خطوات عمل مربى الفراولة في البيت بمكونات بسيطة

مربى الفراولة من ألذ أنواع المربى اللي ممكن تستخدمها في وصفات الفطار المختلفة للكبار والأطفال، وليها استخدامات مختلفة في الحلويات والمعجنات.

طريقة عمل مربى الفراولة 

المكونات

كيلو فراولة

نص كيلو سكر

3 عيدان قرفة

نص عصير ليمونة

معلقة كبيرة من قشر البرتقال

الطريقة

اغسل الفراولة كويس جدا وبعدين قطعها لأنصاص أو أرباع

في وعاء كبير على النار.. ضيف الفراولة والسكر وقلبهم كويس عشان المكونات تمتزج وسيب الخليط على نار هادية لمدة حوالي ساعة مع الحرص على عدم فقدان المياه المستخلصة من الفراولة

ضيف الليمون والقرفة وبشر البرتقال مع التقليب المستمر وسيب الخليط نص ساعة على نار هادية

قلب الخليط كل شوية لتجنب التصاق الفراولة في الوعاء

لما المياه تنشف.. شيل الوعاء من على النار وسيبها تبرد تماما من الحرارة

احفظها في برطمانات محكمة الغلق وسيبها في التلاجة

طريقة عمل مربى الفراولة المجمدة

المكونات

نص كيلو فراولة مجمدة

كوب سكر

معلقة كبيرة عصير ليمون

معلقة كبيرة من الجيلاتين البودرة

الطريقة 

سيب الفراولة حوالي نص ساعة عشان تتخلص من التلج اللي فيها

حط الفراولة في الخلاط واخلطها كويس لحد لما القوام يكون سميك

دوب الجيلاتين في كمية قليلة من المياه

حط عصير الفراولة في وعاء وضيف ليه السكر مع التقليب الجيد وبعدين حط الوعاء على النار وسيبه لحد الغليان

قلل الحرارة وسيبه ربع ساعة مع التقليب كل فترة

ضيف عصير الليمون مع الجيلاتين المذاب حتى يتماسك القوام

صب المربى في برطمانات واحفظها في التلاجة