المحتويات
ناس كتير بتفكر تاخد قرض يساعدهم في مصاريف الدراسة أو تكاليف سفر أو يعملوا مشروع أو تسديد تكاليف الزواج وبيتم منحه على أساس معايير أساسية زي (مستوى الدخل/ تاريخ الائتمان/ الوظيفة/ القدرة على السداد) وكل بنك بيحط مجموعة شروط ومستندات مطلوبة، مع قيمة محددة للتمويل ونسبة الفائدة وفترة السداد.
لو فكرت في البنك الأهلي عشان خدماته سهلة وفروعه منتشرة في أماكن كتير، هنقولك الشروط والمستندات وكل التفاصيل اللي هتحتاج تعرفها للقروض.
الشروط والمستندات المطلوبة
- مايقلش عمر المقترض عن 21 سنة ومايزدش عن 60 سنة في نهاية التمويل
- صورة بطاقة الرقم القومي الساري
- خطاب معتمد من جهة العمل موضح فيه الدخل الشهرى وتاريخ التعيين (مفردات مرتب)
- خطاب تعهد بتحويل المرتب أو القسط للبنك لحد انتهاء سداد القرض
- فاتورة كهرباء حديثة (تاريخها معداش عليه 3 شهور بحد أقصي و بقيمة 25 جنيه بحد أدنى)
- الدخل الشهري يكون 1500 جنيه كحد أدنى
- للأعمال الحرة تقديم صورة من السجل التجاري والبطاقة الضريبية للبنك وكشف حساب بنكي عن آخر 6 شهور
- فترة السداد من سنة لـ10 سنين
غرامة تأخير سداد قسط القرض
- تبلغ قيمة تأخير سداد قسط القرض 20 جنيها بالإضافة لـ2 % من المبلغ المستحق غير المسدد
قيمة القرض
- للعاملين بالهيئات الحكومية وهيئات القطاع العام والأعمال العام: بيصل لـ30 ألف جنيه على 4 سنين
- للعاملين بالشركات متعددة الجنسيات والشركات القابضة والمساهمة الخاصة المدرجة بالبنك: بحد أقصى 500 ألف جنيه على 4 سنين
- للأفراد العاملين بشركات قطاع البترول والغاز والبتروكيماويات ضمن الهيئة العامة للبترول على 5 سنوات
- أصحاب الأعمال والمهن الحرة: بحد أقصى 1 مليون جنيه على 7 سنوات
قيمة الفايدة
- 13.75 إلى 16.5% متناقصة سنويا وتتباين الفائدة حسب نوع وظيفة العميل وإمكانية تحويل الراتب أو قسط القرض على البنك
المصاريف الإدارية
- بتتراوح بين 2% من إجمالي قيمة القرض على مدة سداد القرض أقل من 7 سنوات
- 3% فوق 7 سنوات
