فوائد الليمون: غني بفيتامين سي والألياف ومفيد لصحة القلب

فوائد الليمون متعددة لأنه من الفواكه الحمضية الغنية بالفيتامينات والمعادن زي فيتامين سي وفيتامين ب6 والحديد والزنك والفسفور ومضادات الأكسدة وحمض الفوليك، وبيدخل في وصفات مختلفة.

العناصر الغذائية لليمون

كل حبة ليمون (58 جم) فيها:

• 16.8 سعر حراري
• 5.41 جم كربوهيدرات منهم 1.45 جم سكريات
• كالسيوم 15 مجم
• حديد 0.35 مجم
• المغنيسيوم 4.6 مجم
• الفوسفور 9.3 مجم
• البوتاسيوم 80 مجم
• فيتامين سي: 31 مجم
• الكولين: 3 مجم

فوائد الليمون

مفيد لصحة القلب

• كل حبة ليمون (58 جم) فيها حوالي 30 (مجم) فيتامين سي وهو 51% من احتياجك اليومي
• الدراسات أثبتت إن تناول الأطعمة الغنية بفيتامين سي بتقلل خطر الإصابة بأمراض القلب والسكتة الدماغية
• الألياف المركبات اللي فيه بتقلل فرص الإصابة بأمراض القلب
• مركبات نباتية في الليمون اسمها (Hesperidin) و(Diosmin) الدراسات أثبتت إنها بتقلل خطر الإصابة بالكوليسترول

فوائد الليمون للتحكم في الوزن

• بعض الدراسات بتقول إن مكون البكتين نوع من الألياف الذائبة بتتمدد في المعدة وبالتالي بتطول مدة الشبع
• دراسة تانية أثبتت إن المركبات النباتية في الليمون ممكن تساعد على إنقاص الوزن أو الحفاظ عليه

الوقاية من حصوات الكلى

حمض السيتريك في الليمون ممكن يساعد في الوقاية من حصوات الكلى عن طريق زيادة كثافة البول ودرجة الـ(pH) وبالتالي بيكون غير مناسبة لتكوين الحصوات

الوقاية من الأنيميا

• الليمون فيه نسبة قليلة من الحديد، ولكن بيقي من الأنيميا من خلال تحسين امتصاص الحديد في الجسم من الأطعمة والمكملات الغذائية
• المعدة بتمتص الحديد من الأطعمة من اللحوم والأسماك الفراخ بسهولة على عكس مصادر الحديد النباتية، وامتصاص الحديد منها بيتحسن عن طريق تناول فيتامين سي في شكل أدوية أو أطعمة غنية بيه

فوائد الليمون للوقاية من السرطان

• بعض التجارب العلمية أثبتت إن الأشخاص اللي بياكلوا أطعمة حمضية بتقل عندهم فرص الإصابة بالسرطان
• تجارب تانية اكتشفت إن البذور في الليمون والماندارين فيها مركبات نباتية اسمها (beta-cryptoxanthin) و( hesperidin) واللي ممكن تقلل خطر نمو الأورام في أماكن زي اللسان والرئتين والقولون

الليمون بيحسن الهضم

فيه حوالي 10% من الكربوهيدرات في شكل ألياف ذائبة واللي ليها فوائد متعددة بتحسن صحة المعدة وبتبطأ هضم النشويات والسكريات، وده بيسبب انخفاض مستوى السكر في الدم

فوائد الليمون لخفض ضغط الدم

دراسة يابانية أثبتت إن الأشخاص المنتظمة على تناول الليمون وممارسة الرياضة يوميا عندهم فرص أقل للإصابة بارتفاع ضغط الدم عن غيرهم

الليمون مفيد لصحة البشرة

• فيتامين سي ليه دور أساسي في تكوين الكولاجين للبشرة وهو بروتين مهم للحفاظ على نضارتها وتقليل ظهور الخطوط الرفيعة والتجاعيد
• تناول الأطعمة الغنية بيه أو استخدام منتجات العناية بالبشرة بشكل موضعي على البشرة بيقلل آثار الشمس والأتربة على البشرة

تقوية المناعة

الليمون فيه حوالي 51% من احتياجك اليومي من فيتامين سي، وبالتالي مفيد لتقوية المناعة والوقاية من الأمراض المختلفة

ضبط مستوى فيتامين سي في الجسم بيحسن حالة الجسم بشكل عام وبيسرع شفاء الجروح

أضرار الليمون

الكمية الزايدة من الليمون ممكن تسبب ردود أفعال زي:

• الارتجاع المريئي الناتج عن الحموضة
• قرح الفم

الطرق الصحية لتناول الليمون

اعصر نص ليمونة على كوب مياه (200 جم)

استخدمه مع دريسنج السلطة مع زيت الزيتون والمستردة والملح

افرمه واستخدمه في تتبيل الأسماك الدهنية/ الفراخ/ البط

ممكن تقطعه شرايح رفيعة وتشوحه مع خضار زي الكوسة والفلفل والطاطس والبروكلي

اعصره وبعدين افرم القشر واستخدمه لعمل مكرونة بالليمون

ممكن تستخدم عصير الليمون أو القشر على سلطة الفواكه لإضافة طعم قوي وحماية الفاكهة من تغير لونها