المحتويات
زيت النخيل بيستخلص من ثمار النخيل، ومن أكتر المكونات المستخدمة في العالم لأنه بيدخل في صناعة الصابون والروج والحبر والأطعمة المختلفة لانخفاض تكلفته، وحصل بسببه جدال عالمي بين الباحثين والأطباء عن أضراره وإزاي بيأثر على الجسم.
ما هو زيت النخيل؟
بيستخلص من ثمرة نخيل الزيت الموجودة بشكل طبيعي في المناطق الحارة زي جنوب وغرب أفريقيا، لكن الموقع الرئيسي ليها حاليا هو جنوب شرق آسيا زي إندونيسيا وماليزيا اللي توسعوا في زراعتها بسبب الطلب العالمي عليها
في نوع تاني اسمه زيت نواة النخيل Palm Kernel Oil واللي بيستخرج من نواة بذرة الشجرة مش الثمرة
في اختلاف بين نوعين الزيت في نسبة الدهون الضارة، زيت النواة بتوصل نسبة الدهون فيه لحد 85% وزيت النخيل لـ50%
قوام الزيت بيكون متماسك في درجة حرارة الغرفة وبالتالي بيحافظ على تماسك المكونات اللي بيتم إضافته ليها
العناصر الغذائية لزيت النخيل
كل معلقة كبيرة (14 جم) منه فيها:
- 114 سعر
- 14 جم دهون
- 7 جم دهون مشبعة
- 5 جم دهون أحادية غير مشبعة
- 1.5 جم دهون غير مشبعة
- 11% من احتياجك اليومي من فيتامين هـ
- حمض البالمتيك بيكون 44% من سعراتها الحرارية
- فيه كمية كبيرة من حمض الأوليك وكمية أصغر من حمض اللينوليك
- فيه مضادات أكسدة زي الكاروتينات والبيتا كاروتين اللي الجسم بيحولها لفيتامين أ
استخدامات زيت النخيل
- بيستخدم في أطباق مختلفة زي القلي العميق أو الطبخ أو التشويح
- بيتم إضافته لزبدة فول السوداني والشوكولاتة القابلة للدهن لحماية المركبات من الانفصال عن بعضها
- بيتم إضافته لمنتجات غير غذائية زي الصابون ومستحضرات التجميل
- عجينة البيتزا الجاهزة والآيس كريم والخبز المعلب الجاهز والمعجنات
- مهم تقرأ المكونات قبل شراء أي منتج
فوائد زيت النخيل المحتملة
بعض الدراسات أثبتت احتمالية وجود فوائد ليه زي:
صحة العقل
- هو مصدر غني للـ(Tocotrienols) وهو شكل قوي من فيتامين هـ وليه خصائص مضادة للأكسدة بتساعد على تحسين صحة العقل
- ليها دور في تقليل انحدار الذاكرة والوقاية من خطر الإصابة بالسكتة الدماغية
صحة القلب
أراء الباحثين والدراسات اختلفت حوالين النقطة دي، فالبعض منها أثبت فوائده لتقليل آثار عوامل الإصابة بأمراض القلب زي ارتفاع الكوليسترول الضار وانخفاض الكوليسترول الجيد
فيتامين أ
ليه دور في تحسين مستوى فيتامين أ في الجسم عند الأشخاص المصابة أو معرضة للإصابة بنقصه زي الحوامل
أضرار زيت النخيل
- الجدال عن الفرق بين فوائده وأضراره مازال مستمر، وبالرغم من وجود بعض الدراسات اللي أثبتت فعاليته إلا إن في دراسات تانية بتثبت أضراره
- بالرغم من إنه غني بالزيوت غير المشبعة المفيدة ومضادات الأكسدة وفيتامين أ إلا إن نسبة الدهون المشبعة فيه أكتر من الحد الطبيعي وبتشكل خطورة على صحة القلب وممكن تسبب تصلب الشرايين
- بعض الدراسات أثبتت إنه بيسبب زيادة مستوى الكوليسترول الضار في الجسم عن غيره من الزيوت وبالتالي زيادة فرص الإصابة بالسمنة والضغط وداء السكري
- تعرضه للحرارة أو إعادة تسخينه بيقلل من فوائد مضادات الأكسدة
- بيتداخل مع بعض الأدوية اللي بتبطأ من تخثر الدم
- بعض الدراسات أثبتت إن الانتظام على تناوله بيزود خطر الإصابة بالسرطان
