المحتويات
تسجيل الرغبات على موقع التنسيق للالتحاق بالجامعات الحكومية خطواته بسيطة وسهلة ولكنها كتيرة وليها مدة زمنية محددة لازم تخلّص فيها قبل انتهاء صلاحية وجودك على الموقع، وبالتالي مهم تعرف خطوات تسجيل الرغبات على موقع التنسيق بالتفصيل.
رابط تسجيل الرغبات في موقع التنسيق
- منصة مصر الرقمية بتتيح خدمات كتير للمواطنين من خلالها ومن أهمها خدمة التنسيق الإلكتروني
- بتقدر وإنت في بيتك تسجّل رغباتك من خلال موقع وزارة التعليم العالي والبحث العلمي
- اعرف إنك لازم تسجّل 75 رغبة وبالتالي لو سجّلت أقل من كده الموقع هيرفض التسجيل
- الرابط بيضم الحدود الدنيا للكليات من سنة 2014 لحد 2020 سواء نظام حديث أو قديم
خطوات ترتيب الرغبات قبل دخول الموقع
- الموضوع محتاج تأني وصبر منّك قبل التسجيل
- اقعد مع حد بتثق فيه وعنده خبرة في كتابة الرغبات ورتّب الكليات حسب ميولك
- فكّر دائمًا في الاحتمالات المختلفة عشان تقدر تكتب الرغبات صح
- بلاش تكتب كليات استحالة تلتحق بيها على الأقل في أول 30 خانة
- اكتبهم على الكومبيوتر أو بورقة وقلم عشان تسهّل عملية التسجيل عليك
- لازم تبقى عارف قواعد القبول الجغرافي عشان تكتب رغباتك صح بدون مفاجآت وقت التسجيل
- افتكر إن ترتيب الرغبات نابع من رغبتك إنت ومش مرتبط بالحدود الدنيا للكليات السنين اللي فاتت
قواعد القبول الجغرافي في التنسيق
- الطلاب بيتقسّموا على أساس تجميع محدد للجامعات حسب قطاعات محددة وهي مجموعات (أ) و(ب) و(ج)
- (أ) إجبارية وهي الجامعة أو مجموعة الجامعات الأقرب لإدارته التعليمية
- أحيانًا بتبقى أكتر من جامعة لو الإدارة التعليمية موقعها في منطقة وسط بين جامعتين
- (ب) إجبارية بعد استكمال الاختيارات في مجموعة (أ) وهي المجموعات القريبة من الحيّز الجغرافي لإدارة الطالب التعليمية
- وبالتالي ضروري للطالب استكمال الكليات التابعة لنطاقه الجغرافي (أ) قبل البدء في كتابة الكليات في نطاق (ب)
- من خلال الرابط ده تقدر تعرف الجامعات اللي بتقع سواء في مجموعة (أ) أو (ب) حسب محافظتك أو حتى منطقتك التعليمية لو كان ليها وضع مختلف
- ضروري تراعي قواعد القبول الجغرافي أثناء إعدادك للرغبات قبل تسجيلها
خطوات تسجيل الرغبات على موقع التنسيق
- ادخل على موقع التنسيق واختار اضغط هنا لتسجيل رغباتك
- اختار طبيعة شهادتك سواء ثانوية عامة أو مدراس العلوم والتكنولوجيا
- اكتب رقم الجلوس والرقم السري الخاص بيك (المكتوب على شهادة الثانوية العامة)
- اكتب الرقم التأكيدي مرتين
- حدد الاختيار بالتخصصات وكل المعاهد واختار الكلية اللي عايز تكتبها وبعدها الجامعة
- اضغط على إضافة
- هيظهر سهم لفوق وسهم لتحت لتعديل الرغبات
- بعد ما تخلّص اختار الخطوة التالية
- هتظهر كل الرغبات في قائمة واحدة تحت بعضها ووقتها مهم تتأكد إن دي الرغبات اللي كتبتها
- اكتب رقم جلوسك والبيانات المطلوبة منّك زي رقم الموبايل والإيميل والرقم السري
- في النهاية اضغط على تسجيل
- اضغط على المستطيل المكتوب عليه (اطبع الاستمارة وإيصال التسليم) واتأكد إنك محتفظ بيها على جهازك في صيغة pdf
