بلح الشام من الحلويات السورية المشهورة في كل البلاد العربية، اختلفت الروايات عن تسميتها ومن ضمنها، إن راجل في بلاد الشام، كان بيدور على تمر عشان يساعده على الشبع بعد ساعات طويلة كان بيشتغل فيها، وفكر في صناعة حلوى شبه التمر بتحتوي على سكر، عشان تجدد نشاطه وأطلق عليها الاسم ده، طريقة عمل بلح الشام بتعتمد على مكونات أساسية وهى الدقيق والبيض وبيضاف لها العسل بعد القلي.
المكونات
- كوباية دقيق
- 5 بيضات
- كوباية ونص زبدة
- معلقة صغيرة فانيليا
- كوباية مياه
- كوبايتين شربات
طريقة عمل بلح الشام
- اغلى المياه مع الزبدة
- ضيف الدقيق وقلب كويس لحد ما يبقى عجينة متماسكة
- سيب العجينة تبرد لمدة 15 دقيقة وضيف البيض بالتدريج وضيف الفانيليا وقلب كويس
- حط العجينة في كيس الحلواني
- سخن زيت عميق.. وفرغ قطع من العجينة بطول 5 سم تقريبا
- قلب بلح الشام لحد ما يبقى لونه دهبى
- صفيه من الزيت وحطه في الشربات لمدة دقيقة
نصائح لطريقة عمل بلح الشام زي المحلات
- ضيف البيض واحدة واحدة.. وبعد إضافة كل واحده امزج العجينة كويس لحد ما البيض يتجانس ويختفي في المكونات
- التزم بعدد البيض للوصفة (3 بيضات لكل كوباية دقيق) عشان يكون هش وخفيف
- استخدم المضرب الكهربائي أو اليدوي أو بمعلقة خشب لحد العجينة ما يكون قوامها مطاطي
- اقلي بلح الشام في الزيت البارد وارفع درجة حرارته
- لما تضيف الدفعة التانية، ابعد الزيت عن النار لمدة دقيقة عشان يهدى وضيف بلح الشام
