المحتويات
ادوية الامساك أو الملينات بتساعد في تخفيف حدة أعراضه، في بعض الأدوية متوافرة بالصيدليات بدون وصفة طبية، لكن مش كل الملينات آمنة للاستخدام على المدى الطويل، والإفراط في استخدامها بيأدي لضعف وظيفة الأمعاء واضطرار للاعتماد عليها.
طرق بديلة قبل استخدام ادوية الامساك
- الإمساك هو انخفاض في معدل عملية الإخراج الطبيعي، وبيصاحبه أعراض زي صعوبة خروج البراز وجفافه وصلابته وآلام في البطن وأسفل الظهر
- من أسبابه سوء التغذية وعدم تناول كميات كافية من الألياف أو قلة شرب المياه والحمل وأسباب نفسية زي التوتر وبعض أنواع الأدوية
- عند شعورك بالإمساك.. حاول تغير نمط يومك كخطوة أولى تناول الأغذية المليئة بالألياف زي الخضروات والفواكه والشوفان وشرب السوايل من 6-8 أكواب في اليوم من المياه والسوايل السخنة والعصاير زي البابونج والكمون والجنزبيل وعصير التفاح وغيرها
- كمان أداء الرياضة بانتظام بمعدل 3 لـ5 أيام في الأسبوع بيساعد في تعزيز حركة الأمعاء والتخلص من الأمساك
ادوية للامساك
لاكسيول بى
- من أفضل أنواع أدوية علاج الإمساك، وبيحتوي على بيكوسلفات الصوديوم كمادة فاعلة، بيتوافر في شكلين أقراص ونقط
- الجرعة للبالغين من قرص لاتنين أو 15 -20 نقطة في اليوم
- تجنب إعطاءه للأطفال أقل من 4 سنين من غير استشارة دكتور
بيكولاس
- من أفضل أنواع أدوية علاج الإمساك لكبار السن والحوامل، وبيحتوي على بيكوسلفات الصوديوم كمادة فاعلة في شكل نقط عبر الفم
- الجرعة للبالغين حوالي 30 نقطة قبل الوجبات بنص ساعة
آبي لاكسين
- في شكل أقراص أو أقماع، وبيعمل على تحفيز نهايات الأمعاء والقولون والمستقيم
- الجرعة في اليوم للبالغين قرصين (قمعين) أما الأطفال أقل من 12 سنة قرص (قمع) واحد
منثولاكس
- في شكل حبوب وبيتكون من أعشاب طبيعية ملينة للمعدة والأمعاء، مناسب لكافة المراحل العمرية فهو دواء لعلاج الإمساك فعال
- وممكن للمرأة الحامل تناوله من غير أي خطورة على صحتها أو صحة الجنين
- مهم استخدامه باستشارة الدكتور
نصايح قبل تناول ادوية الامساك
- تناول الملينات ممكن يتداخل مع امتصاص الجسم لبعض الأدوية والمواد المغذية.. ومهم تستشير الدكتور أو الصيدلي قبل تناولها لو بتاخد دواء يومي
- الاستخدام الطويل للأدوية دي ممكن يأدي اختلال المعادن ووظيفة الأمعاء
- بعضها بيتفاعل مع بعض أنواع المضادات الحيوية وأدوية القلب والعظام.. اقرا النشرة كويس
- تجنب إعطاء أي دواء ملين لطفلك قبل استشارة الدكتور
- بالنسبة للنساء المرضعات بعض مكونات الأدوية ممكن توصل الرضيع من حليب الثدي، وده بيأدي لإصابته بالإسهال
- لو كنت من مرضى الكلى أو السكري.. استشير الدكتور قبل تناول أي دواء ملين
