المحتويات
بواقي الفراخ ممكن تبقى أطباق جديدة وشهية بخطوات سهلة وبسيطة، مع إضافة مكونات جديدة، عشان تقدر تستغلها حتى لو مش بتحب تاكل الأطعمة البايتة، وتتجنب تزاحم التلاجة بالعلب والأطباق والحلل، لحد ما تفسد وتضطر تتخلص منها في أكياس القمامة.
تشكين ألفريدو رول
المكونات
- 4 كوبايات فراخ (متنسلة)
- علبة لازانيا
- معلقتين كبار زبدة
- فصين توم مفروم
- ربع كوباية دقيق
- كوبايتين ونص لبن حليب
- معلقة كبيرة عصير ليمون
- كوباية كريمة
- نص كوباية جبنة بارميزان مبشورة
- معلقة كبيرة بقدونس مفرومة
- ملح/ فلفل أسود
الطريقة
- شوح التوم في الزبدة وضيف الدقيق وقلب لمدة دقيقة
- هدّي النار وضيف الدقيق مع استمرار التقليب عشان ميكلكعش
- بعد ما الخليط يغلي.. ضيف الكريمة والجبنة البارميزان
- ضيف عصير الليمون والبقدونس وتبل الصوص بالملح والفلفل الأسود
- شيل مقدار كوباية ونص من الصوص
- ضيف الفراخ على باقي الصوص وقلب لمدة دقيقتين
- في صينية.. افرد معلقتين كبار من الصوص
- افرد شرايح اللازانيا المسلوقة في مياه مملحة
- حط كمية من خليط الفراخ ولف اللازانيا رول
- رص رول اللازانيا ورش عليه باقي الصوص (ممكن معاها جبنة موتزاريلا)
- دخلها الفرن على درجة حرارة 350 لمدة 20 دقيقة لحد ما وشها يحمر
شوربة بواقي الفراخ مع النودلز الآسيوية
المكونات
- كوبايتين فراخ (بواقي متنسلة)
- كيس نودلز
- معلقة كبيرة زيت
- حبة بصل مفرومة
- حبتين فلفل أخضر مفرومة
- حبة جزر مقطعة شرايح رفيعة
- فصين توم مفرومين
- معلقة كبيرة كاري
- ربع معلقة صغيرة شطة
- 3 كوبايات شوربة فراخ
- علبتين لبن جوز هند مخفوق
- معلقة كبيرة كزبرة مفرومة
الطريقة
- شوح البصل في الزيت مع الفلفل الأخضر والجزر لحد ما تبقى طرية
- ضيف التوم وقلب لمدة دقيقتين وتبل بالكاري والشطة والملح
- حط لبن جوز الهند ومرق الفراخ وقلب لحد ما يغلي وقلل النار
- ضيف الفراخ والكزبرة والنودلز وسيبها لحد ما تستوي
سلطة التفاح وبواقي الفراخ
المكونات
- كوبايتين فراخ مسلوقة مقطعة مكعبات
- حبتين تفاح أخضر مقطع مكعبات
- كوباية كرات
- معلقة صغيرة عسل أبيض
- علبتين زبادي
- معلقة صغيرة كاري
- ملح/فلفل أسود
- معلقة صغيرة بودرة بصل
الطريقة
- اخلط الزبادي مع الكاري والملح والفلفل الأسود والعسل وبودرة البصل
- في بولة عميقة.. اخلط الفراخ مع التفاح والكرات
- ضيف صوص الزبادي وقلب المكونات مع بعض كويس
طاسة الكوردن بلو من بواقي الفراخ
المكونات
- كيس مكرونة قلم
- كوبايتين فراخ (متنسلة)
- 4 معالق كبيرة زبدة
- فصين توم مفروم
- 3 معالق دقيق
- 4 كوبايات شوربة فراخ
- كوباية كريمة
- معلقة صغيرة مسطردة
- كوباية لانشون مدخن
- نص كوباية جبنة بارميزان مبشورة
- معلقة كبيرة بقدونس مفروم
- نص كوباية جبنة شيدر
الطريقة
- شوح التوم في الزبدة لمدة دقيقتين وضيف الدقيق وقلب كويس عشان ميكلكعش
- ضيف شوربة الفراخ والكريمة وسيب الخليط يغلي
- تبل بالملح والفلفل الأسود وضيف المسطردة
- قلل حرارة النار وسيب الخليط لمدة 10 دقايق
- اسلق المكرونة في مياه مملحة لمدة 8 دقايق وصفيها
- ضيف الفراخ واللانشون المدخن والجبنة الشيدر وقلب كويس
- حط الجبنة البارميزان على الوش ودخلها الفرن لمدة 15 دقيقة
