المحتويات
العطش شعور طبيعي عند كل الأشخاص، لكن الحالات المزمنة والمفاجئة منه ممكن تبقة مؤشر لوجود خلل أو مرض معين، وتقدر تتغلب عليه بخطوات بسيطة.
أسباب العطش الشديد
جفاف الفم
- جفاف الفم واحد من أهم أسباب العطش الشديد، فالغدد اللعابية بتفقد قدراتها على إنتاج كمية كافية من اللعاب اللي بيحافظ على ترطيب الفم
- ده بيسبب تشقق الشفايف وصعوبة في البلع
جفاف الجسم
- هو فقدان الجسم لكمية كبيرة من السوايل اللي فيه والمهمة للقيام بوظائفه الحيوية
- سببه الإسهال أو قلة شرب المياه والقيء والتعرق المفرط
داء السكري والعطش
العطش الشديد وزيادة التبول من الأعراض الأساسية للإصابة بداء السكري بسبب تراكم الجلوكوز في الدم
التليف الكيسي
اضطراب وراثي بيسبب تلف في الرئتين والجهاز الهضمي والأعضاء التانية
من ضمن أعراضه:
- العطش الشديد
- الإمساك
- عدم القدرة على اكتساب الوزن
- زيادة إفراز العرق
فقر الدم
- هي حالة يفتقر فيها الدم خلايا الدم الحمراء السليمة وده سبب عدم إنتاجها أو تدمير عدد كبير منها
- من ضمن أعراضه العطش الشديد والدوخة والإغماء والنبض السريع وتشنج العضلات
متلازمة كوشينج والعطش
- عند تعرض الجسم لكميات عالية من هرمون الكورتيزون، ده بيسبب الإصابة بيها
- من أهم أعراضها هو وظهور حب الشباب وعلامات التمدد على الفخدين والثديين
متلازمة شوجرن
- هو مرض مناعي بيحصل لما تهاجم فيه مناعة الجسم الأجزاء المسؤولة عن إفراز السوايل زي الدموع واللعاب
- ممكن يعاني المريض من العطش الشديد وجفاف الفم والعيون والجلد والتعب والإرهاق ووجع العضلات والعظام
النظام الغذائي الغني بالملح
- الملح بيسحب المياه من الخلايا وبيجبر الجسم على الحفاظ على أكبر قدر من المياه وبالتالي التبول عدد مرات أقل
- خلايا المخ بتبعت رسايل للمخ لطلب مياه أكتر وبالتالي بتحس بيه
القلق المزمن والعطش
- بيأثر على عمل الغدة الكظرية وبالتالي انخفاض ضغط الدم
- ويمكن ربط التوتر المزمن بالعطش الشديد والقلق والإرهاق، لأن الإجهاد بيؤدي لنمط حياة غير صحي وأمراض متعددة
امتى تستشير دكتور؟
في أعراض معينة ظهورها مقلق ولازم تكشف عند دكتور متخصص بعدها، زي:
- لو هو مزمن بالرغم من شرب كميات كافية من المياه
- تشوش الرؤية
- الجوع الشديد
- وجود جروح أو قرح بتاخد وقت حتى تلتئم
- الشعور بالتعب
- التبول المتكرر
طريق التغلب عليه
في مشروبات تقدر تعملها في البيت هتساعدك على شرب كمية كافية من المياه وتزود التزامك بيها
تقدر تنتظم على أطعمة غنية بالمياه زي:
- البطيخ: 92% مياه
- الفراولة: 91% مياه
- الكنتالوب: 90% مياه
- الخوخ: 89% مياه
- البرتقال: 88% مياه
- الخيار: 95% مياه
- الخس: 96% مياه
- الشوربة: حوالي 92% مياه
- الكوسة: 94% مياه
- الكرفس: 95% مياه
- الزبادي السادة: 88% مياه
- الطماطم: 94% مياه
- فلفل ألوان: 92%
- القرنبيط: 92%
- الكرنب: 92%
- الجريب فروت: 88%
- الجبنة القريش: 80% مياه
