سودوكو واحدة من أشهر الألعاب الذهنية حول العالم، وبتساعد في زيادة نشاط المخ وتدريبه على استراتيجيات مختلفة زي حل المشكلات والتنظيم، وده من خلال ملء الفراغات بالأرقام في الخانات المختلفة، وعدم تكرار أي رقم في أي صف أو عمود.
ما هي لعبة سودوكو؟
- أصل اللعبة بيرجع لمعماري أمريكي اسمه (هوارد جارنز) ونشرها في عدد مجلة (ديل) سنة 1979 باسم Number Place
- انتشرت اللعبة في اليابان وبقى لها شعبية كبيرة 1986، وكانت بتتنشر في أعداد مجلة (نايكولي) باسمها المعروف دلوقتي (سودوكو)
- ومعناه في اللغة اليابانية الرقم الوحيد، وانتقلت من اليابان للعالم سنة 2005
- بتتكون من 9 مربعات كبيرة 3×3 و81 مربع صغير 9×9، ومضاف لبعض المربعات الصغيرة أرقام (من 1 لـ9)
- بيقوم اللاعب بوضع أرقام من 1 لـ9، من غير تكرار في كل مربع وفي كل صف وفي كل عمود
فوائد السودوكو
- بتزود نشاط المخ
- بتساعد المخ على التفكير بطريقة منظمة وترتيب الأفكار
- بتقوي التركيز العميق والقدرات المعرفية والإدراكية
- بتعمل على زيادة الإبداع ومهارة حل المشكلات
- بتقوي الذاكرة ومهارة الحفظ السريع
- بتقلل خطر الإصابة بالزهايمر
- بتزود القدرة على التركيز لفترة طويلة
- بتقوي مهارة التعلم السريع وفهم الخطوات
- بتساعد على الإحساس بالإنجاز والفرح
استراتيجيات لحلها
- دور على الرقم الناقص: مثلا لو الصف بيحتوي على الأرقام 1 و7 و8 و5 و9 و2، يعني لسه فاضل 3 و4 و6، شوف المربع والصف المتداخل عشان تعرف هتستبعد أنهي رقم
- قاعدة الأزواج أو الثلاثيات: بتعتمد الاستراتيجية دي على النظر لزوج من المربعات الكبيرة أو 3 منها ضمن صف أو عمود وملاحظة الأرقام المحتملة فى المربعات الخالية المجاورة
- ابدأ بمربع كبير به مساحة فارغة واحدة: لو بيحتوي على كل الأرقام من 1 لـ 3 ومن 5 لـ9 يعني الرقم الناقص هو 4
