المحتويات
الدونات من المعجنات المقلية اللذيذة والشهية، وحلوى مفضلة للأطفال لأنها ممكن تتقدم بألوان كتير على حسب الصوص زي الشوكولاتة والكريمة والكراميل والسكر (مع إضافة لون طبيعي)، وممكن تضيف لها حشو مختلف زي المربى أو الكريمة وتتناولها كوجبة خفيفة مع كوباية قهوة.. بنقدم لك طريقة عمل الدونات سهلة وسريعة بحشوات مختلفة.
المكونات
الدوناتس
- كوبايتين ونص دقيق
- معلقة ونص خميرة فورية
- 3 معالق كبار زبدة
- ربع معلقة صغيرة ملح
- نص كوباية لبن دافي
- 3 معالق كبار سكر
- بيضة مخفوقة
- زيت للقلي
حشو الكاسترد
- كوباية ونص لبن
- نص كوباية سكر
- معلقة صغيرة فانيليا
- معلقتين كبار نشا
- صفار بيضة
طريقة عمل الدونات
-
- اخلط الدقيق مع الخميرة وضيف الزبدة وافركهم مع بعض
- ضيف السكر والملح واخلطهم مع الدقيق كويس
- اضرب البيض مع اللبن
- اعمل حفرة في نص الدقيق وحط فيها البيض واللبن
- اعجن الخليط لحد ما يتماسك وحطه في بولة مدهونة زيت
- غطي العجينة وسيبها ساعتين تتخمر
- خرج الهواء من العجينة وافردها
- قطع العجينة بكوباية واعمل دايرة أصغر بالسكينة وسيبها تهدى نص ساعة
- اقلي الدونتس في الزيت وصفيه كويس
- دوب النشا في ربع كوباية لبن
- حط كمية اللبن الباقية في حلة على نار متوسطة
- ضيف السكر وقلب لحد ما يدوب وضيف الفانيليا وسيب الخليط لحد ما يغلي
- ضيف النشا تدريجيا على اللبن مع التقليب المستمر
- بعد ما الخليط يغلي.. قلل حرارة النار لحد ما يبقى خليط سميك
- ارفع خليط اللبن والنشا من على النار
- اخفق صفار البيض وضيفه على الخليط بعد ما يبرد شوية وقلب لحد ما يتجانس
- وزع الكاسترد في كيس حلواني
- دخل طرف كيس الحلواني في جانب الدوناتس واحشيه بكمية مناسبة
- غطي الدونتس بالصوص (شوكولاتة/ كراميل/ سكر بودرة)
طريقة عمل الدونات بالشوكولاتة
المكونات
- 3 معالق كبار زبدة
- تلتين كوباية سكر
- بيضة
- كوبايتين ونص دقيق
- نص كوباية كاكاو
- معلقة صغيرة بيكنج بودر
- نص معلقة صغيرة ملح
- تلتين كوباية لبن
- زيت للتحمير
- صوص شوكولاتة/ سكر بودرة (للتزيين)
الطريقة
- اخلط الزبدة والسكر والبيض لحد ما يبقى خليط لونه أصفر فاتح
- امزج الدقيق مع الكاكاو والبيكنج بودر والملح
- صب اللبن على خليط الزبدة بالتدريج وقلب لحد ما المكونات تتجانس
- ضيف الدقيق للخليط وقلب لحد ما تبقى عجينة متماسكة
- افرد العجينة وشكلها لدواير
- حمر الدونت في الزيت الغزير السخن لمدة 3 دقايق وصفيها كويس
- وزع السكر البودرة او صوص الشوكولاتة على الدونتس
