المحتويات
تحديد لو شريكك هو الشريك المناسب ليك ممكن يبقى صعب خاصة لو العلاقة لسه في بدايتها، لكن في علامات معينة تقدر تحدد بيها مدى التوافق بينكم.
لما شريكك يكون هو الشخص المناسب ليك، ده لا يعني عدم وجود توتر أو شكوك في البداية لأن طبيعي جدا تفكر في نقاط ضعف وقوة العلاقة
لكن مع التفكير الجيد ومرور الوقت، العلاقة بتكون أكتر قوة وبتقدر تتأكد من توافقكم بتوافر بعض الصفات المهمة
لو بتقدر تكون نفسك معاه
- بالرغم من بديهية الشرط إلا إنه مهم جدا لأن الشعور بالارتياح التام وإنك على طبيعتك هيساعدك تدرك مدى توافقكم وتقبل الطرف التاني ليك
- لازم شريكك يتقبلك بشكل كامل ويظهر اهتمامه بهواياتك ونشاطاتك المفضلة وآرائك ومعتقاداتك عشان تقدر تمارسهم بدون خوف من حكمه عليك
الكلام عن أي شيء دليل على قوة العلاقات
- التواصل العميق مع الطرف التاني والقدرة في التعبير عن أي شيء بتمر بيه مهم جدا
- الشريك المناسب لا يصدر أحكام أو يقلل من قيمة أفكارك والحاجات اللي بتهتم بيها وبيحترم صراحتك ومشاعرك بشكل كبير
- لازم يكون عنده قدرة إظهار الحب بكل أشكاله في المواقف المختلفة بدون تردد
الشريك المناسب والأولوية
- لو بيحسسك إنك الأولوية الأولى في حياته يبقى شريك مناسب ليك، لأنك مش محتاج تطلب منه اهتمام أو تركيز
- لو بدأ يحكيلك عن خططه المستقبلية سواء في الحياة أو حتى الخطط البسيطة زي يومه وبيضمك فيها تبقى علامة جيدة
الخلافات والشريك المناسب
- طريقة التعامل مع الخلافات وتخطيها هيساعدك تحدد لو الشخص ده مناسب ليك ولا لأ
- مهم جدا تحس بالطمأنينة ووجوده غير المشروط مهما كان الخلاف كبير
- الخناقات لازم تحصل بطريقة فيها تحضر بدون استغلال أي نقاط ضعف في شخصيتك
الاستقلال الصحي
- الاستقلال في العلاقات مهم بنفس قدر قضاء الوقت مع بعض، فمهم كل شخص يحس بمساحته الشخصية المستقلة عن الطرف التاني تماما
- لو بتقدروا تخصصوا وقت تقضوه مع بعض بسهولة وفيه قدر من الارتياح والانبساط متساوي بينكم
- وفي نفس الوقت تقدروا تقضوا بشكل منفصل بدون خناق.. تبقى علاقة صحية
تغيرات المخ والشريك المناسب
- دراسة أمريكية سنة 2005 أثبتت إن من علامات إيجاد الشخص المناسب هي المرور بتغييرات في المخ لأن الشعور بالحب الصادق والتعلق بيأثر على التفاعل الكيميائي فيه
- التفكير فيه بيسبب تحفيز الدوبامين وهو الناقل العصبي المسؤول عن السعادة وتنشيط أماكن المسؤولة عن المكافأة في المخ
التشجيع والشريك المناسب
- دعم أحلام وطموحات شريكك دليل على العلاقة الصحية، فالتطلع لنجاحك والإعجاب بيها ودعمك على استكمالها في أحسن صورة من العلامات المهمة
- الشريك المناسب هو أكبر مشجع ليك وبيساعدك في تهيئة الظروف المناسبة لتحقيق حلمك
التناغم مع الشريك المناسب
- التناغم مع شريكك بشكل كلي في التفكير والاحتياجات والطموحات بيساعدك على الشعور بالاتصال بيه
- مهم تحس إنك مسموع ومرئي ومتقدر ويظهرلك الاحترام والإعجاب بشكل تلقائي معاه
- دراسة سنة 2016 أثبتت إن بعض الأزواج عندهم قدرة كبيرة من التوافق في التفكير لدرجة نشاط جهازهم العصبي في نفس اللحظة، وده بيساعدهم على فهم أفكار ومشاعر بعض بسهولة
