الفول المدمس من أهم البقوليات لأنه غني بالبروتين والألياف وفيتامينات ب والمغنيسيوم والفسفور والمنجنيز والنحاس، وكلها عناصر غذائية هامة لجسم الإنسان تمده بفوائد كثيرة مثل صحة القلب وتنظيم نسبة السكر في الدم وإنقاص الوزن، وطريقة عمل الفول المدمس لها خطوات سهلة عشان يبقى لونه فاتح وطعمه لذيذ وتقدر تعمله في البيت.
المكونات
- نص كيلو فول
- بصلة متقطعة قطع صغيرة
- ثمرة طماطم
- ثمرة جزر
- نص كوباية فول مدشوش
- 3 فصوص توم
- نص كوباية عدس أصفر
- معلقة كبيرة كركم
طريقة عمل الفول المدمس
- نقي الفول واغسله كويس وانقعه في مياه ساعتين
- في الدماسة.. حط الفول والجزر والعدس والفول المدشوش والكركم والبصل والتوم والطماطم
- ضيف مياه لحد ما تغطي الفول
- اتأكد إن الدماسة نصها حبوب ونصها مياه
- ماتفتحش غطاء الدماسة كل شوية
- حط الدماسة على نار عالية لما الخليط يغلي ويبدأ يتشرب المياه هدي النار
- لو مفيش دماسة ممكن تستخدم حلة غويطة
