المحتويات
الرقص بكل أنواعه مفيد للصحة النفسية والجسمانية، فدراسات كتير أثبتت إنه بيقلل الضغط النفسي والقلق وبيساعد في الحفاظ على لياقة الجسم وصحة القلب، وبيساعد على زيادة اليقظة العقلية.
فوائد الرقص لصحة الجسم
المشاركة في أي نشاط بدني مهما كان سنك بيساعد على زيادة لياقتك البدنية والقدرة على الحركة بسلاسة، وليه فوائد زي:
بيحسن صحة القلب
كل الأنواع ليها نفس أثر تمارين الكارديو على الجسم والقلب، وده بسبب تغير معدلات ضربات القلب باختلاف الحركات وده بيساعد على تنشيط الدورة الدموية وتحسين صحة القلب
بيحسن التوازن وقوة العضلات
لأنه بيتضمن حركات في اتجاهات مختلفة واتباع خطوات معينة واللي بيحرك عضلات الجسم كله وبيحسن قدرتك على التوازن
سهل ومريح
في أنواع معينة منه خطواتها سهلة ومناسبة للأشخاص اللي بيعانوا من أمراض مزمنة أو قليلة الحركة
تحسين صحة العظام والوقاية من الهشاشة
ممارسة الرياضة بشكل عام بتحسن صحة العظام، لكن الرقص بيساعد على تقوية العضلات وتحسين (Tone) الجسم وبيستهدف تقوية المفاصل والتخلص من الوزن الزايد اللي بيسبب مشاكل في الجسم
فوائد الرقص للصحة النفسية
دراسات كتير أثبتت إنه بيساعد على الاستقرار النفسي وتحسين صحة العقل، زي:
تحسين القدرة المعرفية
- الدراسات أثبتت إن ممارسته بانتظام بيساعد على تحسين المناطق في العقل المسؤولة عن الذاكرة والمهارات زي التنظيم والتخطيط
- وباختلافه عن باقي الأنشطة، فالمزج بين الخطوات والموسيقى بيجبرك تركز على على التغيير المستمر للحركة حسب الجزء الموسيقى اللي شغال، وده بيقوى مهارة التركيز
الرقص لتحسين الإدراك
بيساعد على تحسين إدراكك لأشياء مختلفة حواليك وبيقوي ملاحظتك وبالتالي زيادة حدة التركيز والتفكير المنطقي والسريع
بيحسن الحالة المزاجية
بيحسن إفراز الجسم لهرمونات المشاعر الجيدة وبالتالي تحسين الحالة المزاجية والثقة في النفس وصورتك الذهنية عن نفسك
بيزود طاقتك على مدار اليوم
بيحسن مهاراتك الاجتماعية
الرقص بيساعد على تنمية مهاراتك الاجتماعية لأنك بتقابل ناس مختلفة وبتتشارك معاهم في اتباع نفس الخطوات
تطبيقات لتعلم الرقص في البيت
في تطبيقات مختلفة تقدر تتعلم من خلالها الرقص بأنواعه في البيت من خلال مشاهدة الفيديوهات المختلفة، زي:
Salsa Rhythm
Hip Hop Dance Workout
Dance Studio Fit Lite
Dance Now: Enjoy & Learn
YouDance Online
Just Dance Now
