مرأة
سكراب الإيد: أهميته ووصفات مختلفة وسهلة لعمله
المحتويات
سكراب الإيد من الحاجات الأساسية في روتين العناية بالجلد لأنه بيساعد في الحفاظ على نعومة الإيد وحمايتها من آثار الشمس والأتربة، هنقولك وصفات سهلة وبسيطة ممكن تعمليهاذ في البيت.
أهمية سكراب الإيد
- بيساعد على التخلص من خلايا الجلد الميت واسمرار اليدين وبالتالي الإيد بتمتص كريمات الجسم بشكل أفضل
- بيخلص جلد الإيد من شكلها الباهت والجاف
- بيقلل فرص الإصابة بجفاف الإيد وظهور التجاعيد المبكرة فيها
- مهم تعمليه مرة أسبوعيا وتجنبي عمله بشكل متكرر لأنه ممكن يسبب تهيج وإحمرار جلد الإيد
- ترطيب الإيد بعده بكريم أو زيت مناسب خطوة ضرورية لتجنب جفافها
ماسكات سكراب الإيد
ماسك السكر
- اخلطي كوب سكر مع نص كوب زيت زيتون
- ضيفي 15 قطرة من زيت أساسي زي زيت الشاي
- احفظي الخليط في برطمان محكم
- استخدمي معلقة نضيفة عشان تخرجيه واعملي مساج لإيدك دقيقة
- اغسليه بمياه دافية
ماسك زيت جوز الهند
- اخلطي تلتين كوب سكر مع ربع كوب زيت جوز الهند سايح
- ضيفي 15 قطرة من زيت الليمون أو معلقة كبيرة عصير ليمون
- ممكن تزودي في المكونات لحد ما القوام يكون سميك
- استخدمي معلقة نضيفة عشان تخرجيه واعملي مساج لإيدك دقيقة وبعدين اغسليه بمياه دافية
ماسك السكر وزيت جوز الهند
- مناسب للإيد والقدم
- اخلطي كوب سكر مع 3 معالق كبار ملح خشن في وعاء كبير
- ضيفي نص كوب زيت جوز هند سايح وقلبيه كويس
- ضيفي 4 قطرات زيت فيتامين هـ
- وبعدين 5 قطرات من زيت أساسي مناسب زيت زيت الشاي/ اللافندر/ النعناع
- اعملي بيه مساج لإيدك عشر دقايق وبعدين اغسليه بمياه دافية ورطبي إيدك بكريم بعدها
ماسك القهوة لسكراب الإيد
- اخلطي نص كوب قهوة مطحونة (أو بواقي قهوة مستخدمة) مع معلقتين كبار مياه دافية
- ضيفي معلقة كبيرة زيت جوز الهند سايح
- اخلطيهم كويس وممكن تزودي القهوة عشان القوام يكون كريم سميك
- احفظيه في برطمان محكم واحفظيه في التلاجة
ماسك زيت الزيتون
- اخلطي نص كوب سكر بني مع ربع كوب زيت حوز هند سايح أو زيت زيتون
- ضيفي معلقتين كبار عسل للخليط
- قلبيه لحد ما القوام يتقل واستخدميه على إيدك عشر دقايق وبعدين اغسليه بمياه دافية
