المحتويات
السل من الأمراض المعدية الخطيرة اللي بتصيب الرئتين وبيعتبر من الأمراض المعدية المنتقلة من شخص للتاني عن طريق الرذاذ وبيظهر عن طريق الأعراض على الشخص زي السعال المستمر لفترة طويلة وإهمال علاجه ممكن ينتج عنه مضاعفات خطيرة بتصل للوفاة
تعريف السل
- مرض بيحصل نتيجة عدوى بتسببها جرثومة بتنتشر عن طريق الغدد اللمفاوية ومجرى الدم لكل أعضاء الجسم وبيتركز نشاط الجرثومة في الرئتين
- البكتيريا المسببة للمرض معدية من خلال الرذاذ اللي بيخرج من المريض عن طريق العطس أو السعال
- بيحتاج المريض لأدوية كتير لتقليل نشاط المرض خصوصًا لو الأعراض ظاهرة
- بينقسم السل لأنواع رئيسية منها السل الكامن والسل النشط والسل المقاوم للأدوية
أنواع السل
الكامن
- الدراسات بتقول إن الجرثومة المسببة للمرض بتعيش لمدة طويلة في الجسم بدون ظهور أي أعراض
- ضعف المناعة بيشجع الجرثومة على النشاط والظهور ومع الوقت بتسبب في تلف أنسجة العضو اللي بتهاجمه
النشط
- هو السل اللي بينتقل من شخص للتاني نتيجة الاختلاط المباشر معاه والتعرض للرذاذ القادم من الفم نتيجة السعال أو العطس مش لمجرد التعامل السطحي لمرة واحدة فقط
- بتظهر أعراض خطيرة على المريض وبيحتاج العلاج في أسرع وقت
المقاوم لأدوية متعددة
- في الماضي كان السل أكثر انتشارًا من الوقت الحالي نتيجة غياب التقدم الطبي والعلمي وظهور المضادات الحيوية المعالجة للجراثيم المختلفة
- تناول مرضى السل الكامن لمضادات حيوية باستمرار بيزوّد فرص مقاومة جسم المريض للمضادات الحيوية وبالتالي وقت نشاط الجرثومة بتقل قدرة المضادات على إضعاف الجرثومة وبالتالي بيتفاقم تأثير المرض
الأعراض
- السعال المستمر لمدة 4 أسابيع ومصحوب بدم أو مخاط بكمية كبيرة
- ألم شديد وقت التنفس أو أثناء السعال
- ارتفاع درجة الحرارة والقشعريرة
- فقدان الشهية وانخفاض الوزن
- الإرهاق
- ألم شديد في الكلى والعمود الفقري والدماغ
الأشخاص المعرضين للإصابة
- المخالطين للمصابين بالعدوى
- مدمني المخدرات عن طريق الحقن بالوريد
- المصابين بفيروس نقص المناعة البشري (الإيدز)
- زوّار الدول اللي بينتشر فيها السل وهي دول الهند والصين وإندونيسيا والفلبين وباكستان ونيجيريا وبنغلاديش وجنوب أفريقيا
- الأطفال المخالطين لحالات إصابة بالسل
- لو مصاب ببعض الأمراض زي:
- السكر
- الكلى
- السرطان
- الأنيميا الحادة
- بعض أدوية الروماتويد والصدفية بتقلل مقاومة الجسم للبكتيريا وللعلاج
الأسباب
- الإصابة بالسل النشط بتزيد مع الإصابة بفيروس نقص المناعة البشري HIV اللي بيضعف المناعة وبالتالي بيتحول السل لحالته النشطة وبيستعيد قدرته في القضاء على أنسجة الجسم
- القرب من شخص مصاب وقت الحديث أو الضحك أو البصق أو السعال أو العطس وغيرها من الأنشطة اللي بينتقل عن طريقها الرذاذ من شخص للتاني
- تفاقم الأعراض بيحصل نتيجة مقاومة الجسم للمضادات الحيوية نتيجة الإفراط في استخدامها لفترة طويلة وبالتالي بتطور البكتيريا لنوع تاني خطير مقاوم للأدوية
المضاعفات
- تورم الأغشية المخاطية اللي بتغطي المخ وبتسبب التهاب السحايا
- تعطل وظائف الكبد والكلى وضعف القدرة على تنقية الدم
- اضطراب عمل القلب وأنسجته وتجمّع السوائل عليها
- ضرر كبير للمفاصل على الوركين والركبتين
- ألم وتيبس العمود الفقري
العلاج
- استشارة طبيب متخصص في أسرع وقت بيزوّد فرص العلاج اللي بياخد وقت طويل بيصل لشهور (حسب الحالة)
- أحيانًا بيوصف الطبيب بعض الأدوية زي:
- لينزوليد (Zyvox)
- بيداكويلين (Bedaquiline)
- إيثامبوتول (Ethambutol)
- إيزونيازيد (Isoniazid)
- لكن ضروري تستشير طبيب متخصص قبل تناول أي دواء
الوقاية
- البس الكمامة باستمرار خلال فترة زيارتك لأي دولة منتشر فيها المرض لأنه بيتنقل عن طريق رذاذ الفم
- بلاش تلمس حاجة بعد سقوطها في الشارع لأنه بيتنقل بالرذاذ المتطاير بعد البصق على الأرض
- ابعد عن التجمعات والأماكن المزدحمة قدر المستطاع
- اغسل إيدك وبلاش تلمس بيها وجهك إلا بعد تعقيمها
- اقعد في أماكن مفتوحة جيدة التهوية
- بلاش تاكل أو تشرب مكان شخص تاني
- ابعد عن أي شخص مُصاب بالكحة وخلي مسافة مترين على الأقل بينكم
- خليك حريص على تناول وجبات غنية بالألياف عشان تقوّي مناعتك
- اعمل تحليل الكشف عن السل (Mantoux tuberculin skin test) فورًا لو خالطت مُصاب به
- لقاح BCG لمقاومة السل ضروري لمنع الإصابة للأطفال ولكنه أقل كفاءة مع الكبار ولكن ممكن تتناوله لتقليل فرص الإصابة
