المحتويات
لقاح كورونا ليه أهمية كبيرة، لأن الأطباء في العالم أجمعوا على إنه بيأمن حياة الأشخاص، وبيقلل فرص الإصابة بفيروس كورونا، وبيقلل بنسبة كبيرة حدة الأعراض في حالة الإصابة بيه، وبالتالي المريض لا يحتاج للمستشفى أو العناية الطبية الكبيرة، هنقولك إزاي تسجل للحصول على لقاح كورونا.
خطوات التسجيل للحصول على لقاح كورونا
- ادخل على (https://egcovac.mohp.gov.eg/#/home)
- اختار التسجيل لطلب لقاح كورونا
- هيظهرلك 3 اختيارات (العاملين بالقطاع الطبي، أصحاب الأمراض المزمنة من جميع الفئات العمرية، فئات أخرى) اختار الأنسب
- دخل المعلومات الأساسية للتسجيل زي:
- لغة التواصل العربية
- الاسم (زي ما هو مكتوب في البطاقة أو وثيقة السفر)
- بلد الجنسية
- الرقم القومي
- تاريخ الميلاد
- النوع
- المحافظة اللي عايز تاخد اللقاح فيها
- القسم/ المركز اللي عايز تاخد اللقاح فيه
- حدد لو بتعاني من أمراض مزمنة ولا لأ
- الوظيفة
- البريد الإلكتروني (اختياري)
- التحقق من رقم الموبايل
- دخل رقم الموبايل وبعدين دوس (إرسال) عشان يوصلك رمز التحقق
5. اكتب رمز التحقق
6. دخل رقم التليفون الأرضي بكود المحافظة
7. اكتب رقم موبايل تاني (اختياري)
8. حمل صورة البطاقة
9. تقدر تحمل أي تقارير عن حالتك الطبية
10. علم على مربعات الإقرارات ودوس على (استكمال)
11. هيظهرلك رسالة لتأكيد نجاح عملية التسجيل
12. هيوصلك رسالة بمكان ومعاد تلقي الجرعة الأولى من اللقاح على رقم الموبايل اللي سجلت بيه قبلها
إجراءات ما قبل التطعيم
- تجنب شرب الكحول أو التبغ ومهم تنام عدد ساعات كافي عشان تزود فعالية اللقاح
- توقف عن تناول أدوية غير الستيرويدية المضادة للالتهابات زي الإيبوبروفين والأسيتامينوفين قبل تلقي اللقاح
- عدم تلقي اللقاح لو كنت مصاب بالفيروس أو اتعرضت لشخص تاني مصاب بيه
أسباب تجنب الأدوية قبل تلقي اللقاح
الأدوية ممكن تعيق نظام المناعة في الجسم وبالتالي ممكن تأثر سلبا على فعالية اللقاح، لأن جسمك بياخد وقت عشان يبني حماية بعد أخد اللقاح، وبالتالي لما بتاخد أدوية مضادة للالتهاب قبله فإنت بتقلل فعالية اللقاح على إنتاج العدد المطلوب من الأجسام المضادة اللي هتساعدك في حماية جسمك من الإصابة.
إجراءات ما بعد التطعيم
- الاستمرار في لبس الكمامات والتباعد الاجتماعي
- مركز السيطرة على الأمراض والوقاية منها قال إن حتى بعد التطعيم الكامل ممكن تكون حامل للفيروس
- الحصول على الجرعة التانية في المعاد المخصص ليها
- لأن التجارب أثبتت إن بعض الأشخاص بيتكون عندهم مستويات عالية من الأجسام المضادة بعد المرحلة الأولى
- البعض التاني لا يستجيبوا وبالتالي مهم تلتزم بالجرعة التانية في معادها عشان توصل للحماية بنسبة كبيرة
- مركز السيطرة على الأمراض أوصى بعدم القيادة لمدة 15-30 دقيقة بعد التطعيم عشان تتأكد إنك كويس
- عرف الطاقم الطبي لو بتعاني من أي حساسية
فاعلية لقاح كورونا
وزارة الصحة أعلنت إن فاعلية لقاحات Covid-19 في مصر تصل لأكتر من 86% من الحماية بخطر الإصابة بفيروس كورونا، ويفصل بين الجرعتين حوالي 21 يوم، ولقاح استرازنكا طبقا للتقارير الخاصة باللقاحات المعتمدة فعاليته بتوصل لحد 79%.
