فوائد الترمس: تقوية المناعة وتقليل الكوليسترول

فوائد الترمس ساعدته يكون من أهم أنواع البقوليات من حيث العناصر الغذائية والمعادن المختلفة، ولأن فيه مركب اسمه قلويدات (طعمه مر وسام في معظم الأوقات) بتحتاج لنقعه في خليط من المياه وملح من يومين لخمس أيام وتغيير الخليط على الأقل مرتين، عشان يكون خالي من المخاطر.

الترمس وقيمته الغذائية

كل 100 جم من الترمس المغلي فيهم:

• 120 سعر حراري
• 12 جم بروتين
• 13 جم كربوهيدرات
• 3 جم ألياف
• 1 جرام دهون

فوائد الترمس لإنقاص الوزن

• بيساعد الترمس في إنقاص الوزن أو الحفاظ عليه لأنه غني بالألياف اللي بتساعد على تطويل مدة الشبع وقليل السعرات الحرارية
• مصدر غني بالثيامين اللي بيساعد في تنشيط عملية الأيض والحفاظ على صحة الجهاز العصبي

الترمس لتقوية جهاز المناعة

• غني بالفيتامينات والمعادن اللي جسمك محتاجها لمكافحة الأمراض زي فيتامين سي، أ، ب، المغنيسيوم، الزنك
• مصدر غني بالسيلينيوم (مضاد أكسدة قوي) بيساعد في حماية الجسم من تلف الخلايا والإصابة بالأمراض

فوائد الترمس لصحة البشرة

• الترمس غني بمضادات الأكسدة اللي بتساعد الجسم على محاربة الشوارد الحرة (بتسبب تلف الخلايا والأنسجة والشيخوخة المبكرة زي خطوط التجاعيد) 
• الفيتامينات اللي فيه مهمة للحفاظ على صحة البشرة زي المغنيسيوم وفيتامين سي وأ

الترمس لعلاج الأنيميا

• الأنيميا ليها أعراض زي ضيق التنفس وسرعة التعب وبهتان البشرة 
• الترمس فيه كمية متوسطة من الحديد، وهو ضروري لتكوين الهيموجلوبين في الجسم لعلاج الأنيميا، وفيتامين سي اللي فيه هيساعد على امتصاص الحديد في الجسم بشكل أفضل

فوائد الترمس لصحة المعدة 

• صحة المعدة معتمدة بشكل أساسي على البروبيوتك والبريبيوتك وهي بكتيريا نافعة موجودة في أطعمة معينة زي الزبادي والكرنب المخمر والمخلل الصحي
• الترمس بيساعد على تنشيط البكتيريا دي في المعدة وبيقلل نمو البكتيريا الضارة فيها 
• بيساعد في الوقاية من الإمساك أو علاجه في حالة الإصابة بيه

فوائد الترمس لصحة العظام

• الترمس مصدر غني بفيتامينات مهمة زي الكالسيوم والكبريت والمغنيسيوم والمنجنيز
• 85% من الكبريت في جسمنا موجود في الأسنان والعظام، وبالتالي الترمس ليه دور في تعزيز صحة العظام والحافز عليها

فوائد الترمس للحوامل 

• وجبة مثالية للحوامل لأنه غني بالفيتامينات والمعادن والألياف وبيساهم في تحسين الجهاز الهضمي والوقاية من الإصابة بالإمساك
• فيه كمية متوسطة من حمض الفوليك وهو من أهم المعادن للحوامل خاصة في الشهور الأولى لحماية الجنين من تشوهات الأنبوب العصبي

فوائد الترمس لصحة القلب والشرايين

• بيساعد في خفض معدل الكوليسترول في الدم لأنه غني بالألياف وحمض الأرجنين 
• غني بمعادن زي البوتاسيوم والمغنيسيوم والحديد اللي ليها دور في السيطرة على ضغط الدم والوقاية من تصلب الشرايين

الترمس كمضاد للأكسدة

• غني بمضادات الأكسدة زي فيتامين أ وسي والسيلينيوم اللي بيساعدوا في حماية الجسم من الأمراض
• تقليل خطر الإصابة بأمراض القلب والسرطان وتصلب الشرايين

فوائد الترمس لخفض ضغط الدم

الدراسات أثبتت إن مستخلص الترمس بيساعد في استرخاء الأوعية الدموية وبالتالي خفض ضغط الدم والوقاية من الإصابة بارتفاع ضغط الدم

الترمس لضبط مستوى السكر في الدم

الترمس فيه مادة الأرجنين وهو نوع من أنواع الأحماض الأمينية اللي بتساعد في خفض مستوى السكر في الدم والكوليسترول، وبالتالي هو مناسب لمرضى السكر

فوائد الترمس العامة

• فيه نسبة عالية من الأحماض الأمينية ومن أعلى مصادر البروتينات (حوالي 40% بروتين)
• سهل الهضم ولا يسبب أي أعراض جانبية زي الحموضة أو الانتفاخ
• نسبة امتصاص المواد الغذائية منه في الجسم عالية
• فيه نسبة قليلة من مثبطات التربسين اللي بيساعد على الهضم
• خالي من الكوليسترول
• نسبة المواد المهيجة للمعدة فيه قليلة
• فوائد الترمس المطحون
• بديل مناسب للمصابين بحساسية القمح لأنه خالي من الجلوتين (Gluten Free)
• ممكن تضيفه للدقيق العادي لزيادة قيمته الغذائية وتقليل استخدامك منه
• تقدر تستخدمه في عمل المخبوزات والحلويات عشان تستفيد بعناصره الغذائية