البيت

نصائح لاختيار الكاتل المناسب وكيفية استخدامه وإصلاحه

إزاي تختار كاتل مناسب؟

الكاتل أصبح من الأجهزة الضرورية في كل مكان لتسخين المياه بسرعة سواء لتحضير المشروبات أو للطبخ، وبيسهل توفير المياه المغلية اللي بتوصل لأعلى درجات الحرارة في أسرع وقت، لكن ضروري تشتريه من مكان موثوق فيه بيقدم خدمات ما بعد البيع عشان تضمن حقك لو اكتشفت عيوب في التصنيع

الكاتل

خطوات اختيار كاتل مناسب 

  • احرص إن مقبض الكاتل يبقى مريح وقت الحمل خصوصًا لو الكاتل مليء بالمياه
  • الأحسن تختار كاتل مزوّدة بفلتر لتنقية المياه فوق فوهة المياه عشان تنقيها من الشوائب وتقلل فرص تكوّن الرواسب في قاع الكاتل
  • اسأل البائع لو بتحتوي الكاتل على حساسية كهربائية داخلية بتوقف عملها فورًا لو بتحتوي على كميات مياه أقل أو أكتر عن النسب المسموح بيها
  • اختار قاعدة دائرية مستديرة عشان تسهّل وضع الكاتل في كل الاتجاهات بدون عوائق
  • ابحث عن الأنواع العازلة للحرارة عشان تقلل فرص تعرضك للحرارة الزائدة وقت لمس جسم الكاتل من الخارج
  • اشتري كاتل مناسبة لاحتياجك سواء أسرتك فيها أكتر من فردين وبيجيلك ضيوف ولا مش بتستقبل مجموعة كبيرة في بيتك
  • اختار جهاز بقدرة كهربائية عالية (بتتراوح بين 1.7 كيلو وايت لـ 3 كيلو وات)
  • اشتري الكاتل الستانلس لو هتستخدمها باستمرار وطول الوقت لأنها عملية وبتستحمل وكمان الكاتل البايركس بتنصنّف إنها من أحسن الأنواع ولكنها بتحتاج حرص شديد في الاستخدام والاستعمال
  • ابعد عن شراء الأنواع المصنوعة من البلاستيك لأن تعريض البلاستيك للحرارة بيقلل عمره الافتراضي

تأثير الأنواع الرخيصة على الصحة 

  • دراسة في جامعة الدنمارك التقنية بتأكد إن بعض غلايات المياه الرخيصة بتسبب تفاعلات خطيرة مع المياه لأن المعادن بتزيد فيها عن الطبيعي وبتسبب أمراض زي الفشل الكلوي والسرطان
  •  وفرص الإصابة بالأمراض بتزيد بسبب الترسبات الجيرية اللي بتتراكم في القاع
  •  وبتنصح الدراسة باختيار كاتل من ماركات معروف جودتها ومعايير الأمان فيها وإنه يكون مصنوع من بلاستيك مقاوم للحرارة وعليه علامة مثلث وجواه رقم 5
  •  الرواسب بتحصل نتيجة مرور تيار الكهرباء في المياه اللي ممكن يفصل بعض الأملاح منها
  •  لو مصنوع من مادة مش مطابقة للمواصفات ممكن الأملاح تتفاعل مع المعادن وتغير في تركيب المياه وده بيأثر على الألومنيوم في المياه
  • وبيضر بالكلى اللي بتنقي الجسم من السموم وبتتسبب كمان في خلل في الجهاز العصبي والتنفسي ونقص في الفيتامينات

تنضيف الكاتل

  •  لازم تنضف الكاتل بشكل دوري حسب عدد مرات استخدامك ليها لأن تراكم الرواسب اللي بتسببها المياه في قعرها بتسبب الأمراض
  • لو بتستخدمها يوميا نضفها مرة كل أسبوع عن طريق فصلها عن الكهرباء واتأكد إنها باردة تماما
  • اخلط أجزاء متساوية من المياه الدافية والخل وسيب الخليط فيها ساعة
  • فضيها من المياه واغسلها من الداخل بليفة وصابون
  • تجنب تسرب المياه للجزء الخارجي منها لأن ده بيسبب تلف مقياس الحرارة والجزء الكهربي فيها
  • امسح الجزء الخارجي بفوطة مبللة بسيط وتجنب غسلها في غسالة الأطباق

