فوائد البنجر: علاج الضغط العالي وتحسين صحة الجهاز الهضمي

فوائد البنجر متعددة وقيمته الغذائية عالية لأنه غني بالفيتامينات والمعادن، وقليل السعرات الحرارية وسهل تدخله في الأطباق والمشروبات المختلفة.

العناصر الغذائية للبنجر

كل 100 جم من البنجر المطبوخ فيهم:

• 44 سعر حراري
• 1.7 جم بروتين
• 0.2 جم دهون
• 2 جم ألياف
• 6% من احتياجك اليومي من فيتامين سي
• 20% من احتياجك اليومي من حمض الفوليك
• 3% من احتياجك اليومي من فيتامين ب3
• 6% من احتياجك اليومي من الماغنيسيوم
• 9% من احتياجك اليومي من البوتاسيوم
• 4% من احتياجك اليومي من الفوسفور
• 16% من احتياجك اليومي من المنجنيز
• 4% من احتياجك اليومي من الحديد

فوائد البنجر لخفض ضغط الدم

• ارتفاع ضغط الدم هو السبب الأساسي للإصابة بأمراض خطيرة زي أمراض القلب والسكتات الدماغية
• الدراسات أثبتت دور البنجر في خفض ضغط الدم، خاصة في حالة أكله ني
• البنجر غني بالنترات اللي بتتحول لأوكسايد النيتريك في الجسم واللي بيسبب استرخاء العضلات الوعائية وبيقلل ضغط الدم
• تأثيره ممكن يستمر لحد 6 ساعات وبالتالي الانتظام على أكله لفترة طويلة مهم عشان تحس بنتايج إيجابية

البنجر لتحسين الأداء الرياضي

• الدراسات أثبتت إن النترات من الأطعمة بتحسن الأداء الرياضي لأنها بتزود فعالية الـMitochondria وهي المسؤولة عن إنتاج الطاقة في خلايا الجسم
• وإن شرب عصير البنجر أو أكله من2-3 ساعات قبل التمرين بيحسن ويطول أداء الشخص فيه عن غيره

فوائد البنجر لمقاومة الالتهاب

• الالتهاب المزمن سبب لأمراض مزمنة خطيرة زي السمنة وأمراض القلب والكبد والسرطان
• البنجر فيه مكون البيتالين اللي ليه خصائص مضادة للالتهاب وبالتالي بيساعد على تقليل التهاب الجسم

البنجر لتحسين صحة الجهاز الهضمي

• مصدر غني بالألياف اللي بتساعد على تحسين الهضم وتنظيم دخول الحمام
• بتساعد في الحفاظ على حركة الأمعاء والوقاية من أمراض زي التهاب المعدة والإسهال

فوائد البنجر لصحة العقل

• النترات في البنجر بتساعد في تحسين صحة العقل وتقليل انحدارها مع التقدم في العمر، لأنها بتوسع الأوعية الدموية وبتنشط تدفق الدم للمخ
• الدراسات أثبتت دور البنجر في زيادة تدفق الدم للجزء من المخ المسؤول عن التفكير والذاكرة واتخاذ القرار

البنجر للوقاية من السرطان

• طبيعة البنجر كمضاد للأكسدة والالتهاب ممكن تساعد في الوقاية من السرطان لكن الدراسات في النقطة دي محدودة

فوائد البنجر لإنقاص الوزن

• قليل السعرات الحرارية وغني بالمياه، والانتظام على أكله بيساعد في إنقاص الوزن لأنه بيشبع لفترات طويلة
• فيه كمية بسيطة من البروتين والألياف اللي بتساعد على الشبع السريع وتقليل مجمل السعرات الحرارية على مدار اليوم

محاذير تناول البنجر

• البنجر غني بمادة الأوكسالات اللي بتعلي ارتفاع خطر الإصابة بحصوات الكلى
• في حالة الإصابة بحصوات الكلى أو عرضة للإصابة بيها.. راقب كمية البنجر اللي بتتناولها

طرق تناول البنجر 

ممكن تدخله في أطعمة أو مشروبات مختلفة زي:

• السلطة الخضراء مع إضافة مكعبات البنجر
• خلطه مع الزبادي اليوناني لعمل غموس
• عصير البنجر
• البنجر المخلل
• مع الجبنة الريكوتا
• البنجر المحمص في الفرن مع البطاطا
• ضيفه لعصير فاكهة طعمها قوي زي المانجا