المحتويات
تقليل الاغتراب هدفه الرئيسي التحاق الطالب بكلية في المنطقة (أ) المجاورة لمربعه السكني بدلًا من الاغتراب في منطقة بعيدة، واعلنت وزارة التربية والتعليم عن ظهور نتيجة تنسيق المرحلة الثانية اليوم بجانب نتيجة تقليل الاغتراب للمرحلتين الأولى والثانية.
هدف تقليل الاغتراب
- الهدف الرئيسي هو تقليل اغتراب الطالب والتحاقه بكلية داخل المنطقة الجغرافية القريبة منّه وبتتسمى المنطقة (أ) بدلا من اغترابه ودراسته في كلية بعيدة عن مكان سكنه
أهمية التوزيع الجغرافي
- الطلاب بيتقسّموا على أساس تجميع محدد للجامعات حسب قطاعات محددة وهي مجموعات (أ) و(ب) و(ج)
- (أ) إجبارية وهي الجامعة أو مجموعة الجامعات الأقرب لإدارته التعليمية
- أحيانًا بتبقى أكتر من جامعة لو الإدارة التعليمية موقعها في منطقة وسط بين جامعتين
- (ب) إجبارية بعد استكمال الاختيارات في مجموعة (أ) وهي المجموعات القريبة من الحيّز الجغرافي لإدارة الطالب التعليمية
- وبالتالي بيستكمل الطالب الكليات التابعة لنطاقه الجغرافي (أ) قبل البدء في كتابة الكليات في نطاق (ب)
- من خلال الرابط ده تقدر تعرف الجامعات اللي بتقع سواء في مجموعة (أ) أو (ب) حسب محافظتك أو حتى منطقتك التعليمية لو كان ليها وضع مختلف
- لو نتيجة التنسيق ظهرت واترشح الطالب لكلية في نطاق الجغرافي (ب) يقدر بسهولة يقدم على تقليل اغتراب ويدخل كلية في نطاق (أ) ولكن وفقًا لقواعد محددة
قواعد تقليل الاغتراب
- الموضوع بينقسم لجزئين سواء كليات غير مناظرة أو مناظرة
كليات غير مناظرة
- مسموح للطالب اللي اترشح لكلية خارج المنطقة الجغرافية (ب) البعيدة عن سكنه التحويل إلى كلية غير مناظرة في نطاقه الجغرافي (أ) وفقًا لشروط محددة:
- مجموع الطالب لازم يبقى معادل أو أعلى من الحد الأدني للكلية اللي هيحول إليها
- لازم يستوفي الطالب باقي قواعد دخول الكلية خصوصًا لو لها اختبار للقدرات
- مثلًا لو الطالب التحق بهندسة الإسكندرية وهو من القاهرة يقدر يحوّل لفنون جميل حلوان لكن ضروري يكون مجتاز لاختبارات القبول قبل كده
الكليات المناظرة
- ممكن للطالب التحويل من كلية اترشح إليها في المنطقة الجغرافية (ب) لكلية منظارة في المنطقة الجغرافية (أ) حتى لو بتاخد حد أدنى أعلى من مجموعه
- الموضوع مرتبط بترتيب الطالب بين المتقدمين للتحويل، مثلًا لو طالب عايز يحوّل من هندسة أسيوط وهو من سكان الغربية ضروري يكون مجموعه عالي بين الطلاب المحولين عشان تزيد فرص قبول طلبه
- لو الطالب من محافظات القاهرة الكبرى (القاهرة والجيزة والقليوبية) الموضوع بيختلف
- بيتاح إليه الدخول في الكلية صاحبة الحد الأدنى لو مجاميع الطلاب الراغبين في التحويل أعلى منّه بكتير
- نفس الكلام بينطبق علي الطلاب اللي منطقتهم الجغرافية فيها أكتر من كلية مناظرة
الكليات اللي ليس لها نظير في باقي الجامعات
- تخطيط العمرانى بجامعة القاهرة
- اللغات والترجمة جامعة اسوان
- الكلية التكنولوجيا والتنمية شعبة علوم مالية وشعبة علوم زراعية
- الكليات دي صعب التحويل منها أو إليها
نسبة القبول داخل الجامعات
- بتقبل التحويلات بين الجامعات المصرية ولكن في حدود 10% من الطاقة الاستيعابية لكل كلية
- وبالتالي بتاخد أي كلية بتستقبل تحويلات تقليل الاغتراب أعلى 10% من الطلاب المحولين إليها
خطوات تقليل الاغتراب للمرحلة الثالثة
- اختار برنامج تقليل الاغتراب من موقع التنسيق وبعدها ادخل واكتب رقمك السري ورقم الجلوس
- حدد من القائمة اللي فوق إذا كنت هتحول لكلية مناظرة أو غير مناظرة
- وبعدها اكتب البيانات المطلوبة منّك واعمل حفظ ليها
- بتظهر النتيجة على نفس الموقع وقريبًا هيتم إعلان تقليل الاغتراب للمرحلة الثالثة بعد تسجيل طلاب التنسيق فيها
