المحتويات
فوائد الفشار نتيجة امتلاك حبات الدرة لعناصر غذائية مهمة للصحة، وبيندرج تحت قايمة الحبوب الكاملة، وكمان من المسليات المفضلة للكثيرين وخاصة الأطفال، ومن الأطعمة الخفيفة المناسبة للدايت، لكن طريقة إعداده بتضيف عليه الدهون والسكر والملح.
القيمة الغذائية للفشار
بيحتوي كل 100 جرام على:
- 387 سعر حراري
- 7% من الحصة اليومية لفيتامين ب 1
- 12% من الحصة اليومية لفيتامين ب 3
- 8% من تلحصة اليومية لفيتامين ب 6
- 18% من الحصة اليومة للحديد
- 36% من الحصة اليومية للمغنيسيوم والفسفور
- 9% من الحصة اليومية للبوتاسيوم
- 21% من الحصة اليومية للزنك
- 13% من الحصة اليومية للنحاس
- 13 جرام بروتين
- 78 جرام كربوهيدرات
- 5 جرام دهون
- 15 جرام ألياف
فوائد الفشار
- بيمنع ارتفاع معدل ضغط الدم في الجسم لأنه بيحتوي على البوتاسيوم والمغنيسيوم والكالسيوم
- بسبب الألياف.. بيساعد في خفض مستويات الكوليسترول المتراكم على جدار الأوعية الدموية والشرايين، وبيمنع الإصابة بأمراض القلب والنوبات القلبية وتصلب الشرايين والسكتات الدماغية
- بيعالج الإمساك من خلال تحفيز القناة الهضمية على إفراز العصارة الهضمية، والمحافظة على صحة الجهاز الهضمي، لأنه بيحتوي على الألياف اللي بتحفز حركة الأمعاء وتنظم عملية الهضم، مع نسبة كبيرة من مادة البوليفينول وفيتامين ب وفيتامين هـ
- غني بمضاد الأكسدة البوليفينول اللي بيحمي خلايا الجسم من الجذور الحرة الضارة، وبيساعد في تقليل خطر الإصابة بالسرطان والأمراض المزمنة زي السكري
- بيحارب الشيخوخة زي ظهور التجاعيد، بقع داكنة تظهر على الجلد لأنه بيحتوي على مضادات الأكسدة
فوائد الفشار للدايت
- يعتبر من الوجبات الخفيفة قليلة السعرات الحرارية، كل كوباية فشار بدون إضافات بتحتوي على 31 سعرة
- كمان من الحبوب الكاملة الغنية بالألياف وبتساعد في الإحساس بالشبع لفترة أطول، بجانب كمية أقل من الدهون (كل 3 كوبايات فيها جرام دهون)
- مهم تاخد بالك من الوقت المناسب وطريقة التحضير الجيدة، الكمية عشان فيه نسبة كربوهيدرات
أضرار الفشار
- إضافة بعض المكونات عند تحضيره زي الزبدة أو الملح أو الكراميل وبعض النكهات الصناعية بتقلل من القيمة الغذائية
- وكمان بتأدي لزيادة نسبة الكوليسترول في الدم
- وبتزيد نسبة الصوديوم وده بيأدي لاحتباس السوايل وارتفاع ضغط الدم
طريقة إعداد الفشار الصحية
- بيتم تحضير الفشار الصحي باستخدام ألة إعداد الفشار أو بالميكرويف من غير زيت أو زبدة
- ضيف المنكهات زي القرفة أو التوابل
طريقة عمل الفشار بنكهات مختلفة
فشار بالكراميل
المكونات
- معلقة كبيرة زيت
- نص كوباية سكر
- ربع معلقة صغيرة ملح
الطريقة
- حط السكر على نار هادية لحد ما يبقى كراميل
- ضيف الملح للكراميل وقلب.. بعد كده اطفي النار
- قلب درة الفشار في الزيت لحد ما يطقطق
- رش الكراميل على الفشار وقلبه كويس
صوص المارشميلو
المكونات
- نص كوباية مارشميلو
- معلقة كبيرة زبدة
- معلقة صغيرة فانيليا
الطريقة
- دوب الزبدة على نار هادية
- ضيف السكر والمارشميلو للزبدة وقلب لحد ما يسيح
- اطفي النار وضيف الفانيليا على المارشميلو
- رش صوص المارشيملو على الفشار وقلبه
بالشوكولاتة
المكونات
- 120 جرام رقائق شوكولاتة
- ربع معلقة صغيرة ملح
الطريقة
- سيح الشوكولاتة في حمام مائي أو الميكروويف
- ضيف معلقة الملح على الشوكولاتة السايحة
- رش صوص الشوكولاتة على الفشار وقلب كويس
بالجبنة
المكونات
- ملعقة كبيرة زبدة سايحة
- كوباية شيدر مبشور
الطريقة
- سيح الزبدة وضيف عليها الجبنة الشيدر
- قلب الجبنة لحد ما تسيح
- رش صوص الجبنة على الفشار وقلب كويس
