حيوانات

مواصفات القط الشيرازي ونصائح لتربيته والاهتمام به

إزاي تربي القط الشيرازي صح؟

القط الشيرازي من أفضل أنواع القطط المنزلية، ومعروف بإنه مطيع وبيحافظ على نضافته وسهل في التعامل وودود.

مواصفات القط الشيرازي

  • مزاجه معتدل
  • متوسط طوله حوالي 60 سم، ووزنه بيوصل لـ 4.5 كيلو جرام
  • متوسط عمره 20 سنة
  • بيتميز بالشعر الناعم الطويل والكثيف
  • له ألوان مختلفة (الذهبي والبرتقالي والأسود والأبيض)
  • وجهه دائري وأنفه صغير وعينه واسعة وغالبا بترتبط بلون شعره (يعني لو شعره ذهبي أو برتقالي عينه هتكون بني فاتح مايل للذهبي/ الأبيض غالبا عينه لونها بتكون أزرق)

أنواع القط الشيرازي

أصله فارسي وله 4 أنواع

  • المون فيس

القط الشيرازي

  • البيكي فيس

القط الشيرازي

  • الهاف بيكي
    الهاف بيكي
  • قط الهيمالايا

القط الشيرازي

مميزات القط الشيرازي

  • بيتأقلم على البيت بسرعة
  • ودود وهادي
  • بيتكيف مع أي نوع حيوان أليف (أنواع تانية من القطط أو الكلاب)
  • نظيف بفطرته
  • سهل تدريبه على اسمه واستخدام صندوق الفضلات
  • بيحب اللعب وآمن مع الأطفال
  • بيحب النوم وبتتراوح ساعات النوم في اليوم حوالي 16 ساعة 

عيوبه 

  •  بسبب طول وكثافة شعره.. بيتطلب عناية مستمرة لأنه سهل يلتقط الحشرات الصغيرة أو الطفيليات واللي بتسبب له أمراض زي الفشل الكلوي
  • أنفه الصغير ممكن يسبب له ضيق تنفس وفقدان الوزن والاكتئاب، وعشان كدة مهم تعرضه للتهوية المناسبة وتبعده عن الروايح الكريهة أو المزعجة
  • مُعرض بشكل كبير لأمراض العيون بسبب قصر مجري الدمعي، ومهم تنضف عينيه بشكل مستمر 

نصائح لتربية القط الشيرازي

  • بيحتاج تمشيط شعره مرتين كل أسبوع
  • لكن مهم تكون عارف إنه بينزعج من الفرشة، استخدمها قبل تناول الأكل عشان يربط القط بين تناول الأكل وتمشيط الشعر ويتقبلها، وكمان ابدأ بتمشيطه في سن مبكر عشان يتعود
  • امسح زوايا عينه يوميا باستخدام قطنة صغيرة عشان تتجنب تراكم العماص لأنه بيأثر على الرؤية
  • نظف فمه بفرشاة الأسنان مرة كل أسبوع عشان تحميه من مشاكل اللثة وتسوس الأسنان
  • اقفل الأبواب والشبابيك عشان ميخرجش ويتوه بره البيت
  • بيتغذى على دراي فود المخصص للقطط، وممكن تدخل أكل منزلي يكون مناسب له زي الفراخ والأرز وشوربة الخضار
  • الاستحمام مرة واحدة كل شهر، ومهم تنظف أذنه
  • اسأل الدكتور عن مواعيد التطيعمات وأدوات النظافة زي الشامبو والتزم بالزيارة الدورية عشان تحميه من الأمراض

مقالات ذات صلة

زر الذهاب إلى الأعلى