تربيةشغل

كيف تصبح مليونير ورائد أعمال ناجح بخطوات عملية

إزاي تبقى مليونير بطرق عملية؟

(كيف تصبح مليونير) سؤال بيشغل بال ناس كتير وبيتصدر محركات البحث في أغلب الأوقات لأن حلم الغنى وامتلاك ثروة كبيرة هو حلم فطري، خصوصًا إن الإنسان بيسعى دايمًا للإحساس بالأمان عن طريق جمع الأموال والاستمتاع برفاهيات الحياة.

كيف تصبح مليونير

نصائح لريادة الأعمال بنجاح

  • نظريات كتير بتأكد إنك عشان تبقى مليونير لازم تبقى رائد أعمال ناجح
  •  ريتشارد برانسون من أنجح رجال الأعمال في بريطانيا ومالك شركات Virgin بيقول إن أساس أول مليون هتعملهم هو شغلك الخاص 
  • امشي ورا شغفك واتعب عشان توصل للحاجة اللي إنت عايزها 
  • فكر  تفيد اللي حواليك بطريقة مختلفة عن أي حد واعرف إن إيمانك بفكرتك وبقدراتك في تحقيقها هو الأساس 
  • حافظ على علاقات إنسانية بينك وبين اللي بيشتغلوا معاك وخلي فيه مساحة للترفيه 
  •  بلاش تيأس لأنك هتواجه صعوبات ومشاكل في البداية 
  •  اعمل قائمة بأهداف جديدة عايز توصلها مهما حققت حاجات كان نفسك فيها
  • نظم وقتك عشان توازن بين شغلك وحياتك الشخصية 
  • ابعد عن مشاهدة التليفزيون أو أي حاجة بتضيع وقتك من غير ما تستفيد منه 
  • أفضل رد للهجوم هو تجاهله والرد عليه في الوقت المناسب وبشغلك 
  • اعمل الأنشطة اللي بتسمتع بيها عشان تجدد طاقتك

قاعدة الرابعة صباحًا

  • ارتبطت القاعدة دي بمشاهير كتير قدروا يكوْنوا ثروات ضخمة تقدر بملايين الدولارات
  • القاعدة هي الصحيان الساعة الرابعة صباحا بغض النظر عن كمية أو توقيت العمل
  • ريتشارد برانسون قال إن الصحيان بدري بيتيح له الفرصة لممارسة الرياضة والفطار
  • وبيساعده يقضي وقت مع عائلته وده بيحفز طاقته النفسية والعقلية للعمل 
  • كتاب (Rich Habits) أو عادات الأغنياء للكاتب توك كورلي بيضم عادات 233 من المليونيرات على مدار 5 سنوات
  • بيأكد الكتاب إن المليونيرات بيستغلوا فترة الصباح للتطوير من مهاراتهم
  • بيشحنوا طاقتهم النفسية للإبداع والنجاح في العمل
  • بيساعد على الاجتهاد وبيقلل فرص الكسل وبيزوّد السعي لتحقيق الطموحات والتطور في العمل
  • بيوفر مساحة يومية للابتكار والتفكير المتجدد والمبدع

كيف تصبح مليونير بخطوات عملية؟

  • الخبراء بيأكدوا إن 88% من الأغنياء بيخصصوا 30 دقيقة على الأقل كل يوم للتعليم الذاتي أو قراءة تحسين الذات
  • بيميلوا لكتب السير الذاتية للأشخاص الناجحين أو كتب المساعدة الذاتية أو التنمية الشخصية أو كتب التاريخ
  • 76% من الأغنياء بيلعبوا رياضة  30 دقيقة على الأقل كل يوم 
  • المليونير ميزانيته محددة برقم معين ومش مفتوحة وبالتالي بيقدر يحدد أوجه الانفاق الصح ومش بيسرف في الصرف
  • الموضوع مش مرتبط إنه معاه فلوس فضروري يصرف لكنه بيراجع نفسه قبل أي قرار عشان يحقق هدفه
  • بيعتمد المليونير على أكتر من مصدر دخل
  • بيتجنب المليونير الاقتراض من البنوك لأنه بيدرس كل خطوة كويس وعارف الفوائد اللي هتتراكم عليه في المستقبل
  • المليونير عنده هدف عايز يحققه وبيشتغل عليه وصبور وعنده نفس طويل عشان يحقق هدفه ويحقق الإنجازات اللي بيحلم بيها

العمل مع الدراسة 

  • خبراء كتير بيأكدوا إن أغلب المليونيرات كانوا بيشتغلوا بجانب دراستهم
  •  درّس تخصص متمكن منه لأطفال أصغر منك في وقت فراغك 
  • مواقع كتير تقدر تسجل عليها أي  خدمة تقدر تعملها زي موقع Peopleperhour  وFreelancer وFiverr 
  •   Swagbucks بيساعدك تكسب فلوس مقابل اشتراكك في استطلاعات الرأي 
  •  Usertesting بيخليك تكسب فلوس مقابل المشاركة في تقييم التطبيقات والمواقع الإلكترونية 
  •  اعرض خدمة استضافة الحيوانات الأليفة في بيتك لو بتحب رعايتهم 
  • اتدرب على صنع أي مشغولات يدوية واعرضها للبيع على صفحة خاصة بيك أو على مواقع الشراء الإلكتروني
  •  اعمل ملخصات بطريقة عرض شيقة للمواد المتفوق فيها 
  • اشتري كتب قديمة وحاول تبحث للوصول للكتب النادرة قدر المستطاع وبيعها على جروبات محبي الكتب 
  •  ابحث عن وظيفة بعدد ساعات محدودة بعد انتهاء يومك الدراسي

مقالات ذات صلة

زر الذهاب إلى الأعلى