الحفاظ على التلاجة شيء مهم وبيوفر فلوس كتير لأن التلاجة دورها أساسي في الحفاظ على الأطعمة من التلف والاحتفاظ ببرودة المياه في الصيف الحار، وتخزين وتجميد الأطعمة زي اللحوم اللي ممكن تتلف لو اتخزنت بره التلاجة، وعشان تتطول عمرها الافتراضي وتحافظ عليها هنقولك مجموعة نصايح:
- خليها بعيد عن الفرن أو أي مصدر حرارة أو أشعة الشمس المباشرة
- لو المطبخ ضيق غطي مكان الشباك مصدر الشمس وحط لوح كارتون بين التلاجة وبين الفرن
- ثبّت مكان التلاجة وبلاش تغير مكانها إلا للضرورة ومرات قليلة في السنة
- نضف التلاجة كل فترة خصوصًا الجزء الخلفي منها
- تراكم الأتربة عليها بيضعف كفائتها والأحسن تنضفها باستخدام المكنسة الكهربائية لإزالة أي غبار
- ماتخزنش حاجة فوقها عشان بترفع درجة حرارتها والموتور بيبذل جهد أكبر
- تنضيف الطرف المطاطي في باب التلاجة مهم لمنع تسريب الهواء
- وزع الأكل داخل التلاجة بتوازن من غير ما تزحم أي مكان على آخره
- قلل عدد الحاجات الموجودة في أول رف
- قلل مرات فتح الباب وخليها فقط وقت الضرورة
- بلاش تأجل إصلاح أي عطل واهتم بالصيانة الدورية في مواعيدها
