ملح الليمون بيحتوي على حمض الستريك العضوي، ومكون طبيعي موجود في الفواكه الحمضية، له فوائد صحية مختلفة بسبب احتواءه على مضادات أكسدة، بالإضافة لدوره في تحسين امتصاص الجسم بعض العناصر الغذائية، له خصائص مطهرة وبيستخدم في بعض المواد الغذائية وأدوات التنظيف.
مصادر ملح الليمون
- الليمون
- البرتقال
- اليوسفي
- الجريب فروت
فوائد ملح الليمون
- بيعزز عملية امتصاص المواد الغذائية زي الزنك والمغنسيوم والكالسيوم، لأنه بيحتوي على حمض الستريك
- بيحمي الكلى من تكون الحصوات
- بيتم مزجه مع حمض ألفا هيدروكسي في منتجات تنعيم البشرة
- حمض الستريك بيساعد كمان على تفتيح البشرة وعلاج حب الشباب وتقليل ظهور التجاعيد
- دراسة قالت إنه بيقلل الإجهاد التأكسدي للأنسجة في الدماغ والكبد، بسبب خصائصه المضادة للأكسدة وللالتهابات
أضراره
الإفراط في تناول ملح الليمون بيأدي لبعض الاثار الجانبية زي:
- الشعور بالتنميل أو الوخز
- تقلص العضلات
- تغير المزاج
- اضطرابات ضربات القلب
- آلم شديد في المعدة
- الإسهال
- الغثيان والقيء
- اصفرار الأسنان
- هشاشة العظام
- مشاكل في الرؤية بوضوح
- ارتفاع ضغط الدم
استخدامات مختلفة لملح الليمون
- استخدمه في تتبيل اللحوم والفراخ قبل الشوي لأنه بيساعد في تكسير روابط أنسجة اللحمة فتستوي بسرعة من غير ما تفقد سوايلها
- امسح به السيراميك بعد تنظيفه عشان تزود لمعانه
- استخدم محلول عبارة عن كمية منه مع مياه دافية لتنظيف حوائط الحمام والحوض والتواليت للتخلص من الرواسب الجيرية
- فعال في تنظيف حلل الطبخ وإزالة آثار الحروق.. ضيف معلقة صغيرة مع كمية مياه وسيبهم يغلوا في الحلة لـ5- 10 دقايق
- ضيف كمية أثناء تنظيف السجاد عشان تتخلص من أي بقع عالقة فيها
- انقع القدمين في كمية مع مياه دافية مرة كل أسبوع هيساعدك في تفتيحها وتقشيرها للتخلص من الجلد الميت وقتل الميكروبات
- لكن مهم تتأكد إنك مش بتعاني من حساسية ضده
