![اعراض الجلطة](https://howtoarabic.com/wp-content/uploads/2021/07/إزاي-تعرف-اعراض-الجلطة-وتحمي-نفسك-منها؟-780x470.png)
المحتويات
اعراض الجلطة بتعبر عن وجود تجمّع دموي كبير في الشرايين بيؤدي لنقص في نشاط الدورة الدموية عند العضو اللي اتصاب بالجلطة، وبتختلف أماكن ظهورها في جسم الإنسان وبتظهر غالبًا في مناطق القلب والمخ والساقين والرئة، وطرق كتير بينصح بيها الخبراء لتقليل فرص الإصابة بيها والتصرف وقت التعرض ليها.
اعراض الجلطة في القلب
- الشعور بالضغط والضيق والآلام في منطقة الصدر
- غثيان أو عسر الهضم وحرقان وألم المعدة
- ضيق وصعوبة التنفس مع عرق غزير ورعشة
- الإغماء وفقدان الوعي المفاجيء
- ألم في الذراعين ممتد للرقبة والضهر والفك
- الشعور بالتعب بسهولة بعد الأعمال الروتينية خصوصًا عند السيدات
- تورم الأطراف وعدم انتظام نبضات القلب
أسبابها
- بتحصل عند تراكم الدهون والكوليسترول في أحد شرايين القلب التاجية
- بتتكون اللويحات اللي بتسبب تضيق الشريان وعند انفجار اللويحات بتتكون الجلطة الدموية حواليها وبيتقفل الشريان بشكل كلي وبتمنع تدفق الدم لعضلة القلب
- عوامل كتير بتساعد على زيادة فرص ظهورها زي:
- التدخين
- ارتفاع ضغط الدم
- ارتفاع الكوليسترول في الدم
- الزيادة في الوزن أو السمنة
- نظام غذائي غير صحي معتمد على الدهون المشبعة والصوديوم والكوليسترول
- ارتفاع السكر في الدم (مرضى السكري)
- قلة النشاط البدني والإصابة بتسمم الحمل
- التاريخ العائلي للإصابة بأمراض القلب المبكرة
اعراض الجلطة الدماغية
- الدوخة
- النسيان
- فقدان أو ضعف البصر
- عدم القدرة على الحركة أو الكلام أو التثاقل فيه
- فقدان الوعي بصورة متكررة
- شلل في جانب واحد من الجسم وممكن يصيب الوجه أو دراع أو ساق واحد
- ارتخاء في جانب واحد من الفم و صداع مفاجئ وحاد وممكن يصاحبه قيء أو دوخة
أسبابها
- أحيانًا بتبقى صامتة تأثيرها كان بعيد عن أماكن مراكز حيوية زي مراكز الكلام أو الإحساس أو الحركة
- بتصيب مركز معين في المخ فتمنع وصول الأكسجين ليه وبالتالي بتأثر سلبا على عمله
- بتسبب فقدان وظائف المكان اللي اصيبت فيه أو موت الخلايا العصبية في المخ
- مثلًا الجلطات الدماغية الصغيرة بتسبب ضعف مؤقت للدراعين أو الساقين والجلطات الدماغية الكبيرة بتسبب شلل نصفي دائم أو فقدان القدرة على الكلام
- معرض ليها مرضى الضغط المرتفع والمصابين بخلل في الدهون أو تصلب في الشرايين
- شرب الكحول بكميات كبيرة وتعاطي المخدرات
- النظام الغذائي غير الصحي وزيادة الوزن أو السمنة
- قلة النشاط البدني وارتفاع الكوليسترول في الدم أو الإصابة بأمراض القلب
- الإصابة بمرض السكري أو التاريخ العائلي للإصابة بالجلطات الدماغية
اعراض الجلطة في الساق
- تورم الساقين
- ألم شديد لا يحتمل
- تغيّر لون الجلد
- ارتفاع درجة حرارة الساق في حالة وجود التهاب
- ظهور الدوالي في بعض الحالات
أسبابها
- بتنقسم لنوعين الأول الجلطة الشريانية وهو الأخطر لأنه بيسبب انقطاع الدم الواصل للساق
- وأعراضها واضحة زي تغير لون الجلد والآلام الشديدة
- النوع التاني الجلطات الوريدية بسبب تجمع الدم بصورة كبيرة في العضو المصاب
- بتظهر بسبب قلة الحركة البدنية لفترات طويلة
- أحيانًا بتزيد فرص الإصابة بيها عند الحوامل نتيجة الضغط على الوريد الأجوف السفلي وده بيزود احتقان القدمين
- أو بعد إجراء العمليات الجراحية اللي بتستلزم الجلوس في السرير فترات طويلة وبالتالي عدم نشاط الدورة الدموية
اعراض الجلطة في الرئة
- ضيق التنفس بشكل مفاجئ وألم الصدر بشكل مستمر
- سعال مستمر مخلوط بالدم
- وممكن الأعراض تكون في أجزاء تانية من الجسم زي ألم الساق وتورمها
- تغير لون الجلد للأزرق مع التعرق المفرط
- الدوخة وعدم الإتّزان
أسبابها
- حدوث جلطات في الدم بتنتقل للرئتين من الساقين
- الإصابة بأمراض القلب والأوعية الدموية وبعض أنواع السرطان زي البنكرياس وبتزود نسبة الإصابة بيه
- أو الراحة الطويلة في السرير
- الرحلات اللي مدة الجلوس فيها طويلة وده بيبطأ تدفق الدم في الساقين
- التدخين وزيادة الوزن
- الحمل لأنه بيضغط على الأوردة في الحوض ويبطأ عودة الدم للساقين
- الإستروجين التكميلي في حبوب منع الحمل والعلاج بالهرمونات البديلة خاصة مع التدخين
- ينتج عنها ضعف وصول الدم للرئتين
- ممكن تحصل على عدة مرات وبتتلف أجزاء من الرئة مع كل انسداد شرياني
علاقة كورونا بالجلطات
- دراسة في جامعة كولومبيا الأمريكية بتقول إن كورونا بتسبب جلطات لحوالي 30% من المصابين بيها والجلطات هي تحول جزء من الدم من الشكل السائل للجيلاتيني أقرب للتماسك
- بتمنع وصول الدم عبر الأوعية الدموية وبالتالي لما بتتكون في مناطق قريبة من القلب أو الدماغ بتقلل الدم اللي بيغذي المناطق دي وممكن تسبب نوبات قلبية أو سكتة دماغية
- دراسات كتير بتدرس سبب تكون الجلطات في أماكن متفرقة في الجسم مع الإصابة بكورونا
- دراسة في جامعة كورنيل الأمريكية بتقول إن الفيروس بيصيب الخلايا البطانية داخل الأوعية الدموية وبيسبب جلطات
- بروتين ACE2 في الأوعية بيتفاعل مع الفيروس اللي بيحمل جزء من البروتين نفسه.. فبيساهم في تجلط الدم داخل الأوعية
- دراسة تانية بتفسر التجلط نتيجة للاستجابة المناعية الكبيرة اللي بتسبب التهابات كبيرة وبينتج عنها جلطات سواء على الرئة أو القلب وفي أماكن مختلفة من الجسم
- دراسة في مستشفى جامعة جيفرسون الأمريكية بتقول عن طريق الملاحظة إن سد شريان في الدماغ بيسبب سكتة دماغية
- مرضى كورونا اللي مش ظاهر عليهم أعراض ممكن تصيبهم الجلطات الدماغية حتى لو مش مصابين بأمراض مزمنة والخبراء بيأكدوا إنها بتهدد فئة الشباب أكتر من غيرهم
- لأنهم لاحظوا جلطات في المخ وسكتات دماغية على أشخاص في سن الـ 30 أو الـ 40 هي نفسها اللي بتظهر لكبار السن في الـ70 أو الـ 80
الوقاية من الجلطات وتنشيط الدورة الدموية
- العب رياضة بانتظام وامشي من 30 لـ 50 دقيقة على الأقل 3 مرات في الأسبوع
- اعمل تحليل d-dimer بانتظام كل 3 أو 6 شهور
- دراسة بتأكد إن المشي بيزود تدفق الدم للمخ بنسبة 15% على الأقل وبيزيد مع السباحة وركوب العجل والرقص
- استغل الفرص لبذل أي نشاط بدني مهما كان بسيط مثلًا زي تمارين الإطالة بتساعد على تدفق الدم لكل أعضاء الجسم
- حاول تلمس مشط رجلك وإنت واقف وركبتك مفرودة
- تمارين التنفس هتساعدك تزود تدفق الدم لمخك وخد نفس عميق ببطء لمدة 6 ثواني واكتمه من 3 لـ 5 ثواني وبعدها فرغ الهواء ببطء على 6 ثواني وكرره 5 مرات ورا بعض
- ركز في فكرة إيجابية وإنت بتتنفس وقلل تعرضك للتدخين أو لأي تلوث
- التزم بنظام غذائي صحي غني بالألياف وقلل النشويات والسكريات
- دراسة بتقول إن الشوكولاتة الداكنة غنية بمركبات الفلافونويد اللي بتزود تدفق الدم للمخ موجودة في العنب والتفاح والتوت
- أطعمة تانية بتساعد على زيادته زي البنجر والأفوكادو والمكسرات زي البندق واللوز