فيسيرالجين: دواعي استعماله وأعراضه الجانبية وجرعاته المناسبة

فيسيرالجين من أهم الأدوية لعلاج التقلصات والمغص لأنه بيعمل على إرخاء عضلات المعدة والأمعاء، وبالتالي بيخفف الألم وبيساعد في علاج اضطرابات الجهاز الهضمي وأمراضه والتهابات المثانة والقولون.

ما هو فيسيرالجين؟

مكون من المادة الفعالة تيمونيوم ميثيل سلفات وهي مادة مضادة للتقلصات اللي بتعمل على استخراء عضلات جدار المعدة والأمعاء والمثانة

الشكل الدوائي

• أقراص 50 مجم 
• شراب 10 مجم
• لبوس 20 مجم
• حقن للوريد أو العضل 5 مجم

دواعي استعمال فيسيرالجين

• بيعالج تقلصات الجهاز الهضمي وآلام المعدة
• بيقلل تقلصات المرارة والمغص الكلوي
• بيقلل تقلصات والتهاب المثانة والجهاز البولي
• بيعالج تقلصات القولون
• بيساعد في تقليل مغص الدورة الشهرية
• يستعمل كمضاد للتقلصات الناتجة عن الإسهال

الجرعة وطريقة التناول

جرعة الأقراص

6-2 أقراص يوميا مقسمة على جرعتين أو 3 جرعات

جرعة الحقن

حقنة واحدة من مرة لـ3 مرات يوميا عن طريق العضل أو ببطء شديد في الوريد

جرعة الشراب

• للأطفال: 3-6 مجم لكل كيلوجرام من وزن الطفل 3 مرات يوميا
• أو 1.5-3 ملليلتر لكل كيلوجرام من وزن الطفل 3 مرات يوميا
• للبالغين: من معلقة لـ3 معالق كبيرة 3 مرات يوميا حسب توجيهات الدكتور  

جرعة اللبوس

لبوسة من مرة لـ3 مرات يوميا 

طريقة تناول فيسيرالجين

• تناوله قبل الأكل بحوالي نص ساعة أو ساعة
• لو نسيت الجرعة.. خدها وقت ماتفتكر لكن لو كان في معاد الجرعة تانية تجنب مضاعفة الجرعة
• لا تتناوله في حالة تناول دواء تاني للإسهال أو الحموضة إلا بعد ساعتين على الأقل

الأعراض الجانبية لـ فسيرالجين

استشير طبيب لو ظهرت عليك الأعراض دي:

• جفاف الفم
• الإفراز الزايد للمخاط
• جفاف إفراز العين أو اضطراب الرؤية
• اضطرابات في القلب
• الإمساك واضطرابات التبول
• اضطرابات الأعصاب واضطرابات ذهنية خاصة عند المسنين 
• الصداع
• الدوخة
• عدم التركيز
• الإمساك وأحيانا الإسهال
• احتباس البول
• فقدان الشهية والشعور بالضعف العام

أعراض أكتر خطورة لدواء فيسيرالجين

• اضطراب ضربات القلب
• ظهور طفح جلدي غير مبرر
• سرعة التنفس
• ارتفاع ضغط الدم
• ألم في العين

فيسيرالجين والحمل والإرضاع

لا يفضل استخدامه أثناء الحمل ويفضل استشارة الدكتور قبل تناوله في حالة الرضاعة لأن المادة الفعالة بتتنقل له عن طريق حليب الثدي 

موانع الاستخدام

• لو بتعاني من الحساسية تجاه أي مكون من مكونات الدواء
• الإصابة بالجلوكوما (ألم حاد في العين مع وجود مشاكل في الرؤية) أو ارتفاع ضغط العين أو المياه الزرقاء
• عسر التبول اللي بيصاحب اضطرابات كتير زي اختلالات البروستاتا أو اضطرابات المثانة

تحذيرات 

استشير الدكتور قبل تناول فيسيرالجين في الحالات دي:

• الإصابة باضطرابات البروستاتا
• اضطرابات حادة في الكلى والكبد
• وجود مشكلة في الغدة الدرقية
• الالتهاب الرئوي المزمن
• اضطرابات الجهاز الهضمي
• لو المريض ملازم للسرير أو حركته قليلة
• في حالة المعاناة من عدم تحمل السكريات لأن دواء فيه نوعين من السكريات زي اللاكتوز والسكروز
• المرضى اللي بيعانوا من أمراض القلب وقصور الشريان التاجي
• لو بتعاني من الارتجاع المريئي والفتق الحجابي 

التفاعلات مع الأدوية التانية

بلغ الدكتور بالأدوية اللي منتظم عليها لأنه بيتفاعل مع أدوية تانية زي:

• بيسبب اضطرابات في الرؤية فمهم تتوخى الحذر أثناء القيادة أو العمل 
• مدرات البول زي الاللازكس
• أدوية الزهايمر
• الأدوية المضادة للهيستامين
• أدوية علاج الشلل الرعاش
• أدوية الاكتئاب أو الأدوية المهدئة
• كلوزابين
• مضاد التقلصات
• مضادات الأسيتيل كولين
• مضادات الذهان
• ديسوبيراميد 

بدايل فيسيرالجين

• فيسرا
• سبازموفري
• ماسكلوروجينيك 
• بوسكوبان 
• كولونا

سعر الدواء

17.25 جنية (العلبة مكونة من شريطين وكل شريط فيه 10 حبوب)