المحتويات
انواع الرخام الأبيض كتير ومتنوعة واستخدماتها مختلفة وبالتالي ضروري تعرف الفرق بينهم، وفي نفس الوقت تعرف الأنواع المناسبة لكل ركن من أركان المنزل سواء المطابخ أو الحمامات أو الأرضيات أو السلالم، وبدائله في حالة عدم القدرة المادية على شرائه.
انواع الرخام الأبيض
الزعفرانة
- بيتقسم لبعض الأنواع زي الفاتح أو الغامق أو الكريمي
- مناسب للمطابخ والسلالم وبيتحمل تركيبه على الأرضيات
صني
- منه أنواع صني فص وصني روز
- مش من أجود الأنواع ولكن ممكن يستخدم في الحوائط لأنه بيتأثر بالعوامل الجوّية والمياه
- أحيانًا بيستخدم في تطعيم بعض أنواع الرخام عالية الجودة
سلفيا
- في منه نوعين الفاتح أو الأخضر ولكن الأخضر أفضل
- الخبراء بيقولوا إنه بيليق على أغلب الديكورات الحديثة وممكن تطعّم أجزاء منّه بالجرانيت
- من عيوبه بعض الخطوط اللي فيه ممكن تزوّد الشقوق اللي بتزوّد فرص تجمّع الأتربة فيه
- مناسب للحوائط فقط لكن لو اتركّب على السلّم قلل تعرضه للمياه قدر المستطاع
المنيا
- منه أنواع فاتح وغامق وفص
- مش من أفضل الأنواع ومناسب للحوائط فقط لكن تجنّب استخدامه في الأرضيات أو المطابخ
الجلالة
- منه أنواع السادة والفص والروز
- من أغلى الأنواع ومناسبة لكل الاستخدامات
- السادة بيشبه الكريستال في نقائه
- الفص بينقسم لنوعين منهم الفص البصمة وفصوصه واضحة وغالبًا بتبقى أميل للرصاصي
- النوع التاني بيبقى الفص كريمي وأبيض يكاد يكون ملحوظ
- أما الجلالة الروز بيبقى فيه عروق لونها أحمر وفصه أميل للأحمر
التريستا
- منه نوعين الفاتح والغامق
- مناسب للأرضيات والسلالم
- من أفضل الأنواع وببستخدم للتطعيم مع الجلالة
- أبرز عيوبه إن إفرازه للملح كتير مع الوقت لكن فيه بعض المواد ممكن تستخدم لمعالجته
طرق إزالة خدوش الرخام
- نضف الرخام كويس وجففه بقطعة قماش
- رُش مياه تاني بكمية بسيطة وركز على أماكن الخدوش
- ادعك مكان الخدش بورقة صنفرة ناعمة وبلاش تستخدم الصنفرة الخشنة
- رش مياه كل ما تحس بجفاف سطح الرخام وبلاش تدعك بقوة وخلي لمساتك خفيفة
- استمر في الصنفرة لمدة 10 دقايق واشطف الرخام بالمياه تاني وجففه كويس
- اشتري بودرة تلميع الرخام (بتتباع أونلاين أو في محلات المنظفات)
- اقرأ تعليمات الاستخدام المكتوبة عليه عشان تعرف تحدد الكمية المناسبة منه
- رش منه على أماكن الخدوش والأحسن تبقى طبقة رفيعة مش سميكة
- استخدم بخاخة مياه ورش منها على سطح الرخام باستمرار
- ادعك أماكن الخدوش بورقة الصنفرة تاني قدر المستطاع ونضّف الرخام بالمياه تاني عشان تشيل البودرة
- ممكن تحتاج تكرر الخطوات دي أكتر من مرة عشان توصل لأحسن نتيجة والأحسن تستخدم جهاز الصنفرة الكهربائي
بدائل الرخام في الديكور
للحمامات
- لازم تختار نوع يتحمل الرطوبة والحرارة
- لازم يتحمل الصابون ومستحضرات التنضيف
- تجنب اختيار النوع الناعم لأنه غير مناسب لطبيعة استخدامات الحمامات
- ممكن تستبدله بالجرانيت أو الكوارتزيت
للمطبخ
- الكوارتز مرو بيعتبر سعره معقول وبيتطلب صيانة أقل ليه أشكال كتير
الكوارتزيت
- الخيارات فيه أوسع وهو مزيج من المتانة والسعر المتوسط
- حجر طبيعي مثل الجرانيت وأشكاله أنيقة زي الرخام الكلاسيكي
بديل الرخام للأرضيات
بلاط بورسلين
- من أكتر الأنواع المنتشرة لأنه متين وجودته شبه الرخام وهو مزيج من النعومة والأشكال المتعددة اللي ممكن تختار منها وفيه منّه أنواع شبه الرخام بشكل كبير
- بلاط السيراميك هو الأكتر طلبا كبديل ليه
بدائل الرخام للواجهات
البورسلين
- معدل امتصاصه للمياه قليل وبيستحمل الشغل التقيل وبيعتبر من الأنواع المتينة على المدى الطويل
السيراميك
- في أنواع منه ليها مظهر رخامي وبالتالي بيكون مناسب للواجهة وبيستحمل درجات الحرارة المرتفعة وبالتالي اختيار مناسب للجدران