نصائح وقت الاستخدام 

  •  تجنب ملي مياه زايدة عن احتياجك لأن ده بيسرع تلفها وبيسحب كهرباء أكتر
  • والدراسات أثبتت إن غلي المياه بشكل متكرر خطر لأن بيسبب تركز المواد الكيميائية اللي في المياه على سطحها
  • واللي بتسبب أمراض زي التسمم والسرطان وأمراض القلب والأوعية الدموية وحصوات الكلى والعقم
  • تجنب تخزين المياه فيها لأنه بيسبب تراكم الترسبات في قعرها وبالتالي تأثر درجة فعاليتها في غلي المياه
  • فضيها من المياه بعد كل استخدام
  • تجنب الأنواع المكونة أو فيها بعض قطع البلاستيك لأنها بتتفاعل مع المياه وبتأثر سلبا على الصحة

طريقة استعمال الكاتل لأول مرة 

  • املاها مياه لأقصى حد وسيبها تغلي عشان تتخلص من الروايح اللي فيها وبعدين ارمي المياه لو بتستخدمها لأول مرة
  • معظم الأنواع بتحتاج لغلي المياه فيها أكتر من مرة قبل الاستخدام لحد لما الريحة تختفي تماما
  • اتأكد إن القاعدة ناشفة تماما قبل الاستخدام وابعدها عن أي مصدر حرارة

إصلاح أعطال الكاتل 

ضعف أو انعدام القدرة على التسخين 

  •  افصل فيشة الكهرباء عن الغلاية وبعدها افحص منظم الحرارة وقاعدة الغلاية وعنصر التسخين الداخلي عشان تكتشف أي تلف فيهم
  • أي مشكلة فيهم لازم تستشير فني متخصص يحلّها في أسرع وقت

 تسريب المياه 

  • املا الغلاية مياه بعد فصلها عن الكهرباء وحرّكها في كافة الاتّجاهات عشان تكتشف مكان التسريب
  •  بعض الخبراء بيقترحوا عدم استعمال الغلاية لمدة 15 يوم وتكرار محاولة ملأ المياه فيها بعدها
  • الترسبات الكلسية بتؤدي لسد الثقوب
  • تحديد منطقة التسريب وسد الثقب بالغراء ولكن من خارج الغلاية مش من الداخل
  • ثبّت شريط لاصق فوقها بعد تأكدك من جفاف الغراء تمامًا

 استمرار الغلاية في العمل بدون انطفاء 

  • فكّ القاعدة عن طريق فك المسامير الموجودة فيها وشيل الطبقتين بلطف لأن أي محاولة عنيفة لفصلها ممكن تسبب مشكلة
  • لاحظ أي تلف أو تآكل لو موجود واستبدلها بنوع تاني متماشي مع نوع الغلاية
  • لكن لو القاعدة سليمة تبقى المشكلة الرئيسية في الغلاية وتحديدًا عنصر التسخين ومصهر الحرارة
  • معرفتك لسبب المشكلة هيساعدك تحلها أسرع ويمنع استغلال الآخرين أثناء إصلاح الغلاية

 تسخين المياه ببطء 

  • اشتري حمض الستريك وضيفه للغلاية من الداخل وضيف عليه مياه وسيبه يغلي وبعدها سيب الحمض في الغلاية لمدة 40 دقيقة
  • اغسل الغلاية كويس عشان تقلل فرص الترسبات اللي بتتسبب في أغلب الأعطال

 انطفاء السخان قبل الغلي 

  •  فرّغ الغلاية من المياه وبعدها نضّف عنصر التسخين داخل الغلّاية بالمياه والصابون وكرر التجربة تاني
  •  بينطفيء بسبب تراكم الأوساخ والشوائب فوقه
  • أعطال مفتاح التشغيل محتاجة متخصص عشان يركّب مفتاح جديد مناسب لنوع الغلاية

مقالات ذات صلة

زر الذهاب إلى الأعلى