صحة
فوائد ورق اللورا لعلاج مشاكل الجهاز التنفسي والتحكم في مرض السكر
إزاي ورق اللورا بيعالج الإنفلونزا؟
المحتويات
فوائد ورق اللورا للصحة متنوعة رغم استخدامه الأشهر في الطبخ إلا إن غليه وشرب منقوعه أو استنشاق بخار الماء المغلي اللي بيحتوي على ورق لورا بيحسّن صحة الجهاز التنفسي وبيقلل أعراض البرد والإنفلونزا.
العناصر الغذائية في ورق اللورا
- الدراسات بتقول إن ورق اللورا غني بالعناصر الغذائية، وكل 100 جرام ورق لورا فيهم:
- 5.4 جرام مياه
- 313 سعر حراري
- 7.6 جرام بروتين
- 8.3 جرام دهون
- 26.3 جرام ألياف غذائية
- 834 مليجرام كالسيوم
- 43 مليجرام حديد
- 120 مليجرام مغنيسيوم
- 113 مليجرام فسفور
- 23 مليجرام صوديوم
- 3.7 مليجرام زنك
- 309 ميكروجرام فيتامين أ
- 180 ميكروجرام فولات
- 1.7 مليجرام فيتامين B6
- 2 مليجرام نياسين
فوائد ورق اللورا للجهاز التنفسي
- بيحتوي على خصائص مضادة للبكتيريا وبالتالي ممكن تستخدمه للحماية من أمراض الجهاز التنفسي وعلاج بعض الأعراض اللي بتسببها العدوى الفيروسية والبكتيرية خصوصًا التهاب الشعب الهوائية
- بعض الأطباء بيقترحوا وضع ورق اللورا في وعاء كبير مليء بالمياه واستنشاق بخار الماء اللي بيحتوي على ورق اللورا وبعدها شربه للحصول على أفضل نتيجة وممكن تثبّت الورق على صدرك مباشرة طول الليل
- بيقلل فرص تفاقم حالة الرئة وقت الإصابة بالتهاب فيها لأنه بيزوّد إنتاج أكسيد النيتريك اللي بيقلل التهابات الجهاز التنفسي
فوائد ورق اللورا في السيطرة على مرض السكر
- الدراسات بتأكد إن مستويات الكوليسترول في الدم بتوصل لأقل مستوى ليها والجلوكوز بيقل مع شرب منقوع ورق اللورا
- بيقلل ورق اللورا فرص الإصابة بمرض السكر خصوصًا من النوع التاني
- دراسة بتأكد إن استخدام ورق اللورا في صيغة كبسولات ضروري عشان تقلل أعراض مرض السكر وبدأت التجارب السريرية على بعض الأشخاص وأكدت على تحسن الحالات بعد تناول الكبسولات
- بيقلل نسبة الدهون الثلاثية في الجسم وبينظم ضربات القلب وبيحمي من الإصابة بالنوبات القلبية المفاجئة
استخدام ورق اللورا لعلاج مشاكل الهضم
- بيساعد على تخلص الجسم من السموم لأنه من الأعشاب وبيحفّز على القيء وقت تناول مواد سامة
- بيستخدم في علاج حالات القولون العصبي وعسر الهضم والقولون العصبي وتهيّج المعدة المستمر
- بيعالج الإمساك والانتفاخ المفاجيء
فوائد ورق اللورا المتنوعة
- بيخفف التوتر والقلق وبيساعدك على الاسترخاء وهدوء الأعصاب وعلاج الأرق
- بيعالج قرحة المعدة
- بيخفف انتشار القشرة وبيعالج مشاكل فروة الرأس عن طريق غسل الشعر بمنقوعه
- بيعالج آلام الروماتيزم وبيخفف حدة العدوى الجلدية
- بيقلل فرص الإصابة بحصوات الكلى
- التخلص من لدغات الحشرات عن طريق رش كمية مناسبة من مسحوق ورق اللورا على مكان اللدغة مباشرة لأنه غني بحمض اللوريك
- منقوع ورق اللورا بيستخدم كتونيك لترطيب البشرة
- بيحسن جودة البويضات عند السيدات لأنه غني بحمض الفوليك
- غسل الأسنان بمسحوق ورق اللورا باستمرار بيزوّد فرص بياض الأسنان ولمعانها
أضرار الإفراط في تناول ورق اللورا
- بيسبب رد فعل تحسسي عند بعض الناس
- تناوله في شكله الأصلي بدون شرب منقوعه ممكن يسبب ثقوب في بطانة الأمعاء
- الإفراط في شرب منقوع ورق اللورا بيعلّي السكر في الدم وبالتالي ضروري تناوله باعتدال
- ممكن يتعارض مع بعض أدوية المسكنات بعد إجراء العمليات الجراحية
- ضروري تشتريه من مصدر موثوق فيه عشان تتأكد من جودته
