- احرصي على تمشيطهم برفق بفرشة رموش نضيفة للحفاظ على شكلهم
- تجنبي استخدام المكياج المقاوم للمياه لأنه بيأثر على شكلها وبيسيب بقايا عليها
- رطبيها مرتين أسبوعيا باستخدام مرطب الرموش الطبي
أضرارها
بالرغم من إنها بتحسن شكل الرموش إلا إن ليها أضرار ممكن تظهر على بعض الأشخاص، زي:
- ممكن تسبب تساقط الرموش الأصلية أو تخليها هشة وسهلة التكسر
- تعرض الجلد لمواد كيميائية ممكن يسبب احمراره أو تهيجه
- في بعض الحالات بيظهر رد فعل تحسسي زي تورم المكان بسبب العدوى البكتيرية
