المحتويات
بطارية الموبايل من الأشياء اللي بتتأثر بسرعة بسوء الاستخدام، والحفاظ عليها وعلى السماعة السمارت واللابتوب بيكون من خلال خطوات بسيطة في الاستخدام اليومي ليهم.
خطوات الحفاظ على بطارية الآيفون
- تجنب إضاءة الشاشة العالية لأنها بتستهلك البطارية وخليها دايما أقل من النص
- الغي خاصية (Raise to Wake) وهي إن الموبايل ينور كل ما ترفعه.. افتح الإعدادات وبعدين الإضاءة والعرض (Display and Brightness)
- اقفل خاصية تجديد التطبيقات في الخلفية من خلال الإعدادات/ (Background App Refresh)/ (Off)
- اعمل الموبايل (Silent) أثناء النوم وفعل خاصية نمط الطاقة المنخفضة (Low Battery Mode) لو البطارية 20%
- اقفل نوتيفيكيشن التطبيقات غير المستخدمة زي الألعاب عشان تقلل استهلاكها
- في إعدادات الواي فاي.. الغي خاصية الإتصال التلقائي بيه
- لو هتخزنه فترة.. اشحنه لحد 50% وخزنه في مكان بارد وجاف
- اعمل أبديت للـ(iOS) أول بأول وفعل خاصية (Auto Brightness) من الإعدادات/ (Accessibility)
- افتح (Battery) عشان تعرف التطبيق اللي بيستهلك أكبر جزء من البطارية
- لو لقيت الميل من ضمنهم.. الغي خاصية الـ(Push) يدويا في الإعدادات/ (Fetch data Manually)
- الغي خاصية تتبع موقعك في التطبيقات من خلال (Settings)/(Privacy)/(Location Services)
- اقفل خاصية إن الشاشة تنور عند وصول النوتيفيكيشن من الإعدادات/ (Allow Notifications)/(Off)
- اشحن الموبايل وهو 20% وشيله وهو 80% عشان تحافظ على دورة الشحن وتجنب شحنه وهو عليه كوفر
- عطل اقتراحات (Siri) من الإعدادات وخاصية الاقتراحات في البحث (Search Suggestions)
- اشحنه مرة شهريا لحد 100% واستخدمه لحد ما يطفي وسيبه من 30 دقيقة لـ3 ساعات مقفول
- فعل خاصية القفل التلقائي للجهاز بعد دقيقة
- شغل اختيار قفل الـ(Airdrop) عند عدم الاستخدام من الإعدادات/ (Airdrop)
- افتح خدمات النظام من الإعدادات/ (Privacy)/ (Location Services) واقفل غير المستخدم منهم
خطوات الحفاظ على البطارية الأندرويد
- تجنب إن شحن الموبايل يوصل لـ0% أو 100% لأن البطاريات الليثيوم الحديثة لا تعمل بالطريقة دي وشحنها للآخر بيجهدها أكتر.. اشحنها لحد 90% وقت ما توصل لـ20%
- شحن الموبايل أثناء النوم بيجهد البطارية وبيسبب تعرضها لفولت كهرباء أكبر وحرارة أكتر فمهم تتجنبه
- حطه في مكان مفتوح غير مكتوم أثناء الشحن
- تجنب الشواحن السريعة وخليها للحالات الطارئة بس
- اقفل البلوتوث والواي فاي في حالة عدم استخدامهم
- الغي خدمات تتبع مكانك في التطبيقات المختلفة في حالة عدم استخدامها.. افتح الإعدادات (Settings) بعدين (Security & Location) وبعدين (Location) و(ِAdvanced) لإلغاء مسح الواي فاي والبلوتوث
- وافتح الإعدادات (Settings) وبعدين (Apps & Notifications) و(Advanced) وبعدين (App Permissions) لوقف استخدام خدمات اللوكيشن في الخلفية
- قلل سطوع البطارية وتجنب استخدام (Batter Saver) إلا في الحالات الضرورية لأنه بيأثر على أداء الموبايل وبيجهد البطارية في حالة استخدامه طول الوقت
- لو الموبايل حديث.. استخدام الـ(Dark Mode) لأنه بيستهلك طاقة أقل خاصة في الشاشات الـ(OLED)
- تجنب استخدام الموبايل أثناء شحنه أو في بيئة درجات الحرارة فيها عالية أو منخفضة جدا
نصائح للحفاظ على الساعة السمارت
- افتح تطبيق الساعة على الموبايل وحدد أهم الإشعارات (Notifications) اللي توصلك من خلالها
- اختار (Backgrounds) غامقة زي الأسود والرصاصي وتجنب الصور المتحركة/ اللي فيها ألوان/ المتنوعة
- اقفل الـ(always-on display mode) من الإعدادات/ (Display & Brightness)
- الغي خاصية الـ(Wake on wrist raise) من الإعدادات/ (General)/(Wake Screen) لأنها بتنور كل مرة تحرك فيها إيدك
- 5- الغي الأنيميشن في الصور الخلفية والتأثيرات المختلفة من اختيار (Accessibility) من تطبيق الساعة على الموبايل
- اقفل الـ(Heart rate monitor) من (Privacy)/ (Motion & Fitness) على تطبيق الساعة وشغلها عند ممارسة الرياضة بس
- اختار (Unlock with Iphone) عشان تشتغل مع فتح الموبايل بدون ما تطلب منك الباسوورد
- خلى الموبايل بس اللي يرن بدل الموبايل والساعة واقفل الإشعارات غير الضرورية من تطبيق الساعة
- الغي الـ(Activity Reminders) من الإعدادات/ قائمة (Activity) لأنها بتستهلك البطارية عند كل استخدام للساعة
- لو في اجتماع.. اختار (Do Not Disturb) من الـ(Control Center) في الساعة عشان تقلل استهلاك البطارية من الإشعارات
- حدد التطبيقات اللي تعمل (Refresh) في الخلفية من الإعدادات/ (General)
- الغي خاصية الصوت من الساعة في الوقت اللي مش مهتم فيه بالإشعارات
- فعل الـ(Theater Mode) لو عايز تستقبل الإشعارات بدون ما الساعة تنور أو تعمل صوت
- تجنب عمل مكالمات من خلالها لأن المكالمات اللي أكتر من 5 دقايق بتستهلك البطارية.. استخدم الموبايل أفضل
