المحتويات
(طابعات حديثة بجودة معقولة وسعر مناسب) هو هدف أي شخص عايز يشتري طابعة جديدة، والقرار مبني على عوامل كتير حسب الاحتياج للطابعة واستخدامك ليها واستمرار عملها لوقت طويل أساسه اهتمامه بيها سواء تنضيفها أو حتى صيانتها الدورية.
طريقة اختيار طابعة جديدة
- حدد استخدامك للطابعة قبل شرائها سواء لطباعة أوراق مكتوبة أو للصور أو هتحتاجها كطابعة وماسح ضوئي (Scanner) وآلة تصوير مستندات في نفس الوقت
- ابحث عن مطبعة فيها محبرة كبيرة تطبع أكبر قدر ممكن من الورق بدون تغيير خرطوشة الحبر
- بلاش تشتري طابعة ليزر لو مش هتطبع بالألوان باستمرار لأن سعرها مرتفع ومش هتستفيد بقيمتها الفعلية إلا لمدة بسيطة
- حدد استخدامك سواء هتحتاج طابعة سلكية أو لاسلكية حسب نوع الكومبيوتر عندك
- اتأكد من جيل تصنيع الطابعة وملائمتها لأنظمة التشغيل المختلفة لأن بعض الطابعات صعب استخدامها مع أنظمة التشغيل الحديثة زي ويندوز 11
- اسأل عن سعر الحبر الخاص بالطابعة لأن ممكن طابعة ثمنها رخيص يبقى سعر حبرها غالي
- استشير شخص اشتري طابعة واعرف منه جودة النوع اللي اشتراها أو ابحث في تعليقات المستخدمين على العلامات التجارية المختلفة
- اشتري من مكان موثوق فيه وبيقدم خدمة ما بعد البيع
- جرّب نفس النوع اللي هتشتريه عشان تعرف سرعة الطباعة ومدى جودتها وتكتشف أي صوت ممكن يظهر وقت الطباعة
الحفاظ على عمر الطابعات الافتراضي
- حطها في مكان مقفول بعيد عن الشباك عشان تقلل تراكم التراب عليها
- غطّيها بقطعة قماش بعد الانتهاء من استخدامها لحمايتها من التراب
- اتأكد إن الورق مفرود ومفيش أي بلل فيه وبلاش تستخدم ورق طباعة أقل من 70 جرام
- استخدم الطابعة باستمرار (مرة في الأسبوع على الأقل)
- نضّف الطابعة من الداخل بقطعة قماش جافة
- استخدم نوع حبر موثوق في جودته بدّل الحبر قبل انتهائه بفترة وبلاش تستنى لحد ما يجف تمامًا
- بلاش تفتحها وتقفلها أكتر من مرة في يوم واحد وخليها على وضع الاستعداد
- اقرأ التعليمات بعناية قبل استبدال خراطيش الحبر وبلاش تضغط على الأجزاء الداخلية بعنف
- استشير أي فني متخصص فورًا لو لاحظت أي مشكلة
خطوات تنضيف الطابعة
- افصل الكهرباء عن الطابعة
- افتح باب الطابعة ونضّف خرطوشة الحبر بقطعة قماش جافة
- خليك حريص لأنها ممكن تملى إيدك وهدومك بلون الحبر
- خرّج الخرطوشة من الطابعة لو فيه إمكانية وحطها على سطح جاف ومستوي
- امسح الحبر الزيادة بقطعة إسفنج مبلولة
- جففها كويس قبل تركيبها
- رش كحول وملمع الزجاج على قطعة قماش ومررها على الأجزاء الداخلية للطابعة
- مرر أعواد قطن على الشرايط الصغيرة اللي بيمر عليها الورق لأنها ممكن تتلف عشان تمنع تراكم الأتربة عليها
- امسح الطابعة من الخارج بقطعة قماش واهتم بالفتحات المكشوفة
- رش ملمع الزجاج مباشرة عليها بكمية بسيطة
- بلاش تشغّلها إلا بعد 20 دقيقة وغطيها كويس بعد كل استخدام
حل مشكلة تعريف الطابعات الحديثة على ويندوز 10
- اضغط على ابدأ/Start وبعدها إعدادات/Settings ومنها على الطابعات والماسحات الضوئية/ Printers and Scanners
- اتأكد من وجود البرنامج اللي بتظهر عنده المشكلة واضغط على ابدأ/ Start
وابحث عن Command Promp واختار التشغيل كمسؤول/ Run as administrator - اكتب أمر التشغيل (DLL: rundll32 printui.dll ،PrintUIEntry/ Xg/ n) جنب ( Windows/ system )
